ನವರಾತ್ರಿಯಲ್ಲಿಈ ಕಾರ್ಯಗಳನ್ನು ಮಾಡಲೇಬಾರದು

ಉಗುರು ಮತ್ತು ಕೂದಲನ್ನು ಕತ್ತರಿಸಬಾರದು

ನವರಾತ್ರಿಯಲ್ಲಿ ಉಗುರು ಮತ್ತು ಕೂದಲನ್ನು ಕತ್ತರಿಸುವುದರಿಂದ ದೇವಿಯ ಕೋಪಕ್ಕೆ ತುತ್ತಾಗುವರು ಎಂಬ ನಂಬಿಕೆ ಇದೆ. ಶೇವಿಂಗ್ ಮಾಡಬಹುದು ಆದರೆ ಕೂದಲನ್ನು ಕತ್ತರಿಸುವುದು ಒಳ್ಳೆಯದಲ್ಲ ಎಂದು ಹೇಳಲಾಗುವುದು.

ಮಾಂಸಾಹಾರ ಸೇವನೆ

ನವರಾತ್ರಿಯಲ್ಲಿ ಸಾತ್ವಿಕ ಆಹಾರ ಸೇವನೆ ಮಾಡಬೇಕು. ಮಾಂಸಾಹಾರ, ಈರುಳ್ಳಿ, ಬೆಳ್ಳುಳ್ಳಿ ಬಳಸುವುದು, ಮದ್ಯಪಾನ ಇವೆಲ್ಲಾ ನವರಾತ್ರಿ ಸಮಯದಲ್ಲಿ ವರ್ಜಿತ.

ನಿಂಬೆಹಣ್ಣನ್ನು ಕತ್ತರಿಸುವುದು

ನವರಾತ್ರಿ ಸಮಯದಲ್ಲಿ ನಿಂಬೆಹಣ್ಣು ಕತ್ತರಿಸಬಾರದು ಅಂತಾರೆ. ನಿಂಬೆರಸ ಬೇಕಿದ್ದರೆ ಹೊರಗಿನಿಂದ ಕೊಂಡು ಬಳಸಬಹುದು ಆದರೆ ಕತ್ತರಿಸಬಾರದು ಎಂಬ ನಂಬಿಕೆ ಇದೆ.

ಕರಿದ ಪದಾರ್ಥಗಳನ್ನು ಸೇವಿಸಬಾರದು

ನವರಾತ್ರಿಯ ಮುಖ್ಯ ಉದ್ದೇಶ ದೇಹದಲ್ಲಿರುವ ಕಶ್ಮಲಗಳನನ್ಉ ಹೊರಹಾಕುವುದು, ಎಣ್ಣೆಯಲ್ಲಿ ಕರಿದ ಪದಾರ್ಥಗಳನ್ನು ನವರಾತ್ರಿ ಸಮಯದಲ್ಲಿ ಬಳಸಬಾರದು.

ಹಸಿದ ಹೊಟ್ಟೆಯಲ್ಲಿ ಇರಬಾರದು

ನವರಾತ್ರಿಯಲ್ಲಿ ಉಪವಾಸ ಮಾಡಲಾಗುವುದು, ಆದರೆ ಹಸಿದ ಹೊಟ್ಟೆಯಲ್ಲಿ ಇರಬಾರದು. ಸ್ವಲ್ಪ ಹಣ್ಣು-ಹಂಪಲು ಇವುಗಳನ್ನು ತಿನ್ನಬೇಕು. ಹೊಟ್ಟೆ ಹಸಿದು ಇದ್ದರೆ ಅದು ದೇವಿಗ ಇಷ್ಟವಾಗುವುದಿಲ್ಲ ಎನ್ನಲಾಗುವುದು.

ಮಧ್ಯಾಹ್ನ ಹೊತ್ತು ಮಲಗುವುದು

ಮಧ್ಯಾಹ್ನದ ಹೊತ್ತು ಮಲಗುವುದು ಶುಭಕರವಲ್ಲ ಎಂದು ಹೇಳಲಾಗುವುದು. ಮಧ್ಯಾಹ್ನ ಮಲಗುವುದರಿಂದ ವ್ರತದಿಂದ ಗಳಿಸಿದ ಪುಣ್ಯ ಇಲ್ಲವಾಗುವುದು.

ದೀಪ ಕೆಡಬಾರದು

ನವರಾತ್ರಿ ಸಮಯದಲ್ಲಿ ರಾತ್ರಿ-ಹಗಲು ಹಚ್ಚಿದ ದೀಪ ಬೆಳಗುತ್ತಲೇ ಇರಬೇಕು. ದೀಪದಲ್ಲಿ ಎಣ್ಣೆ, ಬತ್ತಿ ಇದೆಯೇ ಆಗಾಗ ನೋಡುತ್ತಾ ದೀಪವನ್ನು ಆರದಂತೆ ನೋಡಿಕೊಳ್ಳಬೇಕು. ಹೀಗೆ ಮಾಡಿದ್ದೇ ಆದರೆ ಮನೆಗೆ ಅದೃಷ್ಟಲಕ್ಷ್ಮಿ ಒಲಿಯುವಳು.

ಜಗಳ ಆಡಬಾರದು

ನವರಾತ್ರಿಯಲ್ಲಿ ಯಾರ ಜೊತೆ ಜಗಳ ಆಡಬಾರದು, ಎಲ್ಲರನ್ನೂ ಪ್ರೀತಿ, ಗೌರವದಿಂದ ಕಾಣಬೇಕು ಎಂದು ಹೇಳಲಾಗುವುದು. ಬೇರೆಯವರ ಬಗ್ಗೆ ಕೆಟ್ಟದಾಗಿ ಹೇಳಿದರೆ ಇದರಿಂದ ನಮಗೇ ದೋಷ ಉಂಟಾಗುವುದು ಎಂದು ಹೇಳಲಾಗುವುದು.