ಹಾವಿನ ಕನಸ್ಸು ಬಿದ್ದರೆ ಏನಂತ ಅರ್ಥ?

Insync

oi-Reena

By Hema S

Updated: Monday, November 19, 2012, 17:55 [IST]

ಕನಸ್ಸುಗಳಲ್ಲಿ 2 ವಿಧ. ಒಂದು ಸುಂದರವಾದ ಕನಸ್ಸು, ಮತ್ತೊಂದು ಭಯಾನಕ ಕನಸ್ಸು. ಕೆಲವು ಭಯಾನಕ ಕನಸ್ಸುಗಳು ನಮಗೆ ಭಯ ಹುಟ್ಟಿಸಿ, ನಿದ್ದೆಯಿಂದ ಎದ್ದು ಕೂರುವಂತೆ ಬೀಳುತ್ತದೆ. ಅದೇ ಮುಂಜಾನೆ ಸುಂದರವಾದ ಕನಸ್ಸು ಕಾಣುತ್ತಾ ಮಲಗಿರುವಾಗ ಯಾರಾದರೂ ಎಬ್ಬಿಸಿದರೆ ಸಾಕಷ್ಟು ಕೋಪ ಕೂಡ ಬರುತ್ತದೆ.

ನಮ್ಮ ಸುಪ್ತ ಮನಸ್ಸಿನ ಭಾವನೆಗಳು ಕನಸ್ಸಾಗಿ ಬರುತ್ತದೆ ಎಂದು ಮನಶಾಸ್ತ್ರದಲ್ಲಿ ಹೇಳುತ್ತಾರೆ. ನಮಗೆ ಬೀಳುವ ಕನಸ್ಸುಗಳಲ್ಲಿ ಸಾಕಷ್ಟು ಅರ್ಥ ಇದೆ ಎಂದು ಹೆಚ್ಚಿನವರು ನಂಬುತ್ತಾರೆ. ಕನಸ್ಸಿನಲ್ಲಿ ಹೂ ಕಾಣಬಾರದು, ಕೊಳಚೆ ನೀರು ಹರಿಯುವಂತಹ ಕನಸ್ಸು ಬೀಳಬಾರದು, ಯಾರಾದರೂ ಸತ್ತಂತೆ ಕಂಡರೆ ಅವರಿಗೆ ಆಯಸ್ಸು ಜಾಸ್ತಿಯಾಗುವುದು, ಮುಂಜಾನೆ ಕನಸ್ಸು ಬಿದ್ದರೆ ಅದು ಫಲಿಸುತ್ತದೆ ಈ ರೀತಿ ಅನೇಕ ನಂಬಿಕೆಗಳಿವೆ.

ಅದೇ ಹಾವಿನ ಕನಸ್ಸು ಬಿದ್ದರೆ ಕೂಡ ಅನೇಕ ನಂಬಿಕೆಗಳಿವೆ. ಹಾವು ಕಚ್ಚಿದಂತೆ ಬಿದ್ದರೆ ಒಂದು ಅರ್ಥ, ಹಾವು ಅಟ್ಟಿಸಿಕೊಂಡು ಬಂದರೆ ಅದಕ್ಕೊಂದು ಅರ್ಥ ಹೀಗೆ ಹಾವಿನ ಕನಸ್ಸು ಬಿದ್ದರೆ ಸಾಕಷ್ಟು ಅರ್ಥಗಳಿವೆ. ಅವುಗಳಲ್ಲಿ ಕೆಲವೊಂದು ನಂಬಿಕೆಗಳ ಬಗ್ಗೆ ಇಲ್ಲಿ ಹೇಳಾಗಿದೆ ನೋಡಿ:

