ಝೆನ್ ಕಥೆ: ಎರಡು ಆತ್ಮದ ಹೊಂದಿದ ಸೀಜೋ!

Short Story

oi-Reena

By Hema S

Published: Tuesday, July 10, 2012, 16:58 [IST]

ಚೋಕನ್‌ನ ಎಂಬುವನಿಗೆ ಸೀಜೋ ಎಂಬ ಸುಂದರ ಮಗಳಿದ್ದಳು. ಚೋಕನ್‌ ಸಾಮಾನ್ಯವಾಗಿ ತನ್ನ ದೂರದ ಸಂಬಂಧಿಯಾದ ಓಚು ಮತ್ತು ಸಿಜೋ ಒಳ್ಳೆಯ ಜೋಡಿ ಎಂದು ತಮಾಷೆ ಮಾಡುತ್ತಿದ್ದ. ಆದರೆ ತನ್ನ ಮಗಳನ್ನು ಓಚುವಿಗೆ ಕೊಟ್ಟು ಮದುವೆ ಮಾಡುವ ಯಾವ ಉದ್ದೇಶವು ಇರಲಿಲ್ಲ. ಆದ್ದರಿಂದ ತನ್ನ ಮಗಳನ್ನು ಇನ್ನೊಬ್ಬ ಮನುಷ್ಯನಿಗೆ ಕೊಟ್ಟು ಮದುವೆ ಮಾಡಲು ಯೋಜಿಸಿದ. ಆದರೆ ಚೋಕನ್‌ನ ತಮಾಷೆಯ ಮಾತುಗಳೇ ಸೀಜೋ ಮತ್ತು ಓಚು ಪ್ರೇಮದಲ್ಲಿ ಬೀಳುವಂತಾಯಿತು.

ಒಂದು ದಿನ ಚೋಕನ್‌ ಸೀಜೋಳ ನಿಶ್ಚಿತಾರ್ಥವನ್ನು ಇನ್ನೊಬ್ಬ ಮನುಷ್ಯನ ಜೊತೆಗೆ ನಿರ್ಧರಿಸಿದ. ಇದರಿಂದ ಬೇಸರಗೊಂಡು, ದುಃಖಿತನಾದ ಓಚು ಒಂದು ಬೋಟ್‌ನಲ್ಲಿ ಆ ಸ್ಥಳದಿಂದ ನಡೆದ. ಪ್ರಯಾಣ ಮಾಡುತ್ತಿರುವಾಗ ಸೀಜೋ ಕೂಡಾ ತಾನಿರುವ ಬೋಟ್‌ನಲ್ಲಿಯೇ ಇರುವುದನ್ನು ಕಂಡು ತುಂಬಾ ಖುಷಿಯಾಯಿತು. ಅವರಿಬ್ಬರು ಮದುವೆಯಾಗಿ ಬೇರೊಂದು ನಗರದಲ್ಲಿ ಸುಖವಾಗಿ ಬಾಳಿದರು. ಅವರಿಗೆ ಎರಡು ಮಕ್ಕಳಾಯಿತು.

ಒಂದು ದಿನ ಸೀಜೋಗೆ ತನ್ನ ತಂದೆಯನ್ನು ಭೇಟಿ ಮಾಡಬೇಕು ಎಂಬ ಆಸೆಯಾಯಿತು. ಓಚು ಕೂಡಾ ಅವಳ ಆಸೆಗೆ ಸಹಮತ ವ್ಯಕ್ತಪಡಿಸಿದ ಮತ್ತು ತಂದೆಯಲ್ಲಿ ಕ್ಷಮಾಪಣೆ ಕೇಳುವುದಕ್ಕೆ ಸಿದ್ಧವಾದರು. ಚೋಕನ್‌ನ ಪ್ರದೇಶಕ್ಕೆ ಬಂದ ತಕ್ಷಣ ತನ್ನ ಹೆಂಡತಿಯನ್ನು ಬೋಟ್‌ನಲ್ಲೇ ಬಿಟ್ಟು ಆಕೆಯ ತಂದೆಯನ್ನು ನೋಡಿ ಬರಲು ಹೋದ. ಚೋಕನ್‌ ಬಳಿ ಓಚು ಕ್ಷಮಾಪಣೆ ಕೇಳಿದ. ಇವನಿಗೆ ಅತ್ಯಾಶ್ಚರ್ಯವಾಗುವಂತೆ ಚೋಕನ್‌ ತನ್ನ ಮಗಳು ನೀನು ಹೋದ ಮೇಲೆ ತುಂಬಾ ಬೇಸರ ಪಟ್ಟು ಹಾಸಿಗೆ ಹಿಡಿದಳು. ಈಗ ಹಾಸಿಗೆಯಲ್ಲಿಯೇ ಇದ್ದಾಳೆ ಎಂದು ಹೇಳಿದ. ಆದರೆ ಓಚು ಇಲ್ಲ ಸೀಜೋ ನನ್ನ ಜೊತೆ ಇದ್ದಾಳೆ ಎಂದು ಬೋಟ್‌ನಲ್ಲಿ ಕಾಯುತ್ತಿದ್ದ ಸೀಜೋಳನ್ನು ಕರೆತಂದ. ಆಗ ಹಾಸಿಗೆಯಲ್ಲಿ ಮಲಗಿದ್ದ ಸೀಜೋ ಮತ್ತು ನಿಜವಾದ ಸೀಜೋ ಇಬ್ಬರೂ ಮುಖಾಮುಖಿಯಾದರು.

ಈ ಕಥೆಯನ್ನು ತನ್ನು ಅನುಯಾಯಿಗಳಿಗೆ ಹೇಳಿದ ಝೆನ್‌ ಗುರು ಗೋಸೋ ಕೇಳಿದ "ಸೀಜೋ ಎರಡು ಆತ್ಮವನ್ನು ಹೊಂದಿದ್ದಾಳೆ. ಒಂದು ಆತ್ಮ ಮನೆಯಲ್ಲಿ ಕೃಶವಾಗಿ ಬಿದ್ದಿದೆ. ಇನ್ನೊಂದು ಮದುವೆಯಾಗಿ ಎರಡು ಮಕ್ಕಳನ್ನು ಪಡೆದಿದೆ. ಈ ಎರಡರಲ್ಲಿ ಯಾವ ಆತ್ಮ ನಿಜವಾದದ್ದು ?"