ಸುಂದರ ತರುಣಿ, ಮಗು ಮತ್ತು ಝೆನ್ ಗುರು ಹಾಕುನ್

ತುಂಬಾ ಹೆದರಿಕೆ ಹಾಗೂ ಮುಜುಗರದಿಂದ ಆಕೆ ಮೊದಲು ಗುಟ್ಟು ಬಿಟ್ಟುಕೊಡಲು ಒಪ್ಪದಿದ್ದರೂ, ತುಂಬಾ ಒತ್ತಾಯಿಸಿದಾಗ, ಎಲ್ಲರಿಂದಲೂ ಪೂಜಿತರಾದ ಮತ್ತು ಅತ್ಯಂತ ಶುದ್ಧ ಹಸ್ತರೆಂದು ಹೆಸರಾದ ಝೆನ್ ಗುರು ಹಾಕುನ್ ಇದರ ಕಾರಣಕರ್ತರೆಂದು ಬಾಂಬ್ ಸಿಡಿಸಿಬಿಟ್ಟಳು. ಎಲ್ಲರಿಗೂ ಈ ಸುದ್ದಿ ತಿಳಿದು ಆಶ್ಚರ್ಯ ಮತ್ತು ಆಘಾತ.

ಮೊದಲು ಇಂಥ ಆಘಾತಕಾರಿ ಸುದ್ದಿಯನ್ನು ಒಪ್ಪಲು ಯುವತಿಯ ಪಾಲಕರು ಹಿಂದೇಟು ಹಾಕಿದರೂ, ಒಂದು ಬಾರಿ ಕೇಳೇಬಿಡೋಣ ಎಂದು ಹಾಕುನ್ ಬಳಿ ಸಾಗಿದರು. ಕೋಪಗೊಂಡ ಆಕೆಯ ತಂದೆ-ತಾಯಿ ಹಾಕುನ್‍ರ ಬಳಿ ಹೋಗಿ ಮಗಳ ಆಪಾದನೆಯ ಬಗ್ಗೆ ಕೂಗಾಡಲು ಆರಂಭಿಸಿದರು. ಎಲ್ಲ ಆರೋಪಗಳನ್ನು ಶಾಂತಚಿತ್ತರಾಗಿ ಕೇಳಿ ಹಾಕುನ್‍ರು "ಹೌದೇನು...?" ಎಂದು ಸ್ಥಿತಪ್ರಜ್ಞರಂತೆ ನುಡಿದರು.

ಕೆಲ ಕಾಲ ಕಳೆಯಿತು. ತರುಣಿ ತುಂಬು ಗರ್ಭಿಣಿಯಾದಳು. ಆ ತರುಣಿಗೆ ಮಗುವಾದಾಗ, ಆಕೆಯ ಪೋಷಕರು, ಇಡೀ ಊರಿನ ಯಾರಿಗೂ ಬೇಡವಾದ ಆ ಮಗುವನ್ನು ಹಾಕುನ್‍ರ ಬಳಿಗೆ ತಂದರು. ಮಗು ಹಾಕುನ್‍‍ರದೇ ಆಗಿದ್ದು, ಅವರೇ ಅದರ ಜವಾಬ್ದಾರಿ ಹೊರಬೇಕೆಂದು ಹಾಕುನ್ ಮುಂದೆ ತಂದಿಟ್ಟರು.

ಈ ಬೆಳವಣಿಗೆಯಿಂದ ಹಾಕುನ್‌ರು ಹೌಹಾರಲಿಲ್ಲ. ಶಾಂತಚಿತ್ತರಾಗಿ, "ಹೌದೇನು...?" ಎಂದಷ್ಟೇ ಹೇಳಿದ ಹಾಕುನ್‍ರು ಮರುಮಾತನಾಡದೇ ಆ ಮಗುವನ್ನು ಸ್ವೀಕರಿಸಿದರು. ಆ ತರುಣಿ ತನ್ನ ಸುಳ್ಳನ್ನು ತಡೆಯಲಾಗದೆ ನಿಜ ಹೇಳಲೇಬೇಕೆನಿಸುವ ತನಕ ಅನೇಕ ತಿಂಗಳುಗಳು ಹಾಕುನ್ ಆ ಮಗುವಿನ ಆರೈಕೆ ಮಾಡಿದರು. ಆದರೆ, ತರುಣಿಗೆ ತಪ್ಪಿತಸ್ಥ ಭಾವನೆ ಕಾಡಲು ಪ್ರಾರಂಭಿಸಿತು. ಕೊನೆಗೆ ತಪ್ಪೊಪ್ಪಿಕೊಂಡ ಆ ತರುಣಿ, ತಾನು ರಕ್ಷಿಸಲು ಯತ್ನಿಸಿದ, ನಿಜವಾದ ತಂದೆಯಾದ ಆ ಊರಿನ ತರುಣನ ಹೆಸರನ್ನು ಬಹಿರಂಗಗೊಳಿಸಿದಳು.

ಆ ಪೋಷಕರು ತಕ್ಷಣವೇ ಹಾಕುನ್‍ರ ಬಳಿ ಹೋಗಿ ಆ ಮಗುವನ್ನು ವಾಪಸ್‍ ನೀಡಬೇಕೆಂದು ಕೇಳಿಕೊಂಡರು. ತಮ್ಮ ತಪ್ಪಿಗೆ ಅತೀವ ಕ್ಷಮೆ ಯಾಚಿಸಿದ ಅವರು ನಿಜವಾಗಿ ನಡೆದ ವಿಷಯವನ್ನು ವಿವರಿಸಿದರು.

ಹಾಕುನ್ ಹೆಚ್ಚೇನೂ ಮಾತನಾಡದೆ "ಹೌದೇನು...?" ಎಂದಷ್ಟೇ ಹೇಳಿ, ಆ ಮಗುವನ್ನು ಯುವತಿಗೆ ಹಿಂದಿರುಗಿಸಿದರು.