ಅಪ್ರತಿಮ ವೀರ ಏಕಲವ್ಯನ ಸಾವಿಗೆ ಶ್ರೀಕೃಷ್ಣ ಕಾರಣನೇ?

ಕೃಷ್ಣನಿಗೂ ಏಕಲವ್ಯನಿಗೂ ಏನು ಸಂಬಂಧ?

ಏಕಲವ್ಯ ಕೃಷ್ಣನ ಸೋದರ ಸಂಬಂಧಿಯಾಗಿದ್ದ. ಏಕಲವ್ಯನ ತಂದೆ, ದೇವಶ್ರವ ವಾಸುದೇವನ ಸಹೋದರನಾಗಿದ್ದ. ಕಾಡಿನಲ್ಲಿ ಈ ಇಬ್ಬರೂ ಸಹೋದರರು ಬೇರೆಬೇರೆಯಾಗಿದ್ದರು. ಕಾಡಿನಲ್ಲಿ ದೇವಶ್ರವನನ್ನು ವ್ಯತರಾಜ ಹಿರಣ್ಯಧನುಷ ನೆಂಬ ನಿಷಾಢ ಜಾತಿಯ ಕಾಡಿನ ಬೇಟೆಗಾರರ ನಾಯಕ ಕಾಪಾಡಿ ಆಶ್ರಯ ನೀಡಿದ.. ಮುಂದೆ ಓದಿ

ಕೃಷ್ಣನಿಗೂ ಏಕಲವ್ಯನಿಗೂ ಏನು ಸಂಬಂಧ?

ಬೇಟೆಗಾರರೊಂದಿಗೆ ಬೆಳೆದ ದೇವಶ್ರವ ಅವರಲ್ಲೊಬ್ಬಳನ್ನೇ ಮದುವೆಯಾಗಿ ಅವರಿಗೆ ಹುಟ್ಟಿದ ಮಗನೇ ಏಕಲವ್ಯ.

ಗುರುದಕ್ಷಿಣೆಯ ಹಿಂದೆ ಕೃಷ್ಣನ ಕೈವಾಡವಿತ್ತು

ಏಕಲವ್ಯನ ಗುರುದಕ್ಷಿಣೆಯ ಕಥೆಯ ಹಿಂದೆ ಕೃಷ್ಣನ ಕೈವಾಡವಿತ್ತು ಎಂದು ಹಲವರು ಅಭಿಪ್ರಾಯಪಡುತ್ತಾರೆ. ಬಿಲ್ಲಿಗೆ ಬಾಣ ಹೂಡಲು ಅತ್ಯಗತ್ಯವಾಗಿ ಬೇಕಾಗಿರುವ ಹೆಬ್ಬರೆಳನ್ನೇ ಗುರುದಕ್ಷಿಣೆಯಾಗಿ ಕೇಳಿ ಎಂದು ಕೃಷ್ಣ ದ್ರೋಣಾಚಾರ್ಯರಿಗೆ ಕಿವಿಯೂದಿದ್ದ. ಅರ್ಜುನನಿಗಿಂತಲೂ ಮಿಗಿಲಾದ ಬೇರೊಬ್ಬ ಬಿಲ್ಲುಗಾರ ಈ ಜಗತ್ತಿನಲ್ಲಿರಬಾರದು ಎಂಬುದೇ ಆತನ ಅಪೇಕ್ಷೆಯಾಗಿತ್ತು.

Image courtesy

ಏಕಲವ್ಯ ಮತ್ತು ಜರಾಸಂಧ

ಏಕಲವ್ಯನ ಆಶ್ರಯದಾತ ಹಿರಣ್ಯಧನುಷ ಜರಾಸಂಧನ ಅನುಯಾಯಿಯಾಗಿದ್ದ. ಅಂತೆಯೇ ಏಕಲವ್ಯನೂ ಜರಾಸಂಧನನ್ನು ತನ್ನ ಹಿತೈಷಿಯಾಗಿ ಕಾಣುತ್ತಿದ್ದ. ಆದರೆ ಜರಾಸಂಧ ಕೃಷ್ಣನ ಬದ್ದವೈರಿಯಾಗಿದ್ದು ಏಕಲವ್ಯನನ್ನೂ ಕೃಷ್ಣ ಸಹೋದರನಾಗಿದ್ದರೂ ವೈರಿಯಂತೆಯೇ ಕಾಣಲು ಕಾರಣವಾಯಿತು.

Image courtesy

ಏಕಲವ್ಯನ ಸಾವು ಕೃಷ್ಣನಿಂದಾಯಿತು!

