ನ. 17ಕ್ಕೆ ವೈಕುಂಠ ಚತುರ್ದಶಿ: ಪೂಜೆಗೆ ಶುಭ ಮುಹೂರ್ತ, ಪೂಜಾವಿಧಿ ಹಾಗೂ ಮಹತ್ವ

ವೈಕುಂಠ ಚತುರ್ದಶಿ ಮಹತ್ವ

ಪೌರಾಣಿಕ ಕತೆಯ ಪ್ರಕಾರ ಈ ದಿನದಂದು ಮಹಾದೇವ ಮತ್ತು ಶ್ರೀ ಹರಿವಿಷ್ಣುವಿನ ಆರಾಧನೆ ಮಾಡಿದರೆ ಮಾನವನ ಎಲ್ಲಾ ಪಾಪಗಳು ದೂರವಾಗುತ್ತವೆ, ಮೋಕ್ಷ ಸಿಗುತ್ತದೆ ಎಂದು ನಂಬಲಾಗಿದೆ. ಧಾರ್ಮಿಕ ಗ್ರಂಥಗಳ ಪ್ರಕಾರ, ಭಗವಂತ ನಿದ್ರೆಗೆ ಹೋಗುವ ನಾಲ್ಕು ತಿಂಗಳುಗಳಲ್ಲಿ, ಶಿವನು ಬ್ರಹ್ಮಾಂಡವನ್ನು ಆಳುತ್ತಾನೆ. ನಾಲ್ಕು ತಿಂಗಳ ಕಾಲ ಮಲಗಿದ ನಂತರ ದೇವುತಣಿ ಏಕಾದಶಿಯ ದಿನದಂದು ಭಗವಾನ್ ವಿಷ್ಣುವು ಎಚ್ಚರಗೊಳ್ಳುತ್ತಾನೆ. ಅದರ ನಂತರ ವೈಕುಂಠ ಚತುರ್ದಶಿಯ ದಿನದಂದು ಶಿವನು ಮತ್ತೆ ವಿಷ್ಣುವಿಗೆ ಸೃಷ್ಟಿಯ ಭಾರವನ್ನು ಹಸ್ತಾಂತರಿಸುತ್ತಾನೆ. ಈ ದಿನ ವೈಕುಂಠ ಲೋಕದ ದ್ವಾರಗಳೂ ತೆರೆದಿರುತ್ತವೆ ಎಂದು ನಂಬಲಾಗಿದೆ.

ವೈಕುಂಠ ಚತುರ್ದಶಿ ದಿನಾಂಕ:

ದಿನಾಂಕ: ನವೆಂಬರ್ 17, ಬುಧವಾರ

ಚತುರ್ದಶಿ ತಿಥಿ ಪ್ರಾರಂಭ: ಬೆಳಗ್ಗೆ 09:50 ರಿಂದ ಪ್ರಾರಂಭ

ಚತುರ್ದಶಿ ತಿಥಿ ಮುಕ್ತಾಯ: ನವೆಂಬರ್ 18, ಗುರುವಾರ ಮಧ್ಯಾಹ್ನ 12 ಗಂಟೆಗೆ ಕೊನೆಗೊಳ್ಳುತ್ತದೆ.

ಪೂಜೆ

ವೈಕುಂಠ ಚತುರ್ದಶಿಯ ದಿನ ಮುಂಜಾನೆ ಬೇಗ ಎದ್ದು ಸ್ನಾನ ಮಾಡಿ ಉಪವಾಸ ವ್ರತ ಮಾಡಬೇಕು. ನಂತರ ರಾತ್ರಿ ವಿಷ್ಣುವಿಗೆ 108 ಕಮಲದ ಹೂವುಗಳಿಂದ ಪೂಜೆ ಮಾಡಬೇಕು. ಇದರ ನಂತರ ಶಿವನನ್ನು ಆರಾಧಿಸಿ. ಪೂಜೆಯ ಸಮಯದಲ್ಲಿ 'ಶಿವ ಹಾಗೂ ವಿಷ್ಣು ಮಂತ್ರಗಳನ್ನು ಪಠಿಸಬೇಕು.

ವೈಕುಂಠ ಚತುರ್ದಶಿಯಂದು ಶುಭ ಫಲಕ್ಕಾಗಿ ಹೀಗೆ ಮಾಡಿ

* ವಿಷ್ಣು ಸಹಸ್ರನಾಮ ಪಠಿಸಿ: ಬೆಳಗ್ಗೆ ಎದ್ದು ಸ್ನಾನ ಮಾಡಿ ಮಡಿ ಬಟ್ಟೆ ಧರಿಸಿ ತುಪ್ಪದ ದೀಪ ಹಚ್ಚಿ ವಿಷ್ಣು ಸಹಸ್ರನಾಮ ಪಠಿಸಬೇಕು.

* ಅರಿಶಿಣ ಕೊಂಬಿನಿಂದ ಮಾಲೆ ಮಾಡಿ, ಅದನ್ನು ಜಪ ಮಾಡುತ್ತಾ ವಿಷ್ಣು ಮಂತ್ರ ಪಠಿಸಿ.

* ವಿಷ್ಣುವಿನ ಪೂಜೆಗೆ ಹಳದಿ ಬಟ್ಟೆ, ಹಳದಿ ಹೂ ಬಳಸಿ.

* ದಾಂಪತ್ಯ ಜೀವನದಲ್ಲಿ ಒಳಿತಾಗಲು ಶ್ರೀಹರಿ ಜೊತೆಗೆ ಲಕ್ಷ್ಮಿಯ ವಿಗ್ರಹ ಇಟ್ಟು ಪೂಜೆ ಮಾಡಿ.

ಮಹಾಭಾರತದ ಯುದ್ಧದ ನಂತರ ಈ ದಿನದಂದು ಶ್ರೀಕೃಷ್ಣನು ಅದರಲ್ಲಿ ಕೊಲ್ಲಲ್ಪಟ್ಟವರಿಗೆ ಶ್ರಾದ್ಧವನ್ನು ಮಾಡಿದನೆಂದು ನಂಬಲಾಗಿದೆ. ಆದುದರಿಂದ ಈ ದಿನದಂದು ಶ್ರಾದ್ಧ ತರ್ಪಣ ಕಾರ್ಯವನ್ನು ಮಾಡುವುದಕ್ಕೂ ವಿಶೇಷ ಮಹತ್ವವಿದೆ.