ಪಿತೃ ಪಕ್ಷ ಪೂಜೆಯನ್ನು ಮನೆಯಲ್ಲಿ ಮಾಡುವಾಗ ಅನುಸರಿಸಬೇಕಾದ ವಿಧಿವಿಧಾನಗಳು

ಪಿತೃ ಪೂಜಾ ವಿಧಿ

ದಕ್ಷಿಣ ದಿಕ್ಕಿನಲ್ಲಿ ಮರದ ಸ್ಟೂಲ್ ಅನ್ನು ಇರಿಸಿ. ಬಿಳಿ ಬಟ್ಟೆಯಿಂದ ಅದನ್ನು ಮುಚ್ಚಿ. ಕಪ್ಪು ಎಳ್ಳನ್ನು ಹರಡಿ ಮತ್ತು ಅದರ ಮೇಲೆ ಬಾರ್ಲಿ ಬೀಜ ಹಾಕಿ. ನಿಮ್ಮ ಹಿರಿಯರ ಫೋಟೋವನ್ನು ಅದರ ಮೇಲಿರಿಸ. ಕುಶ ಎಲೆಯನ್ನು ಕೂಡ ಚಿತ್ರದ ಪಕ್ಕ ಇರಿಸಬಹುದು. ವಿಷ್ಣುವಿನ ಅಂಶ ಈ ಹುಲ್ಲಿನಲ್ಲಿ ಇದೆ ಎಂದು ನಂಬಲಾಗಿದೆ.

ನೀವು ಯಾರಿಗೆ ಪೂಜೆ ಮಾಡಬೇಕೋ ಅವರನ್ನು ಆಹ್ವಾನಿಸಿ. ಅವರ ಹೆಸರನ್ನು ಕರೆಯಿರಿ, ನಮ್ಮ ಸಂಪೂರ್ಣ ಕುಟುಂಬ ನಿಮ್ಮನ್ನು ನಮ್ಮ ಮನೆಗೆ ಆಹ್ವಾನಿಸುತ್ತಿದ್ದು ಈ ಪಿತೃ ಪಕ್ಷದ ಪೂಜೆಯನ್ನು ಸ್ವೀಕರಿಸಿ ಎಂದು ಹೇಳಿ. ಇದರ ನಂತರ ತಾಮ್ರ ಅಥವಾ ಹಿತ್ತಾಳೆ ಪಾತ್ರೆಯನ್ನು ತೆಗೆದುಕೊಂಡು ಅದರಲ್ಲಿ ನೀರು ತುಂಬಿಸಿ. ಅದಕ್ಕೆ ಸ್ವಲ್ಪ ಹಾಲು ಹಾಕಿ (ಹಸಿ ದನದ ಹಾಲು). ಇದಕ್ಕೆ ಎಳ್ಳಿನ ಬೀಜ ಹಾಕಿ ಮತ್ತು ಬಾರ್ಲಿ ಅಕ್ಕಿ ಸೇರಿಸಿ ಇದನ್ನು ಫೋಟೋವನ್ನು ಇರಿಸುವ ಮುನ್ನ ಇಡಿ.

ಪಿಂಡ ಸಿದ್ಧತೆ

ಅನ್ನವನ್ನು ಸಿದ್ಧ ಮಾಡಿ ಇದಕ್ಕೆ ಹಾಲು, ಜೇನು ಮತ್ತು ಗಂಗಾಜಲವನ್ನು ಸೇರಿಸಿ. ಈಗ ಅನ್ನದ ಉಂಡೆಯನ್ನು ಸಿದ್ಧ ಮಾಡಿ ಮತ್ತು ಪೋಟೋದ ಮುಂದೆ ಎಲೆಯ ಮೇಲಿರಿಸಿ. ಈ ಅನ್ನದ ಉಂಡೆಯನ್ನು ಪಿಂಡ ಎಂದು ಕರೆಯುತ್ತಾರೆ ಇದನ್ನು ಪಿಂಡ ದಾನದಲ್ಲಿ ಬಳಸಲಾಗುತ್ತದೆ. ಪೂರ್ಣವಾಗಿ ನಿಯಮಗಳು ಕೊನೆಗೊಂಡ ನಂತರ ಹತ್ತಿರದ ನದಿಯಲ್ಲಿ ಅದನ್ನು ಮಿಶ್ರ ಮಾಡಬೇಕು.

ಇನ್ನೊಂದು ಪದ್ಧತಿಯನ್ನು ನೀವು ನಿರ್ವಹಿಸಬಹುದು

ಈ ಪದ್ಧತಿಯನ್ನು ಅನುಸರಿಸಲು ನಿಮಗೆ ಸಾಧ್ಯವಿಲ್ಲ ಎಂದಾದಲ್ಲಿ, ಕೆಳಗೆ ತಿಳಿಸಿದ ಇನ್ನೊಂದು ವಿಧಾನವನ್ನು ನೀವು ಅನುಸರಿಸಬಹುದು. ರೋಟಿ ಮಾಡಿ ಅದರ ಮೇಲೆ ಬೆಲ್ಲ ಮತ್ತು ತುಪ್ಪವನ್ನು ಹಾಕಿ. ಹಿರಿಯರ ಫೋಟೋದ ಮುಂದೆ ಇದನ್ನು ಇರಿಸಿ. ಪ್ರತೀ ದಿನ ಹೀಗೆ ಮಾಡಿ ರೋಟಿಯನ್ನು ದನಕ್ಕೆ ನೀಡಿ.

ಪೂಜೆ ಮತ್ತು ಅರ್ಪಣೆಯನ್ನು ಮಾಡುವ ಮುನ್ನ ನೀವು ಅರ್ಚಕರನ್ನು ಆಹ್ವಾನಿಸಬೇಕು ಮತ್ತು ಅವರಿಗೆ ಆಹಾರವನ್ನು ನೀಡಬೇಕು. ಅವರಿಗೆ ಆಹಾರವನ್ನು ನೀಡಿದ ನಂತರ ಅರ್ಚಕರಿಗೆ ಉಡುಪನ್ನು ನೀಡಬೇಕು.

ಬೆಲ್ಲ ಮತ್ತು ತುಪ್ಪವನ್ನು ನೀಡುವುದು

ಅರ್ಚಕರಿಗೆ ಆಹಾರವನ್ನು ಉಣಬಡಿಸಿದ ನಂತರ, ಸೆಗಣಿಯನ್ನು ಉರಿಸಿ ಮತ್ತು ಇದು ಸಂಪೂರ್ಣ ಉರಿದ ನಂತರ ಇದಕ್ಕೆ ತುಪ್ಪವನ್ನು ಹಾಕಿ ಮತ್ತು ಸಣ್ಣ ತುಂಡು ಬೆಲ್ಲ ಇರಿಸಿ. ಪೂರ್ವಿಕರಿಗೆ ಇದು ಅರ್ಪಣೆಯನ್ನು ನೀಡುವ ಇನ್ನೊಂದು ವಿಧಾನವಾಗಿದೆ. ಬೆಲ್ಲವು ಸಂಪೂರ್ಣ ಉರಿದ ನಂತರ, ಅದನ್ನು ಪೂರ್ವಿಕರು ಸೇವಿಸುತ್ತಾರೆ ಎಂದು ಹೇಳಲಾಗಿದೆ.