Navratri 2025: ಒಂಬತ್ತು ದಿನ, ಒಂಬತ್ತು ನೈವೇದ್ಯಗಳು! ದುರ್ಗಾ ದೇವಿಗೆ ಯಾವ ಪ್ರಸಾದ ಅರ್ಪಿಸಬೇಕು?

ದೇಶದಾದ್ಯಂತ ಅತ್ಯಂತ ಸಡಗರ ಸಂಭ್ರಮದಿಂದ ಆಚರಿಸಲಾಗುವ ಹಬ್ಬಗಳಲ್ಲಿ ನವರಾತ್ರಿ (Navratri 2025) ಕೂಡಾ ಒಂದು. ಯಶಸ್ಸು ಮತ್ತು ವಿಜಯದ ಸಂಕೇತವಾಗಿ ಆಚರಿಸಲ್ಪಡುವ ಈ ಒಂಬತ್ತು ದಿನಗಳ ಹಬ್ಬದಲ್ಲಿ ದುರ್ಗಾ ದೇವಿಯ ನವದುರ್ಗಿ ರೂಪಗಳನ್ನು ಪೂಜಿಸಲಾಗುತ್ತದೆ. ಈ ಸಂದರ್ಭದಲ್ಲಿ ಉಪವಾಸ ಕೈಗೊಳ್ಳುವ ಭಕ್ತರು, ದೇವಿಗೆ ಪ್ರಿಯವಾದ ವಿವಿಧ ನೈವೇದ್ಯಗಳನ್ನು ಅರ್ಪಿಸುತ್ತಾರೆ.

ಈ ಬಾರಿ ನವರಾತ್ರಿ 2025 ಹಬ್ಬವು ಸೆಪ್ಟೆಂಬರ್ 22 ರಿಂದ (navratri 2025starting date) ಅಕ್ಟೋಬರ್ 1 ರವರೆಗೆ ಇರಲಿದೆ. ಈ ಒಂಬತ್ತು ದಿನಗಳಲ್ಲಿ, ದುರ್ಗಾ ದೇವಿಯ (9 forms of Durga) ಪ್ರತಿಯೊಂದು ರೂಪಕ್ಕೂ ನಿರ್ದಿಷ್ಟವಾದ ನೈವೇದ್ಯಗಳನ್ನು ಅರ್ಪಿಸಲಾಗುತ್ತದೆ. ಈ ಲೇಖನದಲ್ಲಿ ಯಾವ ದಿನ, ಯಾವ ದೇವಿಗೆ ಯಾವ ಪ್ರಸಾದವನ್ನು (Naivedya of Durga) ಅರ್ಪಿಸಬೇಕು ಎಂಬ ಬಗ್ಗೆ ಮಾಹಿತಿ ನೀಡಲಾಗಿದೆ.

ದಿನ 1: ಶೈಲಪುತ್ರಿ

ನವರಾತ್ರಿಯ ಮೊದಲ ದಿನವನ್ನು ಶೈಲಪುತ್ರಿ ದೇವಿಗೆ ಸಮರ್ಪಿಸಲಾಗಿದೆ. ದುರ್ಗಾ ದೇವಿಯ ಈ ಮೊದಲ ರೂಪದಲ್ಲಿ, ದೇವಿ ತನ್ನ ಕೈಗಳಲ್ಲಿ ತ್ರಿಶೂಲ ಮತ್ತು ಕಮಲವನ್ನು ಹಿಡಿದು, ನಂದಿ ಗೂಳಿಯ ಮೇಲೆ ಸವಾರಿ ಮಾಡುತ್ತಾಳೆ. ಭಕ್ತರು ಈ ದಿನ ಶುದ್ಧ ದೇಸಿ ತುಪ್ಪವನ್ನು ದೇವಿಗೆ ಅರ್ಪಿಸುತ್ತಾರೆ.

