Holi 2026: ಮಾ.3 ಅಥವಾ 4? ಕನ್ಫ್ಯೂಷನ್ ಬೇಡ.. ಹೋಳಿ ಯಾವಾಗ? ಶುಭ ಮುಹೂರ್ತ & ಸಮಯ ಇಲ್ಲಿದೆ

ಮಾರ್ಚ್ 3 ಅಥವಾ ಮಾರ್ಚ್ 4? 2026ರ ಹೋಳಿ ಯಾವಾಗ? ದಿನಾಂಕದ ಗೊಂದಲ ಬೇಡ, ಸರಿಯಾದ ಮುಹೂರ್ತ ಮತ್ತು ಸಮಯ ಇಲ್ಲಿದೆ. ಹೌದು, ಸಂತೋಷ, ಸೌಹಾರ್ದದ ಬಣ್ಣದ ಹಬ್ಬ ಹೋಳಿ (Holi). ಫಾಲ್ಗುಣ ಹುಣ್ಣಿಮೆಗೆ ಹೋಳಿಕಾ ದಹನ, ಮರುದಿನ ಧೂಳೇಂದಿ ಬಣ್ಣದ ಹಬ್ಬ ಆಚರಿಸಲಾಗುತ್ತದೆ. ಆದರೆ, 2026ರ ಹೋಳಿ (Holi 2026) ಜ್ಯೋತಿಷ್ಯ ಕಾರಣಗಳಿಂದ ಗೊಂದಲಮಯ. ಚಂದ್ರಗ್ರಹಣ ಮತ್ತು ಭದ್ರಾ ಕಾಲದ ಅಪರೂಪದ ಸಂಯೋಜನೆಯಿಂದ ದಿನಾಂಕಗಳ (Holi 2026 Date) ಕುರಿತು ಗೊಂದಲವಿದೆ. ಈ ಬಗ್ಗೆ ಇಲ್ಲಿದೆ ಸ್ಪಷ್ಟ ಮಾಹಿತಿ.

2026ರ ಹೋಳಿ ಮೇಲೆ ಭದ್ರಾ ಕಾಲ ಮತ್ತು ಚಂದ್ರಗ್ರಹಣ ಪ್ರಭಾವ ಬೀರಿವೆ. ಮಾರ್ಚ್ 2ರ ಸಂಜೆಯಿಂದ ಅಶುಭ ಭದ್ರಾ ಕಾಲ ಆರಂಭವಾಗುವುದರಿಂದ, ಈ ಅವಧಿಯಲ್ಲಿ ಹೋಳಿಕಾ ದಹನ (Holika Dahan 2026 date) ಸೂಕ್ತವಲ್ಲ. ಮಾರ್ಚ್ 3, 2026 ರಂದು ಭಾರತದಲ್ಲಿ ಗೋಚರಿಸುವ ವರ್ಷದ ಮೊದಲ ಚಂದ್ರಗ್ರಹಣ ಸಂಭವಿಸಲಿದ್ದು, ಇದರ ಸೂತಕ ಕಾಲವೂ ಮಾನ್ಯವಾಗುತ್ತದೆ.

Photo Credit: ಸಂಗ್ರಹ ಚಿತ್ರ: ಇಂಟರ್ನೆಟ್

• ಚಂದ್ರಗ್ರಹಣದ ಸಮಯ: ಮಧ್ಯಾಹ್ನ 03:23 ರಿಂದ ಸಂಜೆ 06:47 ವರೆಗೆ.
• ಸೂತಕ ಕಾಲ: ಗ್ರಹಣಕ್ಕೆ 9 ಗಂಟೆ ಮೊದಲು, ಅಂದರೆ ಬೆಳಗ್ಗೆ 06:20 ಕ್ಕೆ ಪ್ರಾರಂಭ
• ಮುಕ್ತಾಯ: ಸಂಜೆ 06:47 ರಂದು ಗ್ರಹಣದೊಂದಿಗೆ ಕೊನೆಗೊಳ್ಳುತ್ತದೆ.
• ಸೂತಕದಲ್ಲಿ ಶುಭ ಕಾರ್ಯ, ಪೂಜೆ ವರ್ಜಿತ.

ಹೋಲಿಕಾ ದಹನ (ಕಾಮನ ಹಬ್ಬ) ಯಾವಾಗ?

ಗ್ರಹಣ ಮತ್ತು ಭದ್ರಾ ಕಾರಣ ಈ ಬಾರಿ ಸಂಜೆಯ ಹೋಳಿಕಾ ದಹನ ಅಸಾಧ್ಯ. ಮಧ್ಯರಾತ್ರಿಯ ನಂತರದ ಸಮಯವೇ ದಹನಕ್ಕೆ ಶುದ್ಧ ಎಂದು ಜ್ಯೋತಿಷ್ಯ ಲೆಕ್ಕಾಚಾರಗಳು ತಿಳಿಸುತ್ತವೆ. ಆದ್ದರಿಂದ, ಹೋಳಿಕಾ ದಹನವನ್ನು ಮಾರ್ಚ್ 3, 2026, ಮಂಗಳವಾರದ ರಾತ್ರಿ (ರಾತ್ರಿ 12:50 ರಿಂದ 02:02 ರವರೆಗೆ - ಮಾರ್ಚ್ 4ರ ಮುಂಜಾನೆಯ ಆರಂಭ) ನಡೆಸಬೇಕು.

