ಮಹಾಭಾರತದಲ್ಲಿ ವರ್ಣಿಸಲಾದ ಸುರಸುಂದರಿಯರ ಕಥೆ

ದ್ರೌಪದಿ

ಪಾಂಚಾಲಿ ಎಂಬ ಹೆಸರನ್ನೂ ಪಡೆದ ದ್ರೌಪದಿ ಮಹಾಭಾರತದಲ್ಲಿ ವರ್ಣಿಸಲಾದ ಒಂಭತ್ತು ಅತಿ ಸುಂದರಿಯರಲ್ಲಿ ಒಬ್ಬಳು. ಪಾಂಚಾಲ ರಾಜ್ಯದ ರಾಜ ದ್ರುಪದನ ಮಗಳಾದ ದ್ರೌಪದಿಯ ಪಾತ್ರ ಮಹಾಭಾರತದ ಎರಡನೆಯ ಭಾಗದಲ್ಲಿ ಮಹತ್ತರವಾಗಿದೆ. ದ್ರೌಪದಿಯ ಸ್ವಯಂವರದಲ್ಲಿ ಅರ್ಜುನ ದ್ರೌಪದಿಯನ್ನು ವರಿಸಿದ್ದು ತಾಯಿಯ ಆಜ್ಞೆಯಂತೆ ಐವರು ಸಹೋದರರಿಗೂ ಆಕೆ ಪತ್ನಿಯಾಗುತ್ತಾಳೆ. ಕೌರವರು ಆಕೆಯ ವಸ್ತ್ರಾಪಹರಣ ಮಾಡುತ್ತಿದ್ದ ಸಮಯದಲ್ಲಿ ಅವಮಾನದಿಂದ ರಕ್ಷಿಸಿದ ಕೃಷ್ಣನನ್ನು ಆಕೆ ಅತಿಯಾಗಿ ಆರಾಧಿಸುತ್ತಾಳೆ. ಯಜ್ಞಕುಂಡದಿಂದ ಆವಿರ್ಭವಿಸಿದ ದ್ರೌಪದಿಯ ಜನ್ಮ ರಹಸ್ಯ

ಊರ್ವಶಿ

ಇಂದ್ರನ ಆಸ್ಥಾನದ ಅಪ್ಸರೆಯಾಗಿದ್ದ ಊರ್ವಶಿ ಮಹಾಭಾರತದಲ್ಲಿ ವಿವರಿಸಲಾದಂತೆ ಅತ್ಯಂತ ಸುಂದರ ಯುವತಿಯಾಗಿದ್ದಳು. ಆಕೆಯೂ ಅರ್ಜುನನನ್ನು ಮೋಹಿಸಿ ತನ್ನ ಸೌಂದರ್ಯದಿಂದ ಆತನ ಹೃದಯ ಗೆಲ್ಲಲು ಯತ್ನಿಸಿದ್ದಳು. ಆದರೆ ಆಕೆಯ ಆಹ್ವಾನವನ್ನು ಅರ್ಜುನ ನಿರಾಕರಿಸಿದ ಕಾರಣ ಆಕೆ ಕುಪಿತಳಾಗಿ ತನ್ನ ಪುರುಷತ್ವ ಕಳೆದುಕೊಳ್ಳಲಿ ಎಂದು ಶಾಪ ನೀಡಿದ್ದಳು. ಊರ್ವಶಿ ಪುರೂರವರ ಪ್ರೇಮ ಕಥೆ ದುರಂತ ಅಂತ್ಯವಾಗಿದ್ದು ಹೇಗೆ?

ಕುಂತಿ

ಮಹಾಭಾರತದಲ್ಲಿ ವರ್ಣಿಸಲಾದ ಒಂಭತ್ತು ಸುಂದರಿಯರಲ್ಲಿ ಕುಂತಿ ಸಹಾ ಒಬ್ಬಳು. ತಾರುಣ್ಯದಲ್ಲಿ ಸೂರ್ಯದೇವನನ್ನು ಆಟದ ಹುಮ್ಮಸ್ಸಿನಲ್ಲಿಯೇ ಮಗುವೊಂದು ಬೇಕೆಂದು ಕೇಳಿಕೊಂಡ ಪರಿಣಾಮವಾಗಿ ಕರ್ಣನ ಜನ್ಮವಾಯಿತು. ವಿವಾಹಕ್ಕೂ ಮೊದಲು ಸೂರ್ಯದೇವನ ಮೂಲಕ ಮಗುವೊಂದರ ತಾಯಿಯಾಗಿದ್ದು ಅಂದಿನ ದಿನಗಳಲ್ಲಿ ಇದನ್ನು ಸಮಾಜ ಸ್ವೀಕರಿಸುತ್ತಿರಲಿಲ್ಲ. ಆದ್ದರಿಂದ ಈ ಮಗುವನ್ನು ಬುಟ್ಟಿಯಲ್ಲಿಟ್ಟು ನದಿಯಲ್ಲಿ ತೇಲಿಸಿ ಬಿಟ್ಟಿದ್ದಳು.

ಉಲೂಪಿ

ನಾಗಲೋಕದ ರಾಜಕುಮಾರಿಯಾದ ಉಲೂಪಿ ಸಹಾ ಅತ್ಯಂತ ಸುಂದರಿಯಾಗಿದ್ದು ಅರ್ಜುನನನ್ನು ಮೋಹಿಸಿ ಆತನನ್ನು ವಿವಾಹವಾಗಲು ಇಚ್ಛಿಸಿದ್ದಳು. ಇದಕ್ಕಾಗಿ ಕೆಲವು ಮತ್ತು ಬರುವ ಪೇಯಗಳನ್ನು ಕುಡಿಸಿ ಆತನನ್ನು ಅಪಹರಿಸಿ ಬಳಿಕ ಆತನನ್ನು ವರಿಸುವ ಬಗ್ಗೆ ಪ್ರಸ್ತಾಪವೆತ್ತಿದ್ದಳು. ಅರ್ಜುನ ಉಲೂಪಿಯರ ಕುತೂಹಲ ಕೆರಳಿಸುವ ಪ್ರೇಮ ಕಥೆ

ಸುಭದ್ರೆ

ಕೃಷ್ಣ ಬಲರಾಮರ ಸಹೋದರಿಯಾಗಿದ್ದ ಸುಭದ್ರೆಯೂ ಮಹಾಭಾರತದ ಓರ್‍ವ ಸೌಂದರ್ಯವತಿಯಾಗಿದ್ದಾಳೆ. ಆಕೆಯ ಸೌಂದರ್ಯಕ್ಕೆ ಮನಸೋತ ಅರ್ಜುನ ಆಕೆಯನ್ನು ವಿವಾಹವಾಗಲು ಬಯಸುತ್ತಾನೆ. ಆದರೆ ಕೃಷ್ಣ ಅರ್ಜುನನಿಗೆ ಸುಭದ್ರೆಯನ್ನು ಅಪಹರಿಸಿ ವರಿಸಲು ಸಲಹೆ ನೀಡುತ್ತಾನೆ. ಏಕೆಂದರೆ ಸುಭದ್ರೆಯನ್ನು ಬಲರಾಮ ತನ್ನ ನೆಚ್ಚಿನ ಶಿಷ್ಯನಾದ ಕೌರವ ದುರ್ಯೋಧನನಿಗೆ ವಿವಾಹಮಾಡಿಕೊಡುವ ಇರಾದೆಯಿತ್ತು ಮತ್ತು ಈ ಇರಾದೆ ಕೃಷ್ಣನಿಗೆ ಇಷ್ಟವಿರಲಿಲ್ಲ.