ನವರಾತ್ರಿ ವಿಶೇಷ: ಒಂಬತ್ತು ವಿಶಿಷ್ಟ ದಿನಗಳ ಮಹತ್ವ

ನವರಾತ್ರಿ ದಿನ 1

ಅಕ್ಟೋಬರ್ 1 ರಂದು ಶನಿವಾರ ನವರಾತ್ರಿಯ ಪ್ರಥಮ ದಿನ ಆರಂಭವಾಗುತ್ತದೆ. ಈ ದಿನ ಬೂದಿ ಬಣ್ಣಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ನೀಡಲಾಗುತ್ತದೆ. ಶೈಲಪುತ್ರಿ ದೇವಿಯನ್ನು ಈ ದಿನದಂದು ಪೂಜಿಸಲಾಗುತ್ತದೆ.

ನವರಾತ್ರಿ ದಿನ 2

ಅಕ್ಟೋಬರ್ 2 ರಂದು ಆದಿತ್ಯವಾರ, ನವರಾತ್ರಿ ದಿನದ ಬಣ್ಣ ಕಿತ್ತಳೆಯಾಗಿದೆ. ಕಿತ್ತಳೆ ಬಣ್ಣದ ದಿರಿಸನ್ನು ನೀವು ಈ ದಿನ ತೊಟ್ಟುಕೊಳ್ಳಬಹುದಾಗಿದೆ. ಬ್ರಹ್ಮಚಾರಿಣಿಯನ್ನು ಈ ದಿನ ಪೂಜಿಸಲಾಗುತ್ತದೆ.

ನವರಾತ್ರಿ ದಿನ 3

ಅಕ್ಟೋಬರ್ 3 ರಂದು ಸೋಮವಾರ ಮೂರನೇ ದಿನ ಬರುತ್ತದೆ. ಈ ದಿನ ಬಿಳಿ ಬಣ್ಣಕ್ಕೆ ಆದ್ಯತೆಯನ್ನು ನೀಡಲಾಗುತ್ತದೆ. ಚಂದ್ರಘಂಟಾ ರೂಪದಲ್ಲಿ ಈ ದಿನ ದೇವಿಯನ್ನು ಪೂಜಿಸುತ್ತಾರೆ. ಬಿಳಿ ಬಣ್ಣದ ದಿರಿಸನ್ನು ಈ ದಿನ ಭಕ್ತರು ಧರಿಸುತ್ತಾರೆ.

ನವರಾತ್ರಿ ದಿನ 4

ಅಕ್ಟೋಬರ್ 4 ರಂದು ಮಂಗಳವಾರ ಕೆಂಪು ಬಣ್ಣದ ದಿರಿಸನ್ನು ವಸ್ತ್ರಾಭರಣಗಳನ್ನು ನೀವು ತೊಟ್ಟುಕೊಳ್ಳಬಹುದಾಗಿದೆ. ದುರ್ಗಾ ಮಾತೆ, ಕೂಷ್ಮಾಂಡಾ ರೂಪದಲ್ಲಿ ದೇವಿಯನ್ನು ಈ ದಿನ ಪೂಜಿಸುತ್ತಾರೆ.

ನವರಾತ್ರಿ ದಿನ 5

ಈ ದಿನ ನೀಲಿ ಬಣ್ಣಕ್ಕೆ ಆದ್ಯತೆಯನ್ನು ನೀಡಲಾಗುತ್ತದೆ. ಸ್ಕಂದ ಮಾತಾ ರೂಪದಲ್ಲಿ ದೇವಿಗೆ ಈ ದಿನ ಪೂಜೆಯನ್ನು ನಡೆಸಲಾಗುತ್ತದೆ. ಅಕ್ಟೋಬರ್ 5 ರ ಬುಧವಾರ ನೀಲಿ ಬಣ್ಣದ ವಸ್ತ್ರವನ್ನು ಧರಿಸಿ ದೇವಿಯ ಪೂಜೆಯನ್ನು ನೀವು ಮಾಡಬಹುದು.

ನವರಾತ್ರಿ ದಿನ 6

ಅಕ್ಟೋಬರ್ 6 ರ ಗುರುವಾರ ಹಳದಿ ಬಣ್ಣಕ್ಕೆ ಆದ್ಯತೆಯನ್ನು ನೀಡುತ್ತಾರೆ. ನವರಾತ್ರಿಯ ಆರನೇ ದಿನ ಇದಾಗಿದೆ. ಈ ಆರನೇ ದಿನ ಕಾತ್ಯಾಯಿನಿ ರೂಪದಲ್ಲಿ ದೇವಿಯನ್ನು ಪೂಜಿಸುತ್ತಾರೆ.

ನವರಾತ್ರಿ ದಿನ 7

ನವರಾತ್ರಿಯ ಏಳನೇ ದಿನ, ಸಪ್ತಮಿ ಎಂಬುದಾಗಿ ಈ ದಿನವನ್ನು ಕರೆಯಲಾಗಿದ್ದು, ಹಸಿರು ಬಣ್ಣದ ದಿರಿಸನ್ನು ಭಕ್ತರು ಈ ದಿನ ತೊಡುತ್ತಾರೆ. ಅಕ್ಟೋಬರ್ 7 (ಶುಕ್ರವಾರ) ದೇವಿಯನ್ನು ಕಾಳರಾತ್ರಿ ಅವತಾರದಲ್ಲಿ ಪೂಜಿಸುತ್ತಾರೆ.

ನವರಾತ್ರಿ ದಿನ 8

ಅಕ್ಟೋಬರ್ 8 (ಶನಿವಾರ) ನವಿಲು ಬಣ್ಣದ ದಿರಿಸನ್ನು ಧರಿಸಬಹುದಾಗಿದೆ. ಅಷ್ಟಮಿ ಎಂಬುದಾಗಿ ಈ ದಿನವನ್ನು ಕರೆಯುತ್ತಾರೆ. ಮಹಾ ಗೌರಿ ರೂಪದಲ್ಲಿ ಈ ದಿನ ದೇವಿಯನ್ನು ಪೂಜಿಸುತ್ತಾರೆ.

ನವರಾತ್ರಿ ದಿನ 9

ನವರಾತ್ರಿಯ ಒಂಬತ್ತನೇ ದಿನ ನೇರಳೆ ಬಣ್ಣಕ್ಕೆ ಆದ್ಯತೆಯನ್ನು ನೀಡುತ್ತಾರೆ. ಆದಿತ್ಯವಾರ ಈ ದಿನ ಬರುತ್ತಿದ್ದು, ಸಿದ್ಧಿದಾತ್ರಿ ರೂಪದಲ್ಲಿ ದೇವಿಯನ್ನು ಪೂಜಿಸುತ್ತಾರೆ.