ಕೃಷ್ಣ ರುಕ್ಮಿಣಿಯೊಂದಿಗೆ ಓಡಿಹೋಗುತ್ತಿದ್ದಾಗ ರುಕ್ಮಿಣಿಯನ್ನು ತಡೆಯಲು ಹಿಂದೆ ಬರುತ್ತಿದ್ದ ಶಿಶುಪಾಲ ಮತ್ತು ಜರಾಸಂಧರಿಗೆ ಏಕಲವ್ಯ ಸಹಾಯ ಮಾಡುತ್ತಿದ್ದ. ಶಿಶುಪಾಲ ರುಕ್ಮಿಣಿಯನ್ನು ಬಲವಂತವಾಗಿ ವಿವಾಹವಾಗುತ್ತಿದ್ದಾಗ ಕೃಷ್ಣ ಆಕೆಯನ್ನು ಅಪಹರಿಸಿ ಓಡುತ್ತಿದ್ದ. ಆದ ಹಿಂಬಾಲಿಸುತ್ತಿದ್ದ ಏಕಲವ್ಯನ ಪ್ರಹಾರಗಳಿಗೆ ರೊಚ್ಚಿಗೆದ್ದ ಕೃಷ್ಣ ಕಲ್ಲೊಂದನ್ನು ಬಲವಾಗಿ ಬೀಸಿದ. ಈ ಏಟಿಗೆ ತತ್ತರಿಸಿದ ಏಕಲವ್ಯ ಅಲ್ಲಿಯೇ ಮಡಿದ.

Image courtesy

ಏಕಲವ್ಯನ ಸಾವಿಗೆ ಕಾರಣವೇನು

ದ್ರೋಣಪರ್ವದ ಪ್ರಕಾರ ಜರಾಸಂಧ, ಶಿಶುಪಾಲ ಮತ್ತು ಏಕಲವ್ಯರಂತಹ ಯಾದವರನ್ನು ದ್ವಾರಕೆಯಿಂದ ನಿರ್ಮೂಲನೆ ಮಾಡಬೇಕೆಂದು ಕೃಷ್ಣನ ಅಭಿಲಾಷೆಯಾಗಿತ್ತು. ಏಕೆಂದರೆ ಬಳಿಕ ಇವರು ಮುಂದಿನ ಮಹಾಭಾರತದ ಯುದ್ಧದಲ್ಲಿ ಕೌರವರ ಜೊತೆಗೂಡಿದರೆ ಧರ್ಮದ ಸ್ಥಾಪನೆಗೆ ಅಡ್ಡಿಯಾಗುತ್ತದೆ ಎಂದು ಭಾವಿಸಿದ್ದ.

Image courtesy

ಏಕಲವ್ಯನೆಂಬ ಅಪ್ರತಿಮ ಬಿಲ್ಲುಗಾರ

ಹಲವು ಗ್ರಂಥಗಳ ಪ್ರಕಾರ ಏಕಲವ್ಯ ತನ್ನ ಹೆಬ್ಬರಳನ್ನು ಕಳೆದುಕೊಂಡ ಬಳಿಕವೂ ಜಗತ್ತಿನ ಶ್ರೇಷ್ಠ ಬಿಲ್ಲುಗಾರರಲ್ಲೊಬ್ಬನಾಗಿದ್ದ. ಏಕೆಂದರೆ ಬಲಗೈ ಹೆಬ್ಬೆರಳನ್ನು ಕಳೆದುಕೊಂಡಿದ್ದರೂ ಎಡಗೈ ಹೆಬ್ಬೆರಳಿನಿಂದ ಆತ ಲೀಲಾಜಾಲವಾಗಿ ಬಿಲ್ಲು ಹೂಡಲು ಸಾಧ್ಯವಿತ್ತು. ಏಕೆಂದರೆ ಬಿಲ್ವಿದ್ಯೆ ಕಲಿಯುವಾಗ ಆತ ಎರಡೂ ಕೈಗಳಿಂದ ಬಿಲ್ಲು ಹೂಡುವುದನ್ನು ಕಲಿತುಕೊಂಡಿದ್ದ.

Image Courtesy

ದೃಷ್ಟದ್ಯುಮ್ನನಾಗಿ ಏಕಲವ್ಯನ ಮರುಜನ್ಮ

ಇನ್ನೊಂದು ದಂತಕಥೆಯ ಪ್ರಕಾರ ಏಕಲವ್ಯನನ್ನು ಕೊಲ್ಲುವಾಗ ಕೃಷ್ಣ ಆತನಿಗೆ ಮುಂದಿನ ಜನ್ಮದಲ್ಲಿ ದೃಷ್ಟದ್ಯುಮ್ನ ಜನ್ಮತಳೆದು ದ್ರೋಣಾಚಾರ್ಯರನ್ನು ಕೊಂದು ತನ್ನ ಹಿಂದಿನ ಜನ್ಮದ ಲೆಕ್ಕಾಚಾರವನ್ನು ಪೂರ್ಣಗೊಳಿಸಲು ವರ ನೀಡಿದ್ದ. ಅಂತೆಯೇ ಮುಂದಿನ ಜನ್ಮದಲ್ಲಿ ದೃಷ್ಟದ್ಯುಮ್ನನಾಗಿ ಹುಟ್ಟಿದ ಏಕಲವ್ಯ ಯುದ್ಧದಲ್ಲಿ ದ್ರೋಣಾಚಾರ್ಯರನ್ನು ಕೊಂದು ವರವನ್ನು ಸದುಪಯೋಗಿಸಿಕೊಂಡ.

Image courtesy