ಏನಿದು ಆಶ್ಚರ್ಯ; ಶ್ರೀರಾಮಚಂದ್ರನಿಗೂ ಸೋದರಿ ಇದ್ದರಂತೆ?

ಶಾಂತಾಳ ಕಥೆ

ದಶರಥ ಮಹಾರಾಜ ಮತ್ತು ಆತನ ಪತ್ನಿ ಕೌಸಲ್ಯಳಿಗೆ ಶಾಂತಾ ಎಂಬ ಒಬ್ಬ ಮಗಳಿದ್ದಳು. ಜನಿಸಿದ ತಕ್ಷಣ ಈ ಮಗುವನ್ನು ದಶರಥ ಮಹಾರಾಜನು ಆ ಮಗುವನ್ನು ಕೌಸಲ್ಯಳ ಸಹೋದರಿಗೆ ಒಪ್ಪಿಸಿದನಂತೆ. ಎಲ್ಲರಿಗು ತಿಳಿದಿರುವಂತೆ ಕೌಸಲ್ಯಳ ಸಹೋದರಿ ವರ್ಷಿಣಿಯು ರೋಮಪಾದ ಎಂದೆ ಖ್ಯಾತನಾಗಿದ್ದ ಅಂಗ ಮಹಾರಾಜನ ಮಡದಿಯಾಗಿದ್ದಳು. ಈಕೆಗೆ ಮಕ್ಕಳಿರಲಿಲ್ಲವಾದ್ದರಿಂದ ಈ ಮಗುವನ್ನು ಅವರಿಗೆ ದಶರಥ ಮಹಾರಾಜನು ನೀಡಿದನು.

ಶಾಂತಾಳ ಕಥೆ

ಒಂದು ದಿನ ವರ್ಷಿಣಿಯು ತಮಾಷೆಗೆ ದಶರಥ ಮಹಾರಾಜನಿಗೆ ನಿನ್ನ ಮಗಳನ್ನು ನಾನು ದತ್ತು ತೆಗೆದುಕೊಳ್ಳುತ್ತೇನೆ ಎಂದು ಹೇಳಿದಳು. ವರ್ಷಿಣಿಗೆ ಮಕ್ಕಳಿರಲಿಲ್ಲ, ಮತ್ತು ಶಾಂತಾಳನ್ನು ಆಕೆಯ ಸಾಕು ಮಗಳಾಗಿ ಸ್ವೀಕರಿಸುವುದರಿಂದ, ಶಾಂತಾಳು ಅವರ ಪಟ್ಟಕ್ಕೆ ಉತ್ತರಾಧಿಕಾರಿಯಾಗುವುದಿಲ್ಲ ಎಂದು ತಿಳಿದ ದಶರಥನು ವರ್ಷಿಣಿ ಮತ್ತು ರೋಮಪಾದರಿಗೆ ತನ್ನ ಮಗಳನ್ನು ದತ್ತು ನೀಡಿದನು.

ಶಾಂತಾಳ ಕಥೆ

ಆದರೂ ಶಾಂತಾಳು ಅಂಗ ರಾಜ್ಯದ ಯುವರಾಣಿಯಾದಳು. ಕೆಲವು ಮೂಲಗಳ ಪ್ರಕಾರ ಯುವರಾಣಿ ಶಾಂತಾಳು ಅತ್ಯಂತ ಸುಂದರವಾಗಿದ್ದಳು ಮತ್ತು ಯುವರಾಜರಿಗೆ ನೀಡುವ ಎಲ್ಲಾ ಬಗೆಯ ಶಿಕ್ಷಣಗಳನ್ನು ಪಡೆದಿದ್ದಳಂತೆ. ಮುಂದೆ ಶಾಂತಾಳು ಮಹಾಮುನಿಗಳಾದ ಋಷ್ಯಶೃಂಗರ ಕೈ ಹಿಡಿದಳು. ಋಷ್ಯಶೃಂಗರು ದಶರಥ ಮಹಾರಾಜನಿಗೆ ಪುತ್ರಕಾಮೇಷ್ಟಿ ಯಾಗವನ್ನು ಮಾಡಲು ಸಲಹೆ ನೀಡಿದ್ದರು.

ಶಾಂತಾಳ ಕಥೆ

ಶಾಂತಾಳ ಕುರಿತಾದ ಮತ್ತೊಂದು ಕುತೂಹಲಕಾರಿ ಇದೆ. ಅದೇನೆಂದರೆ ದಶರಥ ಮಹಾರಾಜನ ಸಾಮ್ರಾಜ್ಯವು ಒಮ್ಮೆ ಭಯಾನಕವಾದ ಕ್ಷಾಮಕ್ಕೆ ತುತ್ತಾಯಿತು. ಆಗ ದಶರಥ ಮಹಾರಾಜನು ತನ್ನ ಮಂತ್ರಿ ಸುಮಂತನಿಗೆ ಶಾಂತಾಳನ್ನು ಸಾಮ್ರಾಜ್ಯಕ್ಕೆ ಕರೆದುಕೊಂಡು ಬರುವಂತೆ ತಿಳಿಸಿದನು. ಆಗ ಶಾಂತಾಳು ಸಾಮ್ರಾಜ್ಯಕ್ಕೆ ಬಂದಳಂತೆ, ಆಕೆ ಎಲ್ಲೆಲ್ಲಿ ಅಡಿಯಿರಿಸಿದ ಕಡೆಯೆಲ್ಲ ಹಸಿರು ನಳ ನಳಿಸಲು ಆರಂಭಿಸಿ, ಕ್ಷಾಮವು ಹೊರಟು ಹೋಯಿತಂತೆ.

ಶಾಂತಾಳ ಕಥೆ

ಪುರಾಣಗಳಲ್ಲಿ ಕೆಲವೊಂದು ಗೊತ್ತೇ ಇಲ್ಲದ ರಹಸ್ಯಗಳು ಇರುತ್ತವೆ. ಶಾಂತಾಳು ಸಹ ಇಂತಹ ಒಂದು ರಹಸ್ಯ. ಈಕೆಯ ಬಗ್ಗೆ ರಾಮಾಯಣದ ಹಲವಾರು ಆವೃತ್ತಿಗಳಲ್ಲಿ ಉಲ್ಲೇಖವೇ ಇಲ್ಲ. ಹಾಗೆಂದು ಈಕೆಯ ಅಸ್ತಿತ್ವವನ್ನು ಎಲ್ಲಿಯೂ ತಳ್ಳಿ ಹಾಕಲಾಗಿಲ್ಲ. ಇದರಿಂದ ನಮಗೆ ಗೊತ್ತಾಗುತ್ತದೆ, ಶ್ರೀ ರಾಮಚಂದ್ರನಿಗು ಸಹ ಒಬ್ಬ ಅಕ್ಕ ಇದ್ದಳು.