ನಾಲ್ಕೇ ಸ್ಟೆಪ್ ಸಾಕು ಈ ಆಕರ್ಷಕ ವಿನ್ಯಾಸಕ್ಕೆ

ನೇಲ್ ಪಾಲಿಷ್ ಉಗುರಿಗೆ ಹಚ್ಚಿದರೆ ಕೈಗಳು ಮತ್ತಷ್ಟು ಸುಂದರವಾಗಿ ಕಾಣುತ್ತದೆ. ಈಗೆಲ್ಲಾ ಕಾಲೇಜು ಹುಡುಗಿಯರ ಕೈ ನೋಡಿದರೆ ನೇಲ್ ಪಾಲಿಷ್‌ನಿಂದ ಆಕರ್ಷಕವಾದ ವಿನ್ಯಾಸವನ್ನು ಮಾಡಿರುತ್ತಾರೆ. ಆದ್ದರಿಂದ ಅವರ ಕೈಗಳನ್ನು ನೋಡಿದರೆ ಮತ್ತಷ್ಟು ಫ್ಯಾಷನೇಬಲ್ ಆಗಿ ಆಕರ್ಷಕವಾಗಿ ಕಾಣುವುದು. ಈ ಕೆಳಗೆ ಚಿತ್ರದಲ್ಲಿ ಕಾಣುವ ವಿನ್ಯಾಸವನ್ನು ಮಾಡಲು ನೇಲ್ ಪಾಲಿಷ್‌ಯನ್ನು ಈ ರೀತಿ ಹಚ್ಚಿ.

1. ಕೈ ಉಗುರಿನಲ್ಲಿ ಹಿಂದೆ ಹಚ್ಚಿದ ನೇಲ್ ಪಾಲಿಷ್ ಬಣ್ಣ ಉಳಿದಿದ್ದರೆ ಅದನ್ನು ಹತ್ತಿಯಲ್ಲಿ ರಿಮೂವರ್ ಹಾಕಿ ಶುಚಿಗೊಳಿಸಬೇಕು. ನಂತರ ಕೈ ಮತ್ತು ಉಗುರುಗಳನ್ನು ಸೋಪು ಹಾಕಿ ತೊಳೆದು ಒಣಗಿಸಬೇಕು.

2. ಈಗ ಗುಲಾಬಿ ಬಣ್ಣದ ನೇಲ್ ಪಾಲಿಷ್ ಅನ್ನು ಉಗುರಿಗೆ ಹಚ್ಚ ಬೇಕು. ಈ ರೀತಿ ಒಂದು ಬಾರಿ ಹಚ್ಚಿದರೆ ಸಾಕು. ನಂತರ ಒಣಗಿಸಬೇಕು.

3. ಈಗ ಕಡು ನೀಲಿ ಬಣ್ಣದ ನೇಲ್ ಪಾಲಿಷ್ ತೆಗೆದುಕೊಂಡು ಅದನ್ನು ಉಗುರಿನ ತುದಿ ಭಾಗಕ್ಕೆ ಹಚ್ಚಬೇಕು.

4. ಈಗ ಗೋಲ್ಡನ್ ನೇಲ್ ಸ್ಟಿಕ್ಕರ್ ಸಿಗುತ್ತದೆ. ಅದನ್ನು ಅಂಟಿಸಿದರೆ ಉಗುರು ಆಕರ್ಷಕ ವಿನ್ಯಾಸದಿಂದ ಸುಂದರವಾಗಿ ಕಾಣುವುದು.
ಪಾರ್ಟಿಗಳಿಗೆ ಹೋಗುವಾಗ ಈ ರೀತಿಯ ಉಗುರಿನ ವಿನ್ಯಾಸ ಮಾಡಿ ಹೋಗಬಹುದು.