ಮೊಮ್ಮಕ್ಕಳ ಮುಂದೆ 4:30:11 ಗಂಟೆ ದಂಡಾಸನ ಮಾಡಿ ಗಿನ್ನಿಸ್ ರೆಕಾಡ್‌ ಸೇರಿದ ಬಲೇ.. ಅಜ್ಜಿ

ಪ್ಲಾಂಕ್ ಪೋಸ್‌ ಅಂದರೆ ದಂಡಾಸನದಲ್ಲಿ ನೀವೆಷ್ಟು ಹೊತ್ತು ನಿಲ್ಲುವಿರಿ? 1 ನಿಮಿಷ ? 5 ನಿಮಿಷ ? ಹೆಚ್ಚೆಂದರೆ 10 ನಿಮಿಷ ಅಷ್ಟೊತ್ತಿಗೆ ಸುಸ್ತಾಗಿ ಬಿಡುತ್ತೇವೆ. ಅದರಲ್ಲೂ ಇದನ್ನು ಅಭ್ಯಾಸ ಮಾಡದೆ ಮಾಡಿದರೆ ಒಂದು ನಿಮಿಷ ಮಾಡಲು ಸಾಧ್ಯವಿಲ್ಲ, ಈ ದಂಡಾಸನವನ್ನು ಒಬ್ಬರು ಅದರಲ್ಲೂ 58 ವರ್ಷದ ಮಹಿಳೆಯೊಬ್ಬರು 4 ಗಂಟೆ 30 ನಿಮಿಷ, 11 ಸೆಕೆಂಡ್ ಮಾಡಿ ವಿಶ್ವದಾಖಲೆ ಮಾಡಿದ್ದಾರೆ.

ಅವರ ಹೆಸರು ಡೋನ್‌ಜೀನ್‌, ನಮ್ಮಲ್ಲಿ ಮೊಮ್ಮಕ್ಕಳನ್ನು ಆಡಿಸಿಕೊಂಡು ಇರುವ ವಯಸ್ಸು. ಈ ವಯಸ್ಸಿನಲ್ಲಿ ಯೌವನ ಪ್ರಾಯದವರು ಮಾಡಕ್ಕಾಗಲ್ಲ ಅಂತಹ ಸಾಧನೆ ಮಾಡಿದ್ದಾರೆ. ಅಷ್ಟೊಂದು ದೀರ್ಘಾವಧಿ ದಂಡಾಸನ ಮಾಡುವುದು ಎಂದರೆ ಅದು ಸಾಮಾನ್ಯವಾದ ವಿಷಯ ಅಲ್ವೇ ಅಲ್ಲ... ಮತ್ತೊಂದು ವಿಶೇಷವೆಂದರೆ 12 ವರ್ಷದ ಹಿಂದೆ ಇವರೇ ಮಾಡಿದ ರೆಕಾರ್ಡ್‌ ಅನ್ನು ಇಷ್ಟು ವಯಸ್ಸಾದ ಮೇಲೆ ಮುರಿದಿರುವುದು.

ಶಾಲಾ ಶಿಕ್ಷಕಿಯಾಗಿರುವ ಅವರು ನಿವೃತ್ತಿ ಆಗಿದ್ದಾರೆ. ಇನ್ನು ಆಸಕ್ತಿಕರ ವಿಷಯವೆಂದರೆ ಅವರು ಈ ರೀತಿ ಪ್ಲಾಂಕ್ ಮಾಡಲು ಆರಂಬಿಸಿದ್ದು ಕೂಡ 12 ವರ್ಷದ ಹಿಂದೆ, ಅವರ ಕೈ ಮುರಿದಿತ್ತು, ಭಾರ ಎತ್ತಲು ಕೂಡ ಸಾಧ್ಯವಾಗಿರಲಿಲ್ಲ, ಕೈಗಳ ಬಲಕ್ಕೆ ದಂಡಾಸನ ಅಭ್ಯಾಸ ಮಾಡುತ್ತಾರೆ. ಈಗ ಇದರಲ್ಲಿ ಸಾಧನೆಯ ಹಂತಕ್ಕೆ ಬಂದಿದ್ದಾರೆ.

