ಝೆನ್ ಕಥೆ: ಗೆಲುವಿನ ಹಿಂದಿನ ರಹಸ್ಯ

Short Story

oi-Reena

By Hema S

Updated: Monday, July 23, 2012, 10:06 [IST]

ಮಹತ್ತರವಾದ ಕಾಳಗದ ನಂತರ ಗಣನೀಯ ಪ್ರಮಾಣದಲ್ಲಿ ಸೇನೆಯ ಸಂಖ್ಯೆ ಕಡಿಮೆಯಾಗಿದ್ದರೂ ಕೂಡಾ ಜಪಾನಿನ ಜನರಲ್‌ ದಾಳಿ ಮಾಡಲು ನಿರ್ಧರಿಸಿದ. ಅವನಿಗೆ ತಾನು ಗೆಲ್ಲುತ್ತೇನೆ ಎಂಬ ಆತ್ಮವಿಶ್ವಾಸವಿತ್ತು. ಆದರೆ ಅವನ ಸೈನಿಕರಿಗೆ ಸಂಶಯಗಳಿತ್ತು.

ಯುದ್ಧಭೂಮಿಗೆ ತೆರಳುವ ದಾರಿಯಲ್ಲಿ ಅವರು ಒಂದು ಗುಡಿಯೊಂದರ ಬಳಿ ನಿಂತರು. ನಂತರ ಜನರಲ್ ಒಂದು ನಾಣ್ಯವನ್ನು ತೆಗೆದುಕೊಂಡು ಹೇಳಿದ, "ಈ ನಾಣ್ಯವನ್ನು ನಾನು ಟಾಸ್ ಮಾಡುತ್ತೇನೆ. ಹೆಡ್‌ ಆಗಿದ್ದರೆ ನಾವು ಗೆಲ್ಲುತ್ತೇವೆ. ಟೇಲ್‌ ಆಗಿದ್ದರೆ ನಾವು ಸೋಲುತ್ತೇವೆ. ವಿಧಿಯು ತನ್ನಿಂದ ತಾನೇ ತಿಳಿಯುತ್ತದೆ".

ನಾಣ್ಯವನ್ನು ಅವನು ಗಾಳಿಯಲ್ಲಿ ಹಾರಿಸಿದ. ಎಲ್ಲರೂ ನಾಣ್ಯ ಕೆಳಗೆ ಬೀಳುವುದನ್ನೇ ನೋಡುತ್ತಿದ್ದರು. ಹೆಡ್‌ ಬಿದ್ದಿತ್ತು. ಸೈನಿಕರು ತುಂಬಾ ಖುಷಿಪಟ್ಟರು. ನಂತರ ತುಂಬಾ ಸ್ಪೂರ್ತಿಯಿಂದ ಶತ್ರುವಿನ ಮೇಲೆ ದಾಳಿ ಮಾಡಿ ಅಮೋಘ ಗೆಲುವನ್ನು ಸಾಧಿಸಿದರು. ಕದನದ ನಂತರ ಲೆಫ್ಟಿನೆಂಟ್ ಒಬ್ಬ ಜೆನರಲ್‌ಗೆ ಹೇಳಿದ "ಯಾರೂ ಕೂಡಾ ವಿಧಿಯನ್ನು ಬದಲಾಯಿಸಲಾರರು".

"ಸ್ವಲ್ಪ ಮಟ್ಟಿಗೆ ನಿಜ" ಎಂದು ಪ್ರತಿಕ್ರಿಯಿಸಿದ ಜನರಲ್‌ ತಾನು ಹಾರಿಸಿದ್ದ ನಾಣ್ಯವನ್ನು ತೋರಿಸಿದ. ಅದರಲ್ಲಿ ಎರಡೂ ಕಡೆ ಹೆಡ್‌ ಇತ್ತು.