ದಿನ 2: ಬ್ರಹ್ಮಚಾರಿಣಿ

ಎರಡನೇ ದಿನದಂದು ದುರ್ಗೆಯ ಬ್ರಹ್ಮಚಾರಿಣಿ ರೂಪವನ್ನು ಆರಾಧಿಸಲಾಗುತ್ತದೆ. ಈ ಸನ್ಯಾಸಿ ದೇವಿಯು ತಪಸ್ಸು, ತ್ಯಾಗ ಮತ್ತು ಉದಾತ್ತತೆಯ ಪ್ರತೀಕವಾಗಿದ್ದಾಳೆ. ಈ ದಿನ ದೇವಿಗೆ ಸಕ್ಕರೆ ಮತ್ತು ಹಣ್ಣುಗಳನ್ನು ನೈವೇದ್ಯವಾಗಿ ಅರ್ಪಿಸಲಾಗುತ್ತದೆ.

ದಿನ 3: ಚಂದ್ರಘಂಟಾ

ದುರ್ಗೆಯ ಮೂರನೇ ಅಭಿವ್ಯಕ್ತಿಯಾದ ಚಂದ್ರಘಂಟಾ ದೇವಿಯನ್ನು ಮೂರನೇ ದಿನ ಪೂಜಿಸಲಾಗುತ್ತದೆ. 10 ತೋಳುಗಳನ್ನು ಹೊಂದಿರುವ ಈ ಉಗ್ರ ರೂಪದ ದೇವಿಯು ತನ್ನ ನರಗಳಲ್ಲಿ ಕೋಪವನ್ನು ಹಿಡಿದುಕೊಂಡಿರುತ್ತಾಳೆ. ಆಕೆಗೆ ಹಾಲು ಅಥವಾ ಹಾಲಿನಿಂದ ತಯಾರಿಸಿದ ಪಾಯಸ, ಸಿಹಿತಿಂಡಿಗಳನ್ನು ಅರ್ಪಿಸಲಾಗುತ್ತದೆ.

ದಿನ 4: ಕೂಷ್ಮಾಂಡಾ

ನವರಾತ್ರಿಯ ನಾಲ್ಕನೇ ದಿನ ಕೂಷ್ಮಾಂಡಾ ದೇವಿಯನ್ನು ಆರಾಧಿಸಲಾಗುತ್ತದೆ. ತನ್ನ ಶಕ್ತಿ ಮತ್ತು ಉಗ್ರತೆಯ ಸಂಕೇತವಾದ ಈ ದೇವಿಯು 'ಆಧ್ಯಾತ್ಮಿಕ ಶಕ್ತಿ'ಯನ್ನು ಸೃಷ್ಟಿಸುತ್ತಾಳೆ ಎಂದು ನಂಬಲಾಗಿದೆ. ಈ ದಿನ ಜನರು ಉಪವಾಸ ಆಚರಿಸಿ, ಮಾಲ್ಪುವಾ ಅಥವಾ ಕಜ್ಜಾಯವನ್ನು ಪ್ರಸಾದವಾಗಿ ಅರ್ಪಿಸುತ್ತಾರೆ.

ದಿನ 5: ಸ್ಕಂದಮಾತಾ

ದುರ್ಗೆಯ ಐದನೇ ಅವತಾರವಾದ ಸ್ಕಂದಮಾತಾ ದೇವಿಯನ್ನು ಪಂಚಮಿ ಎಂದು ಕರೆಯಲಾಗುವ ಐದನೇ ದಿನ ಪೂಜಿಸಲಾಗುತ್ತದೆ. ಒಂದು ಕೈಯಲ್ಲಿ ಕಮಲ, ಇನ್ನೊಂದು ಕೈಯಲ್ಲಿ ಕಮಂಡಲು ಮತ್ತು ಗಂಟೆಯನ್ನು ಹಿಡಿದಿರುವ ನಾಲ್ಕು ತೋಳುಗಳ ದೇವತೆಯಾಗಿ ಅವಳನ್ನು ಚಿತ್ರಿಸಲಾಗಿದೆ. ಉತ್ತಮ ಆರೋಗ್ಯದ ಸಂಕೇತವಾಗಿ ಈ ಶಾಂತ ಮತ್ತು ಪ್ರಶಾಂತ ದೇವಿಗೆ ಬಾಳೆಹಣ್ಣುಗಳನ್ನು ಅರ್ಪಿಸಲಾಗುತ್ತದೆ.

