ಯಮ ದೀಪ 2021: ದಿನಾಂಕ, ಸಮಯ ಹಾಗೂ ಇದರ ಮಹತ್ವವೇನು?

ಯಮ ದೀಪ ಹಚ್ಚುವುದರ ಹಿಂದಿನ ದಾರ್ಮಿಕ ಪ್ರಾಮುಖ್ಯತೆ

* ಯಮ ದೀಪ ಹಚ್ಚುವುದರಿಂದ ವ್ಯಕ್ತಿಯಲ್ಲಿ ಧನಾತ್ಮಕ ಶಕ್ತಿ ಹೆಚ್ಚುವುದು.

* ಧನ ತ್ರಯೋಧಶಿಯಂದು ಯಮ ಧರ್ಮ ತುಂಬಾ ಚಟುವಟಿಕೆಯಿಂದ ಇರುತ್ತಾನೆ ಎನ್ನಲಾಗಿದೆ, ಆದ್ದರಿಂದ ಈ ದಿನ ಅವನನ್ನು ಪೂಜಿಸಿದರೆ ಇತರ ಸಮಯದಲ್ಲಿ ಪೂಜಿಸಿದ್ದಕ್ಕಿಂತ ಅಧಿಕ ಫಲ ಸಿಗುವುದು. ಯಮನ ಅನುಗ್ರಹ ಬೇಗನೆ ಸಿಗುವುದು.

* ಅಪಮೃತ್ಯು ನೀಡಬೇಡ ಎಂದು ಯಮನಲ್ಲಿ ಪ್ರಾರ್ಥಿಸಿ ಅವನ ಅನುಗ್ರಹ ಪಡೆಯಲಾಗುವುದು.

ಗೋಧಿ ಹಿಟ್ಟಿನಿಂದ ದೀಪ ತಯಾರಿಸಿ ಹಚ್ಚಬೇಕು

ಈ ದಿನ ಯಮ ದೀಪವನ್ನು ದಕ್ಷಿಣ ದಿಕ್ಕಿನಲ್ಲಿ ಹಚ್ಚಿಡಬೇಕು. ಅದರಲ್ಲೂ ಗೋಧಿ ಹಿಟ್ಟಿನಿಂದ ತಯಾರಿಸಿದ ದೀಪವನ್ನು ಹಚ್ಚಿಡಬೇಕು.

ಯಮ ದೀಪ ಸಮಯ

ದಿನಾಂಕ: ನವೆಂಬರ್ 2, ಧನ ತ್ರಯೋದಶಿ

ತ್ರಯೋದಶಿ ತಿಥಿ ಪ್ರಾರಂಭ: ನವೆಂಬರ್ 2, ಬೆಳಗ್ಗೆ 11:31ಕ್ಕೆ

ತ್ರಯೋದಶಿ ತಿಥಿ ಮುಕ್ತಾಯ: ನವೆಂಬರ್ 3, ಬೆಳಗ್ಗೆ 09:02ಕ್ಕೆ

ಮನೆಯ ಹೊರಗಡೆ ದಕ್ಷಿನ ದಿಕ್ಕಿನಲ್ಲಿ ಯಮ ದೀಪವನ್ನು ಹಚ್ಚಿಡಲಾಗುವುದು. ಧನತ್ರಯೋಧಶಿಯಂದು ಈ ದೀಪವನ್ನು ಹಚ್ಚಿ ಯಮನನ್ನು ಪ್ರಾರ್ಥಿಸಿದರೆ ಅವರಿಗೆ ಅಕಾಲಿಕ ಮೃತ್ಯ ಸಂಭವಿಸುವುದಿಲ್ಲ ಎಂದು ವೈದಿಕ ಶಾಸ್ತ್ರ ಹೇಳುತ್ತದೆ.

ಯಮ ದೀಪ ಹಚ್ಚುವಾಗ ಈ ಮಂತ್ರಗಳನ್ನು ಹೇಳಿ

ಮಮ ಆಪ್ಮೃತ್ಯು ವಿನಾಶಾರ್ಥಂ ಯಮದೀಪ್ದಾನಂ ಕರಿಷ್ಯೇ

ಅರ್ಥ: ನನ್ನ ಅಕಾಲಿನ ಮೃತ್ಯ ತಡೆಯಲು ಈ ಯಮ ದೀಪವನ್ನು ಹಚ್ಚುತ್ತಿದ್ದೇನೆ.

ಮೃತ್ಯುನಾ ಪಾಷಾದನ್ ದಾಭ್ಯಾಂ ಕಾಲೇನ ಶ್ಯಾಮಯಾಯುತಃ |

ತ್ರಯೋದಶ್ಯಾಮ್ ದೀಪದಾನಾತ್ ಸೂರ್ಯಜಃ ಪ್ರಿಯತಾಂ ಮಮ |

ಅರ್ಥ: ಧನತ್ರಯೋಧಶಿಯಂದು ಸುರ್ಯನ ಪುತ್ರನಾದ ಯಮ ದೇವನಿಗೆ ಈ ದೀಪ ಹಚ್ಚುತ್ತಿದ್ದೇನೆ. ಯಮರಾಯನು ನನ್ನ ಅಕಾಲಿಕ ಮೃತ್ಯು ತಡೆದು ನನಗೆ ಒಳಿತು ಮಾಡಲಿ ಎಂದು ಪ್ರಾರ್ಥಿಸಬೇಕು.

ನಂತರ ಸ್ವಲ್ಪ ನೀರನ್ನು ತೆಗೆದು ದೀಪದ ಮುಂದೆ ಅರ್ಪಿಸಬೇಕು.