ಅಚ್ಚರಿಗೆ ತಳ್ಳುವ 'ಇಂಟರ್ನೆಟ್' ಹಿಂದಿರುವ ಕರಾಳ ಸತ್ಯಗಳು

ರಹಸ್ಯ#1

ನಿಮ್ಮ ಕಂಪ್ಯೂಟರಿನ ವೆಬ್‌ಕ್ಯಾಮ್ ಆಫ್ ಇದ್ದರೂ ಹ್ಯಾಕರ್ ಅಥವಾ ಅಂತರ್ಜಾಲ ಕಳ್ಳರು ಇದರ ಮೂಲಕ ನಿಮ್ಮ ಮನೆಯೊಳಗೆ ಇಣುಕಿ ನೋಡಬಲ್ಲರು. ಇದರ ಮೂಲಕ ಚಿತ್ರಗಳನ್ನೂ ತೆಗೆಯಬಲ್ಲರು. ನಿಮಗೆ ಗೊತ್ತೇ ಇಲ್ಲದಂತೆ ನೀವು ಮನೆಯಲ್ಲಿ ಏಕಾಂತದಲ್ಲಿ ಇರುವ ಯಾವುದೇ ಸ್ಥಿತಿಯನ್ನು ಅವರು ದಾಖಲಿಸಬಲ್ಲರು. ವಿಶೇಷವಾಗಿ ವೀಡಿಯೋ ಕಾಲ್ ನಲ್ಲಿದ್ದಾಗ ಇಬ್ಬರು ವ್ಯಕ್ತಿಗಳ ಸಂವಾದವನ್ನೂ ಇವರು ನೋಡಬಲ್ಲರು.

ರಹಸ್ಯ#2

ನಿಮ್ಮ ಖಾಸಗಿ ವಿವರಗಳೆಲ್ಲವನ್ನೂ ಈಗ 'ಕ್ಲೌಡ್' ಅಥವಾ ಅಂತರ್ಜಾಲದಲ್ಲಿ ಲಭ್ಯವಿರುವ ಸ್ಥಳದಲ್ಲಿ ಸಂರಕ್ಷಿಸಿಡಬಹುದು. ಆದರೆ ಇದೂ ಸಹಾ ಸುರಕ್ಷಿತವಲ್ಲ. ಹ್ಯಾಕರ್‌ಗಳು ಇಲ್ಲಿಯೂ ಲಗ್ಗೆಯಿಟ್ಟು ನಿಮ್ಮ ಖಾಸಗಿ ವಿವರಗಳನ್ನು ಪಡೆಯಬಹುದು.

ರಹಸ್ಯ#3

ನೀವು ಕೀಬೋರ್ಡ್‌ನಲ್ಲಿ ಯಾವ ಕೀ ಒತ್ತಿದ್ದೀರಿ ಎಂಬುದನ್ನೂ ಕಂಡುಹಿಡಿಯುವ ತಂತ್ರಜ್ಞಾನವನ್ನು ಕೆಲವು ಹ್ಯಾಕರ್ ಗಳು ಅಭಿವೃದ್ಧಿಪಡಿಸಿದ್ದಾರೆ. ಅಂದರೆ ನಿಮ್ಮ ಪಾಸ್ ವರ್ಡ್ ಸಹಾ ಈಗ ಸುರಕ್ಷಿತವಲ್ಲ! ವೈರ್ ಲೆಸ್ ಕೀಬೋರ್ಡ್ ಮೂಲಕ ಸಿಪಿಯು ಗೆ ತಲುಪುವ ಸಂಕೇತಗಳನ್ನು ಇವರು ಮಾರ್ಗಮಧ್ಯೆ ಕದ್ದು ನೋಡುತ್ತಾರೆ.....

