ಝೆನ್ ಕಥೆ:ನೀನೇನು ಮೀನು ಅಲ್ವಲ್ಲ?

Short Story

oi-Reena

By Hema S

Updated: Wednesday, August 1, 2012, 10:56 [IST]

ಒಂದು ದಿನ ಝೆನ್ ಗುರು ಶಿಷ್ಯ ಚುಂಗ್ ಟಿಝು ಮತ್ತು ಅವನ ಸ್ನೇಹಿತ ನದಿ ತೀರಕ್ಕೆ ಹೋದರು. ನಂತರ ನದಿ ಬದಿಯಲ್ಲಿ ಕುಳಿತು ಮಾತನಾಡುತ್ತಿರುವಾಗ ಮೀನುಗಳ ಗುಂಪು ನೀರಿನಲ್ಲಿ ಈಜಾಡುತ್ತಿರುವುದು ಕಾಣಿಸಿತು.

ಈಜಾಡುತ್ತಿರುವ ಮೀನುಗಳನ್ನು ನೋಡಿ ಚುಂಗ್ ಮನಸ್ಸಿಗೆ ಅತೀವ ಸಂತೋಷವಾಯಿತು. ಅವನು ತುಂಬಾ ಸಂತೋಷದಿಂದ ತನ್ನ ಸ್ನೇಹಿತನ ಹತ್ತಿರ "ನೋಡಲ್ಲಿ ಮೀನುಗಳು ಎಷ್ಟೊಂದು ಸಂತೋಷದಿಂದ ಈಜಾಡುತ್ತಿವೆ, ಅವುಗಳ ಸಂತೋಷ ನೋಡಲು ತುಂಬಾ ಖುಷಿಯಾಗುತ್ತಿದೆ" ಎಂದು ಹೇಳಿದನು.

ಅವನ ಸ್ನೇಹಿತ ಕೂಡ ಆ ಮೀನುಗಳನ್ನು ನೋಡುತ್ತಾನೆ. ಅವನಿಗೆ ಅದರಲ್ಲಿ ವಿಶೇಷವೇನು ಕಾಣಲಿಲ್ಲ, ಆದ್ದರಿಂದ ಆ ಸ್ನೇಹಿತ ತಕ್ಷಣವೇ ಈ ರೀತಿ ಉತ್ತರಿಸಿದ "ಮೀನುಗಳು ತುಂಬಾ ಖುಷಿಯಲ್ಲಿವೆ ಎಂದು ಅದ್ಹೇಗೆ ಹೇಳುತ್ತೀಯಾ, ನೀನೇನು ಮೀನು ಅಲ್ವಲ್ಲ? " ಅದಕ್ಕೆ ಚುಂಗ್ ಈ ರೀತಿ ಪ್ರತಿಕ್ರಿಯಿಸುತ್ತಾನೆ " ನೀನು ನಾನು ಅಲ್ವಲ್ಲ, ಆದ್ದರಿಂದ ಆ ಮೀನುಗಳು ಸಂತೋಷದಿಂದ ಇವೆ ಎಂದು ನಿನಗೆ ಹೇಗೆ ತಾನೆ ಗೊತ್ತಾಗಲು ಸಾಧ್ಯ?".