’ಎದೆಗಾತಿ’ಯಾಗಲು ಪ್ಲಾಸ್ಟಿಕ್ ಸರ್ಜರಿ ಮೊರೆ ಹೊಕ್ಕ ಸಿನಿ ತಾರೆಯರು!

ಸುಶ್ಮಿತಾ ಸೇನ್

ಈ ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡ ಭಾರತೀಯ ತಾರೆಯರಲ್ಲಿ ಸುಶ್ಮಿತಾ ಸೇನ್ ಮೊದಲಿಗರು. ಇವರು ತಮ್ಮ ಇಪ್ಪತ್ತನೆಯ ವಯಸ್ಸಿನಲ್ಲಿಯೇ ಈ ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡಿದ್ದರು. ಬಳಿಕ ಇವರ ಆತ್ಮವಿಶ್ವಾಸ ಬಹಳಷ್ಟು ಹೆಚ್ಚಿದ್ದು ಮುಂದೆ ಅವರು ಸಾಧಿಸಿದ್ದೆಲ್ಲಾ ಇತಿಹಾಸವಾಗಿದೆ.

ಬಿಪಾಷಾ ಬಸು

ಈ ಪಟ್ಟಿಯಲ್ಲಿ ಬರುವ ಎರಡನೆಯ ಹೆಸರು ಬಿಪಾಷಾ ಬಸುರವರದ್ದು. ಕೊಂಚ ತಡವಾಗಿ ಮದುವೆಯಾದ ಇವರು 2004ರಲ್ಲಿ ಈ ಶಸ್ತ್ರಕ್ರಿಯೆಗೆ ಒಳಗಾದರು. ಇದಕ್ಕೂ ಮುನ್ನ ಇವರ ಅಂಗಸೌಷ್ಟವ ಕೊಂಚ ಕುಂದಿದ್ದು ಇದೊಂದು ಕೊರತೆಯಂತೆ ಅನ್ನಿಸಿತ್ತು. ಆದರೆ ಅಂಗಸೌಷ್ಟವ ಉತ್ತಮಗೊಳಿಸಿದ ಬಳಿಕ ಜೀವನದಲ್ಲಿ ಹೆಚ್ಚಿನ ಸಂತೋಷ ಮತ್ತು ಯಶಸ್ಸನ್ನು ಗಳಿಸಿದ್ದಾರೆ.

ಕಂಗನಾ

ಎದೆಯಳತೆ ಕೊಂಚ ಕಡಿಮೆ ಎಂಬುದೊಂದು ಬಿಟ್ಟರೆ ಉಳಿದಂತೆ ಈಕೆ ರಂಭೆಯೇ ಎಂಬ ಕುಹಕವನ್ನು ಕೇಳಿ ತಡೆಯಲಾಗದೇ ಕೃತಕಸ್ತನ ಅಳವಡಿಕೆಗೆ ಚಿಂತಿಸತೊಡಗಿದರು. ಕೆಲವರ್ಷಗಳ ಬಳಿಕ ಅವರ ದೇಹಕ್ಕೆ ಒಪ್ಪುವ ವಕ್ಷಸಂಪತ್ತನ್ನು ಹೊತ್ತು ಕೆಂಪು ರತ್ನಗಂಬಳಿಯ ಮೇಲೆ ನಡೆದು ಎಲ್ಲರ ಹುಬ್ಬು ಮೇಲೇರುವಂತೆ ಮಾಡಿದ್ದರು.

