ಸ್ವಾತಂತ್ರ್ಯ ದಿನಾಚರಣೆ 2020: ಸ್ವಾತಂತ್ರ ದಿನಾಚರಣೆ: ದೇಶಭಕ್ತಿ ಸಾರುವ ಧಿರಿಸಿಗೆ ಕೆಲವು ಸಲಹೆ

ಖಾದಿ ಉಡುಪು

ಸ್ವದೇಶಿ ನಿರ್ಮಿತ ಖಾದಿ ಉಡುಪು ಸ್ವಾತಂತ್ರ್ಯ ದಿನಕ್ಕೆ ಅತ್ಯಂತ ಸೂಕ್ತ ಧಿರಿಸು. ದೇಶಕ್ಕೆ ಸ್ವಾತಂತ್ರ್ಯ ತಂದುಕೊಟ್ಟ ಮಹಾನ್ ದೇಶಭಕ್ತರು ಸಹ ಇದೇ ಉಡುಪನ್ನು ಹೆಚ್ಚಾಗಿ ಧರಿಸುತ್ತಿದ್ದರು. ಸರಳತೆ, ನೈತಿಕ ಪರಿಶುದ್ಧತೆ ಹಾಗೂ ಗೌರವದ ಸಂಕೇತವಾಗಿ ಖಾದಿ ಉಡುಪು ಮಹತ್ವ ಪಡೆದಿದೆ.

ತ್ರಿವರ್ಣದ ಟಿ-ಶರ್ಟ್ ಅಥವಾ ಕುರ್ತಾ

ಟ್ರೆಂಡಿಯಾದ ಉಡುಪನ್ನು ಇಷ್ಟಪಡುವವರು ಜೀನ್ಸ್ ಪ್ಯಾಂಟ್ ಗೆ ತ್ರಿವರ್ಣದ ವಿನ್ಯಾಸ ಇರುವ ಟಿ-ಶರ್ಟ್ಸ ಗಳನ್ನು ಅಥವಾ ಕುರ್ತಾಗಳನ್ನು ಧರಿಸಬಹುದು. ಇತ್ತೀಚೆಗೆ ಮಾರುಕಟ್ಟೆಯಲ್ಲಿ ಐ ಲವ್ ಇಂಡಿಯಾ, ತ್ರಿವರ್ಣದ ಟಿ-ಶರ್ಟ್ಸ, ಕುರ್ತಾಗಳು ಗಳು ಲಭ್ಯವಿದೆ.

ತ್ರಿವರ್ಣದ ಯಾವುದೇ ಬಣ್ಣದ ಧಿರಿಸು

ರಾಷ್ಟ್ರಧ್ವಜದಲ್ಲಿರುವ ಯಾವುದೇ ಒಂದು ಬಣ್ಣವನ್ನು ಎತ್ತಿತೋರಿಸುವಂಥ ಧಿರಿಸು ಈ ದಿನಕ್ಕೆ ಸೂಕ್ತವೆನಿಸುತ್ತದೆ. ಕೇಸರಿ, ಬಿಳಿ, ಹಸಿರು, ನೀಲಿ ಯಾವುದೇ ಬಣ್ಣದ ಉಡುಪು ಸಿಂಪಲ್ ಲುಕ್ ನೀಡುತ್ತದೆ ಅಲ್ಲದೇ ದೇಶಭಕ್ತಿಯ ಪ್ರತೀಕವಾಗಿ ಕಾಣುತ್ತದೆ.

ತಿರಂಗದ ಪೇಟ

ಮೂರುಬಣ್ಣಗಳಿರುವ ಪೇಟ ಅತ್ಯಾಕರ್ಷಕ ಧಿರಿಸಾಗಿದೆ. ನಮ್ಮ ಸಂಪೂರ್ಣ ಲುಕ್ ಅನ್ನೇ ಬದಲಾಯಿಸುತ್ತದೆ ಅಲ್ಲದೇ ಎಲ್ಲರ ಚಿತ್ತ ಸೆಳೆಯುವಂತೆ ಮಾಡುತ್ತದೆ. ಇದನ್ನು ಪುರುಷರಂತೆ ಮಹಿಳೆಯರು ಸಹ ಧರಿಸಬಹುದಾಗಿದೆ. ಸಿದ್ಧ ಪೇಟವೂ ಲಭ್ಯವಿದ್ದು, ದುಪಟ್ಟ ಅಥವಾ ಸೀರೆಯಲ್ಲಿ ಪೇಟವನ್ನು ಕಟ್ಟಿಕೊಳ್ಳಬಹುದಾಗಿದೆ.

ಸೀರೆ

ಸ್ವಾತಂತ್ರ ದಿನಾಚರಣೆಗೆ ಅತ್ಯಂತ ಸೂಕ್ತ ಧಿರಿಸು ಸೀರೆ. ಸಾಂಪ್ರದಾಯಿಕವಾಗಿ ಕಾಣಲು ಇಚ್ಚಿಸುವವರು ಸಣ್ಣ ಅಂಚಿನ ರೇಷ್ಮೆ ಸೀರೆ, ಮುಡಿಗೆ ಬಿಳಿ ಹೂ ಮುಡಿದರೆ ಅಂದವನ್ನು ಹೆಚ್ಚಿಸುತ್ತದೆ. ಅಲ್ಲದೇ ಸೀರೆಗಳಲ್ಲೂ ತ್ರಿವರ್ಣ ವಿನ್ಯಾಸದ ಸೀರೆಗಳು ಲಭ್ಯವಿದ್ದು, ಬಿಳಿ ಸೀರೆ ನಡುವೆ ತಿರಂಗ ಅಥವಾ ರಾಜಸ್ತಾನದ ಲೆಹೆರಿಯಾ ವಿನ್ಯಾಸದ ಸೀರೆಗಳನ್ನು ಉಟ್ಟು, ಸೂಕ್ತ ಆಭರಣಗಳನ್ನು ತೊಟ್ಟರೆ ಟ್ರೆಂಡಿಯಾಗಿ ಕಾಣಬಹುದು.