ವಿಶೇಷತೆ ಏನು?

ಈ ಸಮಯದಲ್ಲಿ ದಹನದಿಂದ ಭದ್ರಾ, ಗ್ರಹಣ ದೋಷ ಮುಕ್ತವಾಗಿ, ಪೂಜೆಯ ಸಂಪೂರ್ಣ ಫಲ ಲಭಿಸುತ್ತದೆ. ಹೋಳಿಕಾ ದಹನದ ಮರುದಿನ ಧೂಳೇಂದಿ ಆಚರಿಸಲಾಗುತ್ತದೆ. ಮಾರ್ಚ್ 3ರ ತಡರಾತ್ರಿಯಲ್ಲಿ ಹೋಳಿಕಾ ದಹನ ಪೂರ್ಣಗೊಳ್ಳುವುದರಿಂದ, ಬಣ್ಣಗಳ ಹಬ್ಬ ಧೂಳೇಂದಿ ಮಾರ್ಚ್ 4, 2026, ಬುಧವಾರದಂದು ಆಚರಿಸಲಾಗುತ್ತದೆ.

ಬಣ್ಣಗಳ ಹೋಳಿ ಆಚರಣೆ ಯಾವಾಗ?

ಹಿನ್ನೆಲೆ: ಹೋಳಿಕಾ ದಹನವು ಕೆಡುಕಿನ ಮೇಲೆ ಒಳಿತಿನ ವಿಜಯದ ಸಂಕೇತ. ರಾಕ್ಷಸ ಹಿರಣ್ಯಕಶಿಪುವಿನ ಮಗ ಪ್ರಹ್ಲಾದನು ಮಹಾನ್ ವಿಷ್ಣು ಭಕ್ತನಾಗಿದ್ದನು. ಪ್ರಹ್ಲಾದನನ್ನು ಕೊಲ್ಲಲು ಅಗ್ನಿಯಲ್ಲಿ ಸುಡದ ವರ ಪಡೆದಿದ್ದ ಸಹೋದರಿ ಹೋಳಿಕಾಗೆ, ಪ್ರಹ್ಲಾದನೊಂದಿಗೆ ಅಗ್ನಿಕುಂಡದಲ್ಲಿ ಕುಳಿತುಕೊಳ್ಳಲು ಹಿರಣ್ಯಕಶಿಪು ಆದೇಶಿಸಿದನು.

ಆದರೆ, ಭಗವಂತನ ಕೃಪೆಯಿಂದ ಪ್ರಹ್ಲಾದ ಸುರಕ್ಷಿತವಾಗಿ ಹೊರಬಂದು, ಹೋಳಿಕಾ ಭಸ್ಮವಾದಳು. ಈ ಘಟನೆಯು ನಂಬಿಕೆ ಮತ್ತು ಭಕ್ತಿಯ ಮುಂದೆ ದುಷ್ಟ ಶಕ್ತಿಗಳು ಸೋಲುತ್ತವೆ, ಒಳಿತೇ ಗೆಲ್ಲುತ್ತದೆ ಎಂಬುದನ್ನು ಸಾರುತ್ತದೆ. ಶುಭ ಮುಹೂರ್ತದಲ್ಲಿ ಹೋಳಿಕಾ ಪೂಜೆಯಿಂದ ಮನೆಯಲ್ಲಿ ಸುಖ-ಶಾಂತಿ ನೆಲೆಸುತ್ತದೆ.

ಪೂಜೆಗೆ ಅಗತ್ಯ ಸಾಮಗ್ರಿಗಳು

- ಹತ್ತಿ ದಾರ
- ಗೋವಿನ ಸಗಣಿಯ ಬಡಕುಲೆಗಳು
- ಅಕ್ಷತೆ
- ಹೂವುಗಳು
- ಅರಿಶಿನ ಗಂಟುಗಳು / ಕೊಂಬು
- ಹೆಸರುಬೇಳೆ
- ಬತಾಸಿಗಳು (ಸಿಹಿ ತಿಂಡಿಗಳು)

ಪೂಜಾ ವಿಧಾನ

- ಹೋಳಿಕಾ ಬಳಿ ಪೂರ್ವ ಅಥವಾ ಉತ್ತರಕ್ಕೆ ಮುಖಮಾಡಿ ಕುಳಿತು.
- ಸುತ್ತ ಮೂರು ಅಥವಾ ಏಳು ಬಾರಿ ಹತ್ತಿ ದಾರ ಸುತ್ತಿ ಪ್ರದಕ್ಷಿಣೆ ಮಾಡಿ.
- ಎಲ್ಲಾ ಸಾಮಗ್ರಿ ಅರ್ಪಿಸಿ, ನೀರನ್ನು ಅರ್ಘ್ಯವಾಗಿ ನೀಡುತ್ತಾ ಕುಟುಂಬ ಸಮೃದ್ಧಿಗಾಗಿ ಪ್ರಾರ್ಥಿಸಿ.