ರಾಖಿ ಸಾವಂತ್

ಇತ್ತೀಚೆಗೆ ಪ್ರಧಾನಿ ಮೋದಿಯವರ ಚಿತ್ರದ ಮುದ್ರಣವಿದ್ದ ಉಡುಪನ್ನು ಧರಿಸಿ ವ್ಯಾಪಕ ಟೀಕೆಗೆ ಒಳಗಾಗಿದ್ದ ನಟಿ ರಾಖಿ ಸಾವಂತ್ ತಮ್ಮ ಎಡಬಿಡಂಗಿಗಳಿಂದಲೇ ಮಾಧ್ಯಮಕ್ಕೆ ಹೆಚ್ಚು ಪರಿಚಿತರು. ತಮ್ಮ ಜನಪ್ರಿಯತೆಯ ಉತ್ತುಂಗದಲ್ಲಿದ್ದ ಹೊತ್ತಿನಲ್ಲಿಯೇ ಎಲ್ಲರೆದುರು ತಮ್ಮ ಎದೆಯ ಸಂಪತ್ತು ಕೃತಕ ಎಂದು ಒಪ್ಪಿಕೊಂಡು ನಿಜವಾದ ಎದೆಗಾರಿಕೆ ತೋರಿದ್ದರು. ಆದರೆ ವೈದ್ಯರು ಆರೋಗ್ಯದ ಕಾರಣದಿಂದ ಕೃತಕ ಸ್ತನಗಳನ್ನು ನಿವಾರಿಸಲೇಬೇಕು, ಇಲ್ಲದಿದ್ದರೆ ಪ್ರಾಣಕ್ಕೆ ಆಪಾಯ ಎಂದು ಹೇಳಿದ್ದರಿಂದ ಅನಿವಾರ್ಯವಾಗಿ ಈಗ ಮತ್ತೆ ತಮ್ಮ ನಿಜವಾದ ಸೌಂದರ್ಯಕ್ಕೆ ಮರಳಿದ್ದಾರೆ.

ಆಯೆಶಾ ಟಕಿಯಾ

ಯಾರಿಗೂ ಏನೂ ಹೇಳದೇ, ಯಾವ ಸುದ್ದಿಯೂ ಇಲ್ಲದೇ ಒಮ್ಮೆಲೇ ಈ ಶಸ್ತ್ರಚಿಕಿತ್ಸೆಯನ್ನು ಮಾಡಿಸಿಕೊಂಡು ಅಚ್ಚರಿ ಮೂಡಿಸಿದ ಆಯೆಶಾ ಟಕಿಯಾ ತಮ್ಮ ಹೊಸ ಅಂಗಸೌಷ್ಟವವನ್ನು ತೋರುವುದರಲ್ಲಿಯೇ ಹೆಚ್ಚಿನ ಅಸ್ಥೆ ವಹಿಸಿದ್ದಾರೆ. ಇವರ ಹಿಂದಿನ ಮೈಮಾಟವನ್ನು ಗಮನಿಸಿದವರು ಈಗ ಇವರು ಪಡೆದಿರುವ ಭಾರೀ ಗಾತ್ರದ ಸೌಷ್ಟವನ್ನು ಕಂಡು ಮೆಚ್ಚುವುದೋ, ಗಾಬರಿಯಾಗುವುದೋ ಎಂಬ ಗೊಂದಲದಲ್ಲಿದ್ದಾರೆ.

ಶ್ರೀದೇವಿ

ತಮ್ಮ ತಾರುಣ್ಯವನ್ನು ಬಹಳ ಕಾಲ ಕಾಪಾಡಿಕೊಂಡು ಬಂದ ಕೆಲವೇ ತಾರೆಯರಲ್ಲಿ ಶ್ರೀದೇವಿ ಒಬ್ಬರು. ತಮ್ಮ ಮೂಗಿನ ಹೊರತಾಗಿ ವಕ್ಷಸಂಪತ್ತನ್ನೂ ಶಸ್ತ್ರಚಿಕಿತ್ಸೆಯ ಮೂಲಕ ಹೆಚ್ಚಿಸಿಕೊಂಡ ಶ್ರೀದೇವಿ ಇತರರಿಗೆ ಒಂದು ಮಾದರಿಯಾಗಿದ್ದಾರೆ.

