ಸೊಳ್ಳೆಯ ಜೊತೆ ಆನೆ ಸಂಭೋಗ ನಡೆಸಿದಂತೆ!

ಒಬ್ಬ ವಿದ್ಯಾರ್ಥಿಯು ಗುರುವಿನ ಎದುರು ಬಂದು ಅವರಿಂದ ಸ್ವಲ್ಪ ದೂರದಲ್ಲಿ ಕುಳಿತುಕೊಂಡ. "ಝೆನ್‌ ಎಂದರೇನು?" ಎಂದು ವಿದ್ಯಾರ್ಥಿ ಕೇಳಿದ.

ರೋಶಿಯು ಒಂದು ಬಾಳೆಹಣ್ಣನ್ನು ಸುಲಿದು ತಿನ್ನಲು ಆರಂಭಿಸಿದ. "ಇಷ್ಟೇನಾ? ಇದಕ್ಕಿಂತ ಬೇರೆ ಏನನ್ನೂ ನೀವು ಹೇಳಲು ಸಾಧ್ಯವಿಲ್ಲವೇ?" ಎಂದು ವಿದ್ಯಾರ್ಥಿ ಕೇಳಿದ. "ದಯವಿಟ್ಟು, ಇನ್ನೂ ಹತ್ತಿರ ಬಾ" ಎಂದು ಗುರುವು ಕೇಳಿದ.

ವಿದ್ಯಾರ್ಥಿ ಹತ್ತಿರ ಹೋದ ಕೂಡಲೆ ಬಾಳೆಹಣ್ಣಿನ ಉಳಿದ ಭಾಗವನ್ನು ವಿದ್ಯಾರ್ಥಿಯ ಮುಖದ ಎದುರು ಹಿಡಿದ. ವಿದ್ಯಾರ್ಥಿಯು ಪ್ರತಿಭಟಿಸಿ ಹೊರಟುಹೋದ.

ಎರಡನೇ ವಿದ್ಯಾರ್ಥಿಯು ಪ್ರೇಕ್ಷಕರನ್ನು ಉದ್ದೇಶಿಸಿ ಮಾತನಾಡಲು ತೊಡಗಿದ. "ನಿಮಗೆಲ್ಲಾ ಅರ್ಥವಾಯಿತೇ?" ಪ್ರೇಕ್ಷಕರು ಯಾರೂ ಮಾತನಾಡದಿದ್ದಾಗ ವಿದ್ಯಾರ್ಥಿಯು ಮುಂದುವರಿದು ಹೇಳಿದ, "ನೀವು ಝೆನ್‌ ಮೊದಲ ಮಾದರಿಯನ್ನು ನೋಡಿದಿರಿ. ಇನ್ನೇನಾದರೂ ಪ್ರಶ್ನೆ ಇದೆಯೇ?"

ಒಂದು ದೀರ್ಘ ಮೌನದ ನಂತರ ಯಾರೋ ಎದ್ದರು. "ರೋಶಿ, ನಾನು ನಿಮ್ಮ ಪ್ರದರ್ಶನದಿಂದ ತೃಪ್ತನಾಗಿಲ್ಲ. ನೀವು ತೋರಿಸಿದ್ದು ನನಗೆ ಸ್ಪಷ್ಟವಾಗಿ ಅರ್ಥವಾಗಿಲ್ಲ. ಝೆನ್‌ ಏನು ಎಂಬುದನ್ನು ನಮಗೆ ನೀವು ಹೇಳಲು ಸಾಧ್ಯವಿದೆ. ನೀವು ಝೆನ್‌ ಬಗ್ಗೆ ಶಬ್ದಗಳಲ್ಲಿ ಸರಳವಾಗಿ ವಿವರಿಸಬೇಕು".

ರೋಶಿ ನಂತರ ಪ್ರತಿಕ್ರಿಯಿಸಿದರು, "ಝೆನ್‌ ಎಂದರೆ ಸೊಳ್ಳೆಯ ಜೊತೆ ಆನೆ ಸಂಭೋಗ ನಡೆಸಿದಂತೆ."