12 ಮೊಮ್ಮಕ್ಕಳ ಎದುರಿಗೆ ಡಂಡಾಸನ ಮಾಡಿದ ಅಜ್ಜಿ
ಈ ವೀಡಿಯೋದಲ್ಲಿ ನೋಡಬಹುದು ಅಜ್ಜಿ ದಂಡಾಸನ ಮಾಡುವಾಗ ಪುಟಾಣಿಗಳು ಸಂತೋಷ ಪಡುತ್ತಿದ್ದಾರೆ, ತಾವೂ ಪ್ಲಾಂಕ್ ಮಾಡಲು ಯತ್ನಸುತ್ತಿದ್ದಾರೆ. ಅಜ್ಜಿಗೆ 12 ಮೊಮ್ಮಕ್ಕಳು, ಅವರೆಲ್ಲಾ ಮೊಮ್ಮಕ್ಕಳು ತಮ್ಮ ಅಜ್ಜಿಯ ಸಾಧನೆ, ಸ್ಟೆಮಿನಾ ನೋಡಿ ಖುಷಿ ಪಟ್ಟಿದ್ದರು.

ಅವರು ಈ ಹಿಂದೆ ಮಾಡಿದ ರೆಕಾರ್ಡ್‌ಗಿಂತ 10 ನಿಮಿಷ ಅಧಿಕ ಪ್ಲಾಂಕ್ ಮಾಡಿ ತಮ್ಮ ರೆಕಾರ್ಡ್ ತಾವೇ ಮುರಿದರು. ನಮ್ಮ ಕೈಗಳಿಗೆ ನೋವಾಯ್ತು. ನನಗೆ ಈ ಸಾಧನೆ ಮಾಡಲು ಸಾಧ್ಯವಾಗುವುದಿಲ್ಲವೇ ಎಂದು ಒತ್ತಡಕ್ಕೆ ಒಳಗಾಗಿದ್ದೆ ಎಂದು ತಮ್ಮ ರೆಕಾರ್ಡ್‌ ಮುರಿದ ಬಳಿಕ ಮಾಧ್ಯಮದ ಜೊತೆಗೆ ಇಷ್ಟು ದೀರ್ಘಾವಧಿ ಪ್ಲಾಂಕ್‌ನ ಸವಾಲುಗಳ ಬಗ್ಗೆ ಹಂಚಿಕೊಂಡರು.

ದಂಡಾಸನ ಮಾಡುವುದು ಅಷ್ಟು ಸುಲಭವಲ್ಲ
ಕೈಗಳಿಂದಲೇ ದೇಹವನ್ನು ಬ್ಯಾಲೆನ್ಸ್ ಮಾಡಬೇಕು, ಈ ರೀತಿ ಮಾಡುವುದು ತುಂಬಾನೇ ಕಷ್ಟ. ಇಡೀ ದೇಹದ ಭಾರ ಕೈಗಳ ಮೇಲೆ ನಿಂತಿರುತ್ತದೆ, ಈ ದಂಡಾಸನವನ್ನು ಕೆಲವೊಂದು ನಿಮಿಷಗಳವರೆಗೆ ಮಾಡುತ್ತಾರೆ, ಈ ರೀತಿ ಕೆಲವರಷ್ಟೇ ಗಂಟೆಗಳವರೆಗೆ ನಿಲ್ಲಬಹುದು, ಏಕೆಂದರೆ ಈ ಸಾಹಸಕ್ಕೆ ಪ್ರಯತ್ನ, ಮೋಬಲ , ರಟ್ಟೆ ಬಲ ಎಲ್ಲವೂ ಬೇಕು. ಈ ಅಜ್ಜಿ ನಿಜಕ್ಕೂ ಗ್ರೇಟ್‌ ಅಲ್ವಾ?