ಅಕಾಲ ಮೃತ್ಯು ತಡೆಯುವ ಯಮದೀಪ: ಯಮನಿಗೆ ಗೋಧಿ ಹಿಟ್ಟಿನ ದೀಪ ಹಚ್ಚಬೇಕು ಏಕೆ?

ಯಮ ದೀಪಕ್ಕೆ ಗೋಧಿ ಹಿಟ್ಟಿನಿಂದ ತಯಾರಿಸಿದ ದೀಪ ಬಳಸುವುದು ಏಕೆ?

ಧನತ್ರಯೋದಶಿಯಂದು ವಿಶ್ವದಲ್ಲಿ ತಮ ಆವರ್ತನಾ ಶಕ್ತಿ ಹೆಚ್ಚು ಸಕ್ರೀಯವಾಗಿರುತ್ತೆ, ಈ ತಮ ವರ್ತನಗಳು ವ್ಯಕ್ತಿಯ ಅಕಾಲಿಕ ಮೃತ್ಯುವಿಗೆ ಕಾರಣವಾಗಿದೆ. ಗೋಧಿ ಹಿಟ್ಟಿನಿಂದ ಮಾಡಿದ ದೀಪಕ್ಕೆ ಈ ತಮ ಆವರ್ತನಾ ಶಕ್ತಿಯನ್ನು ಶಾಂತಗೊಳಿಸುವ ಸಾಮರ್ಥ್ಯವನ್ನು ಹೊಂದಿದೆ. ಹಾಗಾಗಿ ಅಕಾಲಿಕ ಮೃತ್ಯು ತಡೆಗಟ್ಟಲು ಯಮನಿಗೆ ಗೋಧಿ ಹಿಟ್ಟಿನ ದೀಪ ಹಚ್ಚಿಡಲಾಗುವುದು.

ಯಮ ದೀಪ ಹಚ್ಚಿಡುವ ವಿಧಾನ:

* ಗೋಧಿ ಹಿಟ್ಟಿನಲ್ಲಿ ತಯಾರಿಸಿದ ದೀಪ ಬಳಸಬೇಕು.

* ದೀಪಕ್ಕೆ 4 ಬತ್ತಿಯನ್ನು ಹಾಕಿ, ಎಳ್ಳೆಣ್ಣೆ ಹಾಕಿ, ದಕ್ಷಿಣ ದಿಕ್ಕಿನಲ್ಲಿ 13 ದೀಪಗಳನ್ನು ಹಚ್ಚಿಡಬೇಕು.

* ಸಂಧ್ಯಾಕಾಲದಲ್ಲಿ ಯಮ ದೀಪವನ್ನು ಮನೆಯ ಹೊರಗಡೆ ಹಚ್ಚಿಡಬೇಕು.

* ಯಮ ದೀಪವನ್ನು ಗೋಶಾಲೆ, ಬಾವಿ, ನದಿ ತೀರಗಳಲ್ಲಿ ಯಮ ದೀಪ ಹಚ್ಚಿಡಬಹುದು.

ಯಮ ದೀಪ ಹಚ್ಚಿಡುವಾಗ ಪೂಜಾ ವಿಧಾನ

* ದೀಪಗಳನ್ನು ಶ್ರೀಕೃಷ್ಣ ಯಂತ್ರದ ರಂಗೋಲಿ ಬಿಡಿಸಿ ಅದರ ಮೇಲಿಡಬೇಕು.

ಮಮ ಆಪ್ಮೃತ್ಯು ವಿನಾಶಾರ್ಥಂ ಯಮದೀಪ್ದಾನಂ ಕರಿಷ್ಯೇ

ಅರ್ಥ: ನನ್ನ ಅಕಾಲಿನ ಮೃತ್ಯ ತಡೆಯಲು ಈ ಯಮ ದೀಪವನ್ನು ಹಚ್ಚುತ್ತಿದ್ದೇನೆ ಎಂದು ಹೇಳಿ ದೀಪ ಬೆಳಗಬೇಕು.

* ದೀಪಕ್ಕೆ ಶ್ರೀಗಂಧ, ಕುಂಕುಮ, ಅರಿಶಿಣಹಚ್ಚಿ, ಅಕ್ಷತೆಯನ್ನು ಹಾಕಬೇಕು.

* ದೀಪಕ್ಕೆ ಹೂಗಳನ್ನು ಅರ್ಪಿಸಬೇಕು.

ನಂತರ ಈ ಮಂತ್ರಗಳನ್ನು ಹೇಳಿ ಪ್ರಾರ್ಥಿಸಿ

ಮೃತ್ಯುನಾ ಪಾಷಾದನ್ ದಾಭ್ಯಾಂ ಕಾಲೇನ ಶ್ಯಾಮಯಾಯುತಃ |

ತ್ರಯೋದಶ್ಯಾಮ್ ದೀಪದಾನಾತ್ ಸೂರ್ಯಜಃ ಪ್ರಿಯತಾಂ ಮಮ |

ಅರ್ಥ: ಧನತ್ರಯೋಧಶಿಯಂದು ಸುರ್ಯನ ಪುತ್ರನಾದ ಯಮ ದೇವನಿಗೆ ಈ ದೀಪ ಹಚ್ಚುತ್ತಿದ್ದೇನೆ. ಯಮರಾಯನು ನನ್ನ ಅಕಾಲಿಕ ಮೃತ್ಯು ತಡೆದು ನನಗೆ ಒಳಿತು ಮಾಡಲಿ ಎಂದು ಪ್ರಾರ್ಥಿಸಬೇಕು.

* ನಂತರ ದೀಪಕ್ಕೆ ನಮಸ್ಕರಿಸಬೇಕು.

* ಅದಾದ ಬಳಿಕ ಸ್ವಲ್ಪ ನೀರನ್ನು ಕೈಯಲ್ಲಿ ತೆಗೆದು ಅರ್ಪಿಸಬೇಕು.

ಯಮದೀಪ ದಕ್ಷಿಣ ದಿಕ್ಕಿನಲ್ಲಿ ಇಡುವುದರ ಮಹತ್ವ

* ಅಷ್ಟದಿಕ್ಪಾಲರದಲ್ಲಿ ಒಬ್ಬನಾಗಿರುವ ಯಮರಾಯ ದಕ್ಷಿಣ ದಿಕ್ಕಿನ ಅಧಿಪತಿ.

* ದಕ್ಷಿನ ದಿಕ್ಕಿನಲ್ಲಿ ದೀಪವನ್ನು ಬೆಳಗುವುದರಿಂದ ಆ ಬೆಳಕು ಯಮನನ್ನು ಆಕರ್ಷಿಸುತ್ತದೆ.

* ಯಮನ ಶಕ್ತಿಯಿಂದಾಗಿ ಅಲ್ಲಿರುವ ಋಣಾತ್ಮಕ ಶಕ್ತಿ ಇಲ್ಲವಾಗುವುದು, ವ್ಯಕ್ತಿ ಅಕಾಲಿಕ ಮೃತ್ಯುವಿನಿಂದ ಪಾರಾಗುತ್ತಾನೆ.