ಕೊನೆಗೂ ರಾಧೆಯ ಕೊನೆಯ ಇಚ್ಛೆಯನ್ನು ಕೃಷ್ಣ ಈಡೇರಿಸಿದ್ದು ಹೇಗೆ?

ಮೂವರು ದೇವರು ಮತ್ತು ಬಿರುಗಾಳಿ

ರಾಧೆಯು ಕೃಷ್ಣನನ್ನು ಮದುವೆಯಾಗಬೇಕೆಂದು ಕನಸು ಕಂಡಿದ್ದಳು ಮತ್ತು ಬ್ರಹ್ಮ ದೇವರು ಕೂಡ ಆಕೆಯ ಕನಸನ್ನು ನನಸು ಮಾಡಲು ಬಯಸಿದ್ದರು. ಪುರಾಣಗಳು ಹೇಳುವಂತೆ ಒಂದು ಸಲ ಬಾಲ ಕೃಷ್ಣನು ತನ್ನ ತಂದೆ ನಂದ ಅವರ ಜತೆಗೆ ಹೋಗುತ್ತಲಿದ್ದಾಗ ದೊಡ್ಡದಾದ ಬಿರುಗಾಳಿಯೊಂದು ದಾರಿಯಲ್ಲಿ ಎದುರಾಯಿತು. ಇದರ ಪರಿಣಾಮ ನಂದನಿಗೆ ಏನು ಕಾಣಲಿಲ್ಲ. ತನ್ನ ಬೆರಳನ್ನು ಹಿಡಿದುಕೊಂಡಿದ್ದ ಬಾಲ ಕೃಷ್ಣನು ಇದನ್ನು ಬಿಟ್ಟಿದ್ದಾನೆ ಎಂದು ನಂದ ಭಾವಿಸಿದ. ಇದು ನಡೆದಾಗ ಬ್ರಹ್ಮ ದೇವರು ಬಂದು ಬಿರುಗಾಳಿ ಮಧ್ಯೆ ರಾಧೆಯನ್ನು ಕೃಷ್ಣನಿಗೆ ಕೊಟ್ಟು ಮದುವೆ ಮಾಡಿದರು. ಅದಾಗ್ಯೂ, ಯಾರಿಗೂ ಕೂಡ ಇದರ ಬಗ್ಗೆ ಮಾತ್ರ ತಿಳಿಯಲೇ ಇಲ್ಲ.

ದ್ವಾರಕದಲ್ಲಿ ರಾಧೆಯನ್ನು ಕೃಷ್ಣ ಭೇಟಿಯಾದ

ಕೃಷ್ಣನು ಬೆಳೆದು ದೊಡ್ಡವನಾದ ಬಳಿಕ ಆತ ಗೋಕುಲವನ್ನು ಬಿಟ್ಟು ಮಥುರಾಗೆ ತೆರಳಿದ ಮತ್ತು ಇದರಿಂದಾಗಿ ರಾಧೆ ಹಾಗೂ ಕೃಷ್ಣ ದೂರವಾದರು. ಕೃಷ್ಣನು ದ್ವಾರಕೆಯಲ್ಲಿ ತನ್ನದೇ ಆಗಿರುವಂತಹ ರಾಜ್ಯ ನಿರ್ಮಾಣ ಮಾಡಿದ ಬಳಿಕ ರಾಧೆಯು ಅಲ್ಲಿಗೆ ತೆರಳಿ ಆತನನ್ನು ಭೇಟಿಯಾದಳು ಎಂದು ಪುರಾಣಗಳು ಹೇಳುತ್ತವೆ.