ದಿನ 6: ಕಾತ್ಯಾಯನಿ

ಆರನೇ ದಿನ ಅಥವಾ ಷಷ್ಠಿಯಂದು ಕಾತ್ಯಾಯನಿ ದೇವಿಯನ್ನು ಪೂಜಿಸಲಾಗುತ್ತದೆ. ಈ ದೇವಿಯು ಭಕ್ತರಿಗೆ ಸಿಹಿಯಾದ ಜೀವನವನ್ನು ಅನುಗ್ರಹಿಸುತ್ತಾಳೆ ಮತ್ತು ನಿಜವಾದ ಭಕ್ತಿಯನ್ನು ಪ್ರತಿನಿಧಿಸುತ್ತಾಳೆ. ಮಾಧುರ್ಯವನ್ನು ಸೂಚಿಸುವ ಪ್ರಸಾದವಾಗಿ ಆಕೆಗೆ ಜೇನುತುಪ್ಪವನ್ನು ಅರ್ಪಿಸಲಾಗುತ್ತದೆ.

ದಿನ 7: ಕಾಳರಾತ್ರಿ

ಸಪ್ತಮಿ ಅಥವಾ ಏಳನೇ ದಿನದಂದು ಕಾಳರಾತ್ರಿ ದೇವಿಯನ್ನು ಆರಾಧಿಸಲಾಗುತ್ತದೆ. ಈ ದೇವಿಯು ತನ್ನ ನಿಜವಾದ ಭಕ್ತರನ್ನು ದುಷ್ಟಶಕ್ತಿಗಳು ಮತ್ತು ಅಪಾಯಗಳಿಂದ ರಕ್ಷಿಸುತ್ತಾಳೆ. ಈ ದಿನ ಬೆಲ್ಲವನ್ನು ಪ್ರಸಾದವಾಗಿ ಬಡಿಸಲಾಗುತ್ತದೆ.

ದಿನ 8: ಮಹಾಗೌರಿ

ಮಹಾಗೌರಿ ದೇವಿಯು ಗೂಳಿ ಅಥವಾ ಬಿಳಿ ಆನೆಯ ಮೇಲೆ ಸವಾರಿ ಮಾಡುವ ದೇವತೆ. ಆಳವಾದ ತಪಸ್ಸು ಮತ್ತು ಪರಿಶ್ರಮದ ಸಂಕೇತವಾಗಿರುವ ಈ ದೇವಿಯನ್ನು ಎಂಟನೇ ದಿನ ಪೂಜಿಸಲಾಗುತ್ತದೆ. ಜೀವನವನ್ನು ಸೂಚಿಸುವ ತೆಂಗಿನಕಾಯಿಯನ್ನು ನೈವೇದ್ಯವಾಗಿ ಆಕೆಗೆ ಅರ್ಪಿಸಲಾಗುತ್ತದೆ.

ದಿನ 9: ಸಿದ್ಧಿಧಾತ್ರಿ

ನವಮಿ ಅಥವಾ ಒಂಬತ್ತನೇ ದಿನದಂದು ದೇವಿ ಸಿದ್ಧಿಧಾತ್ರಿಯನ್ನು ಪೂಜಿಸಲಾಗುತ್ತದೆ. ಆಕೆಯ ಶಕ್ತಿಯ ರೂಪವು ಜ್ಞಾನ, ಬುದ್ಧಿವಂತಿಕೆ ಮತ್ತು ಸಾಧನೆಯನ್ನು ಸೂಚಿಸುತ್ತದೆ. ಆಕೆಯ ಹೆಸರು ಪರಿಪೂರ್ಣತೆಯನ್ನೂ ಸೂಚಿಸುತ್ತದೆ. ಸಿದ್ಧಿಧಾತ್ರಿ ದೇವಿಗೆ ಪ್ರಸಾದವಾಗಿ ಎಳ್ಳನ್ನು ಅರ್ಪಿಸಲಾಗುತ್ತದೆ.