ರಹಸ್ಯ#3

ಪಾಸ್ ವರ್ಡ್ ದಾಖಲಿಸಿದಾಗ ಮಾನಿಟರ್‌ನಲ್ಲಿ ನೀವು ಯಾವ ಅಕ್ಷರ ಒತ್ತಿದ್ದೀರಿ ಎಂದು ಕಾಣುವುದಿಲ್ಲ, ಬದಲಿಗೆ ಎಲ್ಲಾ ಅಕ್ಷರಕ್ಕೂ ಸಕ್ಷತ್ರವೇ ಮೂಡುತ್ತದೆ. ಆದರೆ ಈ ಹ್ಯಾಕರ್ ಗಳು ನೀವು ಕೀ ಬೋರ್ಡ್ ಒತ್ತದೆಯೇ ನಿಮ್ಮ ಪಾಸ್ ವರ್ಡ್ ಅನ್ನು ತಮ್ಮ ಕೀಬೋರ್ಡ್ ಮೂಲಕ ನಿಮ್ಮ ಪರದೆಯ ಮೇಲೆ ಮೂಡಿಸಬಲ್ಲರು.

ರಹಸ್ಯ #4

ನೂರಾರು ಸಾವಿರಾರು ಉದ್ಯೋಗಿಗಳನ್ನು ಒಳಗೊಂಡ ದೊಡ್ಡ ಸಂಸ್ಥೆಗಳ ಅಪಾರ ಮಾಹಿತಿಯನ್ನು ಹೊಂದಿರುವ ಸರ್ವರ್ ಅನ್ನೂ ಈ ಹ್ಯಾಕರುಗಳು ಕದ್ದು ಒಳಹೋಗಬಲ್ಲರು. ಸುಲಭವಾಗಿ ಇವರು ಲಕ್ಷಾಂತರ ಖಾತೆಗಳ ಪಾಸ್ ವರ್ಡ್ ಗಳನ್ನು ಕದ್ದು ಸಂಸ್ಥೆಯ ಅಂಕಿ ಅಂಶ ಲೆಕ್ಕಾಚಾರಗಳನ್ನೆಲ್ಲಾ ತಲೆಕೆಳಗಾಗಿಸಬಲ್ಲರು.

ರಹಸ್ಯ #5

ಫ್ರೀ ಇಂಟರ್ನೆಟ್ ಸಿಕ್ಕಿತು ಎಂದು ಖುಷಿಯಾಗಬೇಡಿ. ಯಾವುದೇ ವಸ್ತುವನ್ನು ಫ್ರೀ ಅಥವಾ ಉಚಿತ ಎಂದು ನೀಡುವ ಹಿಂದೆ ಸಂಸ್ಥೆಗಳ ಬೇರಾವುದೋ ಉದ್ದೇಶವಿದ್ದೇ ಇರುತ್ತದೆ. ಹೆಚ್ಚಿನ ಸಂದರ್ಭದಲ್ಲಿ ಇದು ಜಾಹೀರಾತಾಗಿರುತ್ತದೆ.

ರಹಸ್ಯ #5

ಆದರೆ ಹ್ಯಾಕರುಗಳು ಜಾಹೀರಾತು ಇಲ್ಲದ ಅಥವಾ ಕಡಿಮೆ ಜಾಹೀರಾತು ಇರುವ ಉಚಿತ ಅಂತರ್ಜಾಲ ನೀಡಿದರೆ ಪಡೆದುಕೊಳ್ಳುವುದು ಅಪಾಯಕರ. ಏಕೆಂದರೆ ಈ ಅಂತರ್ಜಾಲದ ಮೂಲಕ ನೀವು ದಾಖಲಿಸುವ ಎಲ್ಲಾ ಮಾಹಿತಿಗಳನ್ನು ಇವರು ತದ್ರೂಪುಗೊಳಿಸಿ ಬಳಿಕ ನಿಮ್ಮ ವೈಯಕ್ತಿಕ ಖಾತೆಗಳಿಗೆ ಕನ್ನ ಹಾಕುತ್ತಾರೆ. ಈ ಬಗ್ಗೆ ನಿಮ್ಮ ಅಭಿಪ್ರಾಯಗಳನ್ನು ಕೆಳಗಿನ ಕಮೆಂಟ್ಸ್ ಭಾಗದಲ್ಲಿ ಬರೆದು ತಿಳಿಸಿ.