ಹಾವಿನ ಜೊತೆ ಹೋರಾಡುವುದು: ಕೆಲವರಿಗೆ ತಾವು ಹಾವಿನ ಜೊತೆ ಹೋರಾಡುತ್ತಿರುವಂತೆ ಕನಸ್ಸು ಬೀಳುತ್ತದೆ. ಈ ರೀತಿಯ ಕನಸ್ಸು ಬಿದ್ದರೆ ನೀವು ನಿಮ್ಮ ಭಾವನೆಗಳ ಜೊತೆ ಹೋರಾಡುತ್ತಿದ್ದೀರ, ನಿಮಗೆ ನಿರ್ಧಾರಗಳನ್ನು ಸರಿಯಾಗಿ ತೆಗೆದುಕೊಳ್ಳುತ್ತಿಲ್ಲ, ಗೊಂದಲದಲ್ಲಿದ್ದೀರ ಎಂದು ಅರ್ಥ. ಅಲ್ಲದೆ ಈ ರೀತಿಯ ಕನಸ್ಸು ಬಿದ್ದರೆ ಸಂಬಂಧ ಅಥವಾ ಕೆಲಸದಲ್ಲಿ ಏನಾದರೂ ತೊಂದರೆ ಇದ್ದರೆ ಈ ರೀತಿಯ ಕನಸ್ಸು ಬೀಳುತ್ತದೆ.

ಹಾವು ಅಟ್ಟಿಸಿಕೊಂಡು ಬರುವ ಕನಸ್ಸು: ಹಾವು ಅಟ್ಟಿಸಿಕೊಂಡು ಬರುವಂತಹ ಕನಸ್ಸು ಬಿದ್ದರೆ ಏನೋ ಅಪಾಯ ಕಾದಿದೆ ಎಂದು ಭಾವಿಸಿಕೊಂಡು ಜನರು ಭಯಬೀಳುತ್ತಾರೆ. ಮನಸ್ಸಿನಲ್ಲಿರುವ ಭಯದಿಂದ ಆ ರೀತಿಯ ಕನಸ್ಸು ಬೀಳುತ್ತದೆ. ಆದ್ದರಿಂದ ಮನಸ್ಸಿನಲ್ಲಿರುವ ಭಯವನ್ನು ಮೊದಲು ಬಿಡಬೇಕು.

ಹಾವು ಕಚ್ಚಿದಂತಹ ಕನಸ್ಸು: ಹಾವು ಕಚ್ಚಿದಂತಹ ಕನಸ್ಸು ಬಿದ್ದರೆ ಯಾರೋ ಒಬ್ಬರಿಂದ ಅಥವಾ ಯಾವುದೋ ಒಂದು ವಸ್ತುವಿನಿಂದ ಹಾನಿಯಾಗಲಿದೆ ಎಂಬ ನಂಬಿಕೆ ಜನರಲ್ಲಿದೆ.

ಹಾವಿನ ಜೊತೆ ತಿನ್ನುವುದು ಅಥವಾ ನಿದ್ದೆ ಮಾಡುವುದು: ಮನಸ್ಸಿನಲ್ಲಿ ಲೈಂಗಿಕ ಚಟುಚಟಿಕೆ ನಡೆಸಲು ಆಸೆ ಇದ್ದರೆ ಅಥವಾ ಲೈಂಗಿಕ ಅತೃಪ್ತಿ ನಿಮ್ಮಲ್ಲಿದ್ದರೆ ಈ ರೀತಿಯ ಕನಸ್ಸು ಬೀಳುತ್ತದೆ ಎಂದು ಹೇಳುತ್ತಾರೆ.

ಹಾವಿರುವ ಗುಂಡಿಯಲ್ಲಿ ಬೀಳುವುದು : ನೀವು ಒಂದು ಗುಂಡಿಯಲ್ಲಿ ಬಿದ್ದಂತೆ, ಆ ಗುಂಡಿ ತುಂಬಾ ಹಾವುಗಳು ಹರಿದಾಡುತ್ತಿರುವಂತೆ ಕನಸ್ಸು ಕಂಡರೆ ಏನೋ ಅಪಾಯ ಕಾದಿದೆ ಎಂಬ ನಂಬಿಕೆ ಜನರಲ್ಲಿದೆ.