ಅಯ್ಯೋ ದೇವ್ರೆ ಈ ರೀತಿಯ ಕಾನೂನು ಬೇಡಪ್ಪಾ ಬೇಡ!

ಫ್ರಾನ್ಸ್‌ನಲ್ಲಿ ಕೆಚಪ್ ನಿಷಿದ್ಧ

ಫ್ರಾನ್ಸ್‌ನಲ್ಲಿ ಅಲ್ಲಿನ ಸಾಂಪ್ರದಾಯಿಕ ಅಡುಗೆಗಳಿಗೆ ಅತಿಯಾಗಿ ಕೆಚಪ್ ಅನ್ನು ಬಳಸಿ ಅದರ ರುಚಿಯನ್ನು ಕೆಡಿಸುವ ಕಾರಣದಿಂದಾಗಿ ಸರಕಾರವು ಶಾಲೆಗಳಲ್ಲಿ ಕೆಚಪ್ ಗೆ ನಿಷೇಧ ಹೇರಿದೆ. ಫ್ರೆಂಚ್ ಫ್ರೈಯನ್ನು ತಿನ್ನುವಾಗ ಮಾತ್ರ ಕೆಚಪ್ ಅನ್ನು ಬಳಸಬಹುದಾಗಿದೆ. ಅಚ್ಚರಿ ಜಗತ್ತು: 'ಕೆಚಪ್' ಪ್ರಿಯರು ಓದಲೇಬೇಕಾದ ಲೇಖನವಿದು...

ಡೆನ್ಮಾರ್ಕ್‌ನಲ್ಲಿ ಮಗುವಿಗೆ ಹೆಸರಿಡುವಂತಿಲ್ಲ!

ಇದನ್ನು ಕೇಳಿ ಸ್ವಲ್ಪ ಅಚ್ಚರಿಯಾಗುವುದು ಸಹಜ. ಮಗುವಿಗೆ ಹೆಸರಿಡದಿದ್ದರೆ ಹೇಗೆ ಎನ್ನುವ ಪ್ರಶ್ನೆ ಬರಬಹುದು. ಆದರೆ ಸರಕಾರ ಆಯ್ಕೆ ಮಾಡಿರುವ 24 ಸಾವಿರ ಹೆಸರುಗಳನ್ನು ಬಿಟ್ಟು ಬೇರೆ ಯಾವುದೇ ಹೆಸರನ್ನು ಹೆತ್ತವರು ಮಗುವಿಗೆ ಇಡುವಂತಿಲ್ಲ. ಸರಕಾರದ ಪಟ್ಟಿಗಿಂತ ಹೊರಗಿನ ಹೆಸರಾದರೆ ಆಗ ಸರಕಾರದ ವಿಶೇಷ ಅನುಮತಿಯನ್ನು ಪಡೆಯಬೇಕಾಗಿದೆ.

ಹಳದಿ ಬಣ್ಣದ ಬಟ್ಟೆ

ಮಲೇಶಿಯಾದಲ್ಲಿ ಸರಕಾರದ ವಿರೋಧಿಗಳು ಹಳದಿ ಬಣ್ಣವನ್ನು ನೆಚ್ಚಿಕೊಂಡಿರುವ ಕಾರಣದಿಂದಾಗಿ 2011ರಲ್ಲಿ ಅಲ್ಲಿನ ಸರಕಾರವು ಹಳದಿ ಬಣ್ಣದ ಬಟ್ಟೆ ಧರಿಸುವುದಕ್ಕೆ ನಿಷೇಧ ಹೇರಿದೆ. ಹಳದಿ ಬಣ್ಣವಿರುವ ಯಾವುದೇ ಬಟ್ಟೆಯನ್ನು ನೀವು ಧರಿಸುವಂತಿಲ್ಲ.

ಚೀನಾದಲ್ಲಿ ಜಾಸ್ಮಿನ್

ಕೂದಲಿನ ವಿನ್ಯಾಸ

ವಿದೇಶಿ ಸಂಸ್ಕೃತಿಗೆ ಮಾರುಹೋಗಬಾರದೆಂಬ ಕಾರಣಕ್ಕಾಗಿ ಇರಾನ್‌ನಲ್ಲಿ ವಿದೇಶಿ ಶೈಲಿಯ ಕೂದಲಿನ ವಿನ್ಯಾಸಕ್ಕೆ ನಿಷೇಧ ಹೇರಲಾಗಿದೆ. ಅಲ್ಲಿ ಧೋನಿಯಂತೆ ಉದ್ದನೆಯ ಕೂದಲು ಬಿಡುವಂತಿಲ್ಲ. ರೊನಾಲ್ಡೊನಂತೆ ಕೂದಲನ್ನು ವಿನ್ಯಾಸ ಮಾಡುವಂತಿಲ್ಲ. ಹೆಚ್ಚಿನ ಇಸ್ಲಾಮಿಕ್ ರಾಷ್ಟ್ರಗಳಲ್ಲಿ ಇಂತಹ ನಿಷೇಧಗಳಿವೆ.

ಗ್ರೀಸ್‌ನಲ್ಲಿ ವಿಡಿಯೋ ಗೇಮ್

ದೇಶದಲ್ಲಿ ವಿಡಿಯೋ ಗೇಮ್ ಜೂಜಾಟ ನಡೆಯುತ್ತಿರುವ ಹಿನ್ನೆಲೆಯಲ್ಲಿ ಗ್ರೀಸ್ ಸರಕಾರವು ವೀಡಿಯೋ ಗೇಮ್ ಗಳಿಗೆ ನಿಷೇಧವನ್ನು ಹೇರಿದೆ. ಆದರೆ ಮಕ್ಕಳು ಆಡುವಂತಹ ವೀಡಿಯೋ ಗೇಮ್ ಮತ್ತು ಜೂಜಾಟದ ವೀಡಿಯೋ ಗೇಮ್ ಅನ್ನು ಪ್ರತ್ಯೇಕಿಸಲು ಅಲ್ಲಿನ ಸರಕಾರವು ವಿಫಲವಾಗಿದೆ. ಯಾವುದೇ ಸೈಬರ್ ಕೆಫೆಯಲ್ಲಿ ವೀಡಿಯೋ ಗೇಮ್ ಆಡುತ್ತಿರುವವರನ್ನು ಬಂಧಿಸಲಾಗುತ್ತದೆ.