ಆಕೆಯನ್ನು ನೋಡಿದ ಕೃಷ್ಣನು ತುಂಬಾ ಸಂತೋಷಪಡುವನು. ತನ್ನನ್ನು ನಿನ್ನ ಭಕ್ತೆಯಾಗಿ ಸ್ವೀಕಾರ ಮಾಡಿಕೊಂಡು ಅರಮನೆಯಲ್ಲಿ ಏನಾದರೂ ಕಾರ್ಯವನ್ನು ನೀಡುವಂತೆ ರಾಧೆಯು ಕೃಷ್ಣನಲ್ಲಿ ಕೇಳಿಕೊಳ್ಳುವಳು. ರಾಧೆ ತನ್ನ ಗುರುತನ್ನು ಯಾರಿಗೂ ಬಿಟ್ಟುಕೊಡುವುದಿಲ್ಲ. ಇದಕ್ಕೆ ಕೃಷ್ಣನು ಕೂಡ ಒಪ್ಪಿಕೊಳ್ಳುವನು.

ಕೃಷ್ಣನ ಅರಮನೆಯಲ್ಲಿ ರಾಧೆ

ಕೃಷ್ಣನ ಒಂದು ನೋಟದಿಂದಲೇ ರಾಧೆಯು ಸಂತೋಷವಾಗಿರುತ್ತಿದ್ದಳು ಎಂದು ಹೇಳಲಾಗುತ್ತದೆ. ಸಮಯ ಕಳೆದಂತೆ ರಾಧೆಗೆ ತನ್ನ ಆತ್ಮೀಯನಿಂದ ದೂರವಾಗುವ ಭೀತಿ ಮಾತ್ರ ಯಾವತ್ತೂ ರಾಧೆಯಲ್ಲಿ ಇರುತ್ತದೆ. ರಾಧೆಯು ಈ ಭೀತಿಯನ್ನು ಮೀರಿ ಜೀವಿಸಲು ಸಾಧ್ಯವಾಗದೆ ಇರುವಂತಹ ಸಮಯದಲ್ಲಿ ಆಕೆ ಅರಮನೆಯನ್ನು ಶಾಶ್ವತವಾಗಿ ಬಿಟ್ಟು ತೆರಳುವಳು.

ರಾಧೆಯ ಆಶಯ

ರಾಧೆಯ ಹೃದಯಲ್ಲಿ ಅಸುರಕ್ಷತೆಯ ಭಾವನೆಯನ್ನು ಅರ್ಥ ಮಾಡಿಕೊಂಡಿದ್ದ ಕೃಷ್ಣನು ಆಕೆಯನ್ನು ಹಿಂಬಾಲಿಸಿಕೊಂಡು ಹೋಗುವನು. ಕೃಷ್ಣ ಆಕೆಯನ್ನು ತಡೆದು, ನೀವು ಯಾಕೆ ಅರಮನೆಯನ್ನು ಬಿಟ್ಟೆ ಎಂದು ಕಾರಣ ಕೇಳುತ್ತಾನೆ. ಅರಮನೆ ಬಿಟ್ಟು ತೆರಳದಂತೆ ಆತ ಮನವಿ ಮಾಡುತ್ತಾನೆ ಮತ್ತು ಆಕೆಯ ಯಾವುದೇ ಬಯಕೆಯನ್ನು ಈಡೇರಿಸುವುದಾಗಿ ಹೇಳುವನು. ಈ ವೇಳೆ ರಾಧೆಯು ತನಗಾಗಿ ಕೊಳಲನ್ನು ನುಡಿಸಬೇಕೆಂದು ಹೇಳುವಳು. ಕೃಷ್ಣನು ಕೊಳಲನ್ನು ನುಡಿಸಿದ ವೇಳೆ ಅದರಿಂದ ಪ್ರೀತಿಯು ಹೊರಬರುವುದು ಮತ್ತು ರಾಧೆಯು ಮಾನವ ಜೀವನದ ಕೊನೆಯ ಉಸಿರನ್ನೆಳೆಯುವಳು. ಈ ವೇಳೆ ಅಸಾಯಕನಾದ ಕೃಷ್ಣನು ತನ್ನ ಕೊಳಲನ್ನು ದೂರಕ್ಕೆ ಎಸೆಯುವನು. ಆಗ ಅದು ಚೂರುಚೂರಾಗಿ ಹೋಗುವುದು.