ಝೆನ್ ಕಥೆ: ಕಳ್ಳತನ ಕಲೆಯ ಮೊದಲ ಪಾಠ

Short Story

oi-Reena

By Hema S

Updated: Tuesday, July 24, 2012, 16:40 [IST]

ಒಬ್ಬ ದೊಡ್ಡ ಕಳ್ಳನಿದ್ದ. ಕಳ್ಳತನವನ್ನು ತುಂಬಾ ಜಾಣ್ಮೆಯಿಂದ ಮಾಡುತ್ತಿದ್ದ ಆದ್ದರಿಂದ ಸಿಕ್ಕಿಹಾಕಿಕೊಳ್ಳುತ್ತಿರಲಿಲ್ಲ. ಅವನಿಗೆ ವಯಸ್ಸಾಯಿತು, ಅವನ ಮಗ ತನ್ನ ತಂದೆಯ ವೃತ್ತಿ ಮುಂದುವರೆಸಲು ಯೋಚಿಸಿದ. ಒಂದು ದಿನ ಮಗ ತನ್ನ ತಂದೆಯ ಬಳಿ ಕಳ್ಳತನದ ಸೂತ್ರವನ್ನು ಕಲಿಸಿಕೊಡುವಂತೆ ಕೇಳಿದ. ವೃದ್ಧ ಕಳ್ಳ ಒಪ್ಪಿಕೊಂಡು ಅಂದು ರಾತ್ರಿ ಮಗನನ್ನು ಒಂದು ದೊಡ್ಡ ಮನೆಗೆ ಕರೆದುಕೊಂಡು ಬಂದ. ಆ ಮನೆಯವರೆಲ್ಲಾ ನಿದ್ದೆ ಮಾಡುತ್ತಿರುವಾಗ ಬಟ್ಟೆಗಳನ್ನು ಇಟ್ಟಿರುವ ಕೋಣೆಗೆ ನುಸುಳಿದರು.

ಆ ಕೋಣೆಯಲ್ಲಿರುವ ಒಂದಷ್ಟು ಬಟ್ಟೆಗಳನ್ನು ತೆಗೆದುಕೊಂಡು ಬಾ ಎಂದು ತನ್ನ ಮಗನಿಗೆ ಕಳ್ಳ ಹೇಳಿದ. ಮಗ ಒಳಗೆ ಹೋದ ತಕ್ಷಣ ಬಾಗಿಲನ್ನು ಮುಚ್ಚಿದ. ನಂತರ ಓಡುವುದಕ್ಕೆ ತಯಾರಾಗಿ ನಿಂತು, ಮನೆಯವರನ್ನು ಎಚ್ಚರಿಸುವಂತೆ ಮುಂಬಾಗಿಲನ್ನು ಬಡಿದು, ಯಾರೂ ನೋಡುವುದಕ್ಕಿಂತ ಮೊದಲೇ ಓಡಿಹೋದ.

ಗಂಟೆಗಳ ನಂತರ ಮನೆಗೆ ಬಂದ ಮಗ ಕೂಗಾಡಿದ. "ಅಪ್ಪಾ" ಎಂದು ಸಿಟ್ಟಿನಿಂದ ಕಿರುಚಿದ. ಯಾಕೆ ನೀನು ನನ್ನನ್ನು ಮನೆಯಲ್ಲಿ ಕೂಡಿಹಾಕಿದೆ? ಒಂದೊಮ್ಮೆ ನಾನು ಸಿಕ್ಕಿಬೀಳುತ್ತೇನೆ ಎಂಬ ಭಯದಲ್ಲಿ ಇದ್ದಿದ್ದರೆ ನಾನು ಎಂದಿಗೂ ತಪ್ಪಿಸಿಕೊಳ್ಳಲಾಗುತ್ತಿರಲಿಲ್ಲ."

ನಾನು ತಪ್ಪಿಸಿಕೊಳ್ಳುವುದಕ್ಕೆ ನನ್ನ ಕೌಶಲ್ಯವನ್ನು ಅಷ್ಟೂ ಖರ್ಚು ಮಾಡಬೇಕಾಯಿತು. ವೃದ್ಧ ಕಳ್ಳ ನಕ್ಕು ಹೇಳಿದ, " ಮಗನೇ, ಕಳ್ಳತನ ಮಾಡುವ ಕಲೆಯ ಮೊದಲ ಪಾಠವನ್ನು ನೀನು ಇಂದು ಕಲಿತಿದ್ದೀಯಾ..!"