'56 ಇಂಚಿನ ಮೋದಿಜೀ' ತಾಲಿ ತಿಂದು ಗೆದ್ದವರಿಗೆ 8.5 ಲಕ್ಷ ಬಹುಮಾನ ಘೋಷಿಸಿರುವ ರೆಸ್ಟೋರೆಂಟ್!

ಮೋದಿಜೀ 56 ಇಂಚಿನ ಎದೆ ಇರುವ ವ್ಯಕ್ತಿ

ಬಿಜೆಪಿ ರಾಷ್ಟ್ರಾಧ್ಯಕ್ಷ ಅಮಿತ್‌ ಶಾ ಅವರು ಮೋದಿಜೀ 56 ಇಂಚಿನ ಎದೆ ಇರುವ ವ್ಯಕ್ತಿ ಎಂದು ಹೆಮ್ಮೆಯಿಂದ ಹೇಳಿದ್ದರು. ಆ ಹೇಳಿಕೆಯ ಬಳಿಕ ಅದರ ಬಗ್ಗೆ ಸಾಕಷ್ಟು ಚರ್ಚೆಗಳು ಕೇಳಿ ಬರುತ್ತಲೇ ಇವೆ. ವಿರೋಧ ಪಕ್ಷದವರು ಕೂಡ ಮೋದಿಜೀಯವರನ್ನು ಈ ವಿಷಯ ಹೇಳಿ ಟೀಕೆ ಮಾಡಿದ್ದರು. ಕರ್ನಾಟಕ ಮಾಜಿ ಮುಖ್ಯಮಂತ್ರಿ ಸಿದ್ಧರಾಮಯ್ಯ ಮೋದಿಗೆ 56 ಇಂಚಿನ ಎದೆಯಿದೆ ಆದರೆ ಬಡವರ ಕಣ್ಣೀರು ಒರೆಸುವ ಹೃದಯ ಇಲ್ಲ ಎಂದು ಟೀಕಿಸಿದ್ದರು.

56 ಇಂಚಿನ ಮೋದಿಜೀ ತಾಲಿ

ಭಾರತದಲ್ಲಿ ಭಯೋತ್ಪದಕರ ಹುಟ್ಟಗಿಸುತ್ತಿರುವ ಮೋದಿಯನ್ನು ಬಿಜೆಪಿಯವರು 56 ಇಂಚಿನ ಎದೆ ಇರುವ ವ್ಯಕ್ತಿಯಿಂದ ಮಾತ್ರ ಭಯೋತ್ಪಾದಕರಿಗೆ ಈ ರೀತಿ ದಿಟ್ಟತನದ ಉತ್ತರ ನೀಡಲು ಸಾಧ್ಯ ಎಂಬುವುದಾಗಿ ಆಗಾಗ ಹೇಳುತ್ತಿರುತ್ತಾರೆ. ಒಟ್ಟಿನಲ್ಲಿ 56 ಇಂಚಿನ ಎದೆ ಬಗ್ಗೆ ಬಿಜೆಪಿಯವರು-ವಿರೋಧ ಪಕ್ಷದವರೂ ಆಗಾಗ ಹೇಳುತ್ತಲೇ ಇರುತ್ತಾರೆ.

ಅದೇ ವಿಷಯವನ್ನು ಇಟ್ಟುಕೊಂಡು ದೆಹಲಿಯ ಆರ್ಡರ್‌ 2.0 ರೆಸ್ಟೋರೆಂಟ್‌ ಮೋದಿ ಹುಟ್ಟುಹಬ್ಬಕ್ಕೆ 56 ಇಂಚಿನ ಮೋದಿಜೀ ತಾಲಿ ರೆಡಿ ಮಾಡಿದ್ದು ಗ್ರಾಹಕರು ಈ ತಾಲಿಯಲ್ಲಿ 56 ಬಗೆಯ ತಿನಿಸುಗಳನ್ನು ಸವಿಯಬಹುದಾಗಿದೆ.

ತಾಲಿ ಸವಿಯುವುದು ಮಾತ್ರವಲ್ಲ ಸ್ಪರ್ಧೆಯು ಇದೆ

ಈ ಹೋಟೆಲ್‌ನವರು ಮೋದಿ ಅಭಿಮಾನಗಳು ಈ 56 ಇಂಚಿನ ಮೋದಿಜೀ ತಾಲಿ ಸವಿಯಲು ಆಫರ್ ನೀಡಿದ್ದು ಸ್ಪರ್ಧೆಯನ್ನೂ ಇಟ್ಟಿದೆ. ಯಾವ ಜೋಡಿ 40 ನಿಮಿಷದೊಳಗೆ ತಿಂದು ಮುಗಿಸುತ್ತಾರೋ ಅವರಿಗೆ 8.5 ಲಕ್ಷ ಬಹುಮಾನ ಘೋಷಿಸಲಾಗಿದೆ. ಅಲ್ಲದೆ ಲಕ್ಕಿ ವಿನ್ನರ್ಸ್‌ಗೆ ಕೇದರ್‌ನಾಥ್‌ ಟ್ರಿಪ್ ಕೂಡ. ಮೋದಿಯವರಿಗೆ ಕೇದರ್‌ನಾಥ್‌ ತುಂಬಾ ಇಷ್ಟದ ತಾಣ, ಹಾಗಾಗಿ ಅಲ್ಲಿಗೆ ಟ್ರಿಪ್‌ ಅರೇಂಜ್ ಮಾಡಲಾಗಿದೆ. ಈ ಸ್ಪರ್ಧೆ ಸೆಪ್ಟೆಂಬರ್ 17-26ರವರೆಗೆ ಇದೆ.

ದೆಹಲಿಯಲ್ಲಿರುವ ಕರ್ನಾಟಕದ ಮೋದಿ ಅಭಿಮಾನಿಗಳೇ ಈ ಸ್ಪರ್ಧೆ ಬಿಟ್ಟುಕೊಡಬೇಡಿ, ಬಹುಮಾನ ಕನ್ನಡಿಗರ ಪಾಲಾಗಲಿ ಏನಂತೀರಿ....