ಮಲ್ಲಿಕಾ ಶೆರಾವತ್

ತೆಳ್ಳಗೆ ಬಳುಕುವ ಅಂಶಸೌಷ್ಟವ ಹೊಂದಿರುವ ಮಲ್ಲಿಕಾರವರ ಆಕರ್ಷಕ ವಕ್ಷಸ್ತಲ ಎಷ್ಟೋ ಕಾಲದವರೆಗೆ ಅಭಿಮಾನಿಗಳ ಚರ್ಚೆಯ ವಿಷಯವಾಗಿತ್ತು. ತಮ್ಮ ಸೊಟ್ಟಗಾಗಿದ್ದ ಮೂಗು ಮತ್ತು ತುಟಿಯ ಶಸ್ತ್ರಚಿಕಿತ್ಸೆಯ ಜೊತೆಗೇ ಇದನ್ನೂ ಮಾಡಿಸಿಕೊಂಡೆ ಎಂದು ಅವರೇ ಧೈರ್ಯವಾಗಿ ಹೇಳಿಕೊಂಡಿದ್ದಾರೆ. ಬರೇ ಹೇಳುವುದಲ್ಲ, ತಮ್ಮ ಎಲ್ಲಾ ಉಡುಪುಗಳಲ್ಲಿ ವಕ್ಷಸೀಳನ್ನು ತೋರ್ಪಡಿಸುತ್ತಲೂ ಬಂದಿದ್ದಾರೆ.

ಪೂನಂ ಪಾಂಡೆ

ಬಾಲಿವುಡ್‌ನ ರಾಣಿಯ ಪಟಕ್ಕೆ ಅರ್ಹರೋ ಅಲ್ಲವೋ ಎಂದು ಭಾರೀ ನಿರೀಕ್ಷೆ ಹುಟ್ಟಿಸಿದ್ದ ಪೂನಂ ಪಾಂಡೆಯವರೂ ಈ ಶಸ್ತ್ರಕ್ರಿಯೆಗೆ ಒಳಗಾಗಿದ್ದಾರೆ. ತಾನು ಮಾಡಿಸಿಕೊಂಡೇ ಇಲ್ಲ, ಇವು ನಿಜವಾದ ಆಸ್ತಿ ಎಂದು ಇವರು ಎಷ್ಟೇ ಅವಲತ್ತುಕೊಂಡರೂ ಚಾಣಾಕ್ಷ ಚಿತ್ರಗ್ರಾಹಕರು ಹಿಂದಿನ ಮತ್ತು ಇಂದಿನ ಚಿತ್ರಗಳಲ್ಲಿನ ವ್ಯತ್ಯಾಸವನ್ನು ಸ್ಪಷ್ಟವಾಗಿ ತೋರಿಸಿ ಆಸ್ತಿ ಕೃತಕ ಎಂದು ಸಾಬೀತುಪಡಿಸಿದ್ದಾರೆ.

ಶಿಲ್ಪಾ ಶೆಟ್ಟಿ

ದೇಸೀ ದೀವಾ ಎಂದೇ ಪ್ರಖ್ಯಾತಿ ಗಳಿಸಿದ್ದ ತುಳುನಾಡ ಬೆಡಗಿ ಶಿಲ್ಪಾ ಶಿಟ್ಟಿಯವರು ತಮ್ಮ ಸೌಂದರ್ಯ ವೃದ್ಧಿಸಲು ಹಲವಾರು ಶಸ್ತ್ರಕ್ರಿಯೆಗೆ ಒಳಗಾಗಿದ್ದಾರೆ. ಮೂಗು, ದವಡೆ ಮತ್ತು ಸ್ತನಗಳ ಸಹಿತ ಹಲವಾರು ಚಿಕ್ಕಪುಟ್ಟು ಶಸ್ತ್ರಕ್ರಿಯೆಗೆ ಒಳಗಾಗಿದ್ದ ಇವರು ತಮ್ಮ ಕೃತಕಸ್ತನ ಅಳವಡಿಕೆಯ ಬಗ್ಗೆ ಪತ್ರಿಕೆಗಳು ಬರೆದಾಗ ಒಂದಿಷ್ಟೂ ವಿಚಲಿತರಾಗದೇ ನಗುಮುಖದಿಂದಲೇ ಎಲ್ಲರನ್ನೂ ಎದುರಿಸಿ ತಮ್ಮ ನಿಜವಾದ ಎದೆಗಾರಿಕೆಯನ್ನು ತೋರಿದ್ದರು.