ಶ್ರಾವಣ ಶಿವ ಪೂಜೆ: ರುದ್ರಾಭಿಷೇಕಕ್ಕೆ ಬೇಕಾಗುವ ಸಾಮಗ್ರಿ, ಪೂಜಾ ವಿಧಾನ ಹಾಗೂ ಮಂತ್ರಗಳು

ರುದ್ರಾಭಿಷೇಕಕ್ಕೆ ಬೇಕಾಗುವ ಸಾಮಗ್ರಿಗಳು

* ಮಣೆ

* ಮಣೆ ಮೇಲೆ ಹಾಸಲು ಬಿಳಿಯ ಮಡಿ ವಸ್ತ್ರ

* ಪಂಚ ಧಾತು ಅಥವಾ ಅಷ್ಟಧಾತುವುನಿಂದ ಮಾಡಿದ ಶಿವಲಿಂಗ

* ಕರವೀರ ಹೂಗಳು (ಹಳದಿ ಅಥವಾ ನಸು ಕೆಂಪು ಹೂಗಳು)

* ಬಿಳಿ ಹೂಗಳು

* ಗುಲಾಬಿಗಳು

* ಬಿಲ್ವೆ ಪತ್ಎ

* ವೀಳ್ಯೆದೆಲೆ

* ಅಡಿಕೆ, ಲವಂಗ, ಏಲಕ್ಕಿ

* ಧೂಪ/ಅಗರಬತ್ತಿ

* ಎಣ್ಣೆ ಅಥವಾ ತುಪ್ಪ

* ಎಣ್ಣೆ ಬತ್ತು

* ದೀಪ

* ಕರ್ಪೂರ

* ಬಸ್ಮ

* ಶ್ರೀಗಂಧ

ಜನಿವಾರ

ಅಕ್ಷತೆ

ನೈವೇದ್ಯಕ್ಕೆ ಹಣ್ಣುಗಳು ಅಥವಾ ಡ್ರೈ ಫ್ರೂಟ್ಸ್

ಹಾಲು

ಪಂಚಾಮೃತ

ಗಂಗಾಜಲ

ಜಲಾಧರ ಪಾತ್ರೆ

ತೆಂಗಿನಕಾಯಿ

ತೀರ್ಥದ ಬಟ್ಟಲು

ಶಿವ ಲಿಂಗ ಇಡಲು ತಾಮ್ರ ಅಥವಾ ಕಂಚಿನ ತಟ್ಟೆ,

ಘಂಟೆ

ರುದ್ರಾಭಿಷೇಕ ಪೂಜಾ ವಿಧಿಗಳೇನು?

* ಬೆಳಗ್ಗೆ ಎದ್ದು ಸ್ನಾನ ಮಾಡಿ ಮಡಿ ವಸ್ತ್ರ ಧರಿಸಿ ಪೂಜಾ ಕಾರ್ಯ ಪ್ರಾರಂಭಿಸಬೇಕು.

* ಮರದ ಮಣೆ ಇಟ್ಟು ಅದರ ಮೇಲೆ ಬಿಳಿ ಬಟ್ಟೆ ಅಥವಾ ಟವಲ್ ಹಾಕಿ ಅದರ ಮೇಲೆ ಬೆಳ್ಳಿ/ಕಂಚು/ ತಾಮ್ರದ ತಟ್ಟೆ ಇಡಬೇಕು. ನಂತರ ಆ ತಟ್ಟೆಯ ಮೇಲೆ ಶಿವಲಿಂಗವನ್ನು ಇಡಿ.

* ಶಿವಲಿಂಗವನ್ನು ಉತ್ತರಾಭಿಮುಖವಾಗಿ ಇಡಬೇಕು.

* ಈಗ ಎಣ್ಣೆ ಅಥವಾ ತುಪ್ಪದ ದೀಪವನ್ನು ಹಚ್ಚಿ.

* ಪೂಜಾ ಸಾಮಗ್ರಗಳೆನ್ನೆಲ್ಲಾ ಒಮದು ತಟ್ಟೆಯಲ್ಲಿ ಇಟ್ಟು ಪೂರ್ವಕ್ಕೆ ಮುಖ ಮಾಡುವಂತೆ ಕುಳಿತುಕೊಳ್ಳಬೇಕು.

* ಪೂಜೆ ಮಾಡುವಾಗ ಪುರುಷರು ಹಾಗೂ ಮಹಿಳೆಯರು ಸಾಂಪ್ರದಾಯಿಕವಾದ ಬಟ್ಟೆಗಳನ್ನು ಧರಿಸಿರಬೇಕು.

* ಆಚಮನ್ಯ ಮಾಡುತ್ತಾ(ಚೊಂಬಿನಿಂದ ಸ್ವಲ್ಪ ನೀರನ್ನು ಬಲಗೈಗಯ ಅಂಗೈಗೆ ಸುರಿದು ಸೇವಿಸುವುದು) ಓಂ ನಮ ಶಿವಾಯ, ಓಂ ಕೇಶವಾಯ ನಮಃ, ಓಂ ನಾರಾಣಾಯ ನಮಃ, ಓಂ ಮಾಧವಯ್ಯ ನಮಃ, ಓಂ ಹೃಷಿಕೇಷಾಯ ನಮಃ ಎಂದು ಶಿವನ ನಾಮ ಪಠಿಸಬೇಕು.

* ಶಿವನಿಗೆ ಪೂಜೆ ಮಾಡುವ ಮುನ್ನ ಗಣೇಶನಿಗೆ ಪೂಜೆ ಸಲ್ಲಿಸಬೇಕು. ನಂತರ ನಿಮ್ಮ ಕುಲ ದೇವರಿಗೆ ಪೂಜೆ ಸಲ್ಲಿಸಬೇಕು.

* ಸ್ವಲ್ಪ ತೀರ್ಥ ನೀರನ್ನು ನೀವು ಕೂತಿರುವ ಆಸನದ ಮೇಲೆ ಹಾಗೂ ನಿಮ್ಮ ಮೇಲೆ ಸಿಂಪಡಿಸಿ ಶುದ್ಧ ಮಾಡಿ.

* ಈಗ ಓಂ ನಮ ಶಿವಾಯ... ಎಂದು ಪಠಿಸುತ್ತಾ ಬಿಲ್ವೆ ಪತ್ರೆ ಎಲೆಗಳನ್ನು ಶಿವನಿಗೆ ಅರ್ಪಿಸಿ.

* ಈಗ ಹೂಗಳು ಹಾಗೂ ಅಕ್ಷತೆಯನ್ನು ಅರ್ಪಿಸಿ.

* ಈಗ ನಿಧಾನಕ್ಕೆ ಶಿವಲಿಂಗವನ್ನು ಮಣೆಯ ಮೇಲಿಂದ ತೆಗೆದು ತಟ್ಟೆಯ ಮೇಲೆ ಇಡಿ. ಶಿವ ಲಿಂಗವನ್ನು ಇಡುವ ಮುಂಚೆ ಬಿಲ್ವೆ ಪತ್ರೆ ಎಲೆಗಳನ್ನು ಇಟ್ಟು ನಂತರ ಶಿವಲಿಂಗವನ್ನು ಇಡಿ. ಹೀಗೆ ಶಿವಲಿಂಗವನ್ನು ಎತ್ತಿ ಇಡುವಾಗ ಶಿವನ ಮಂತ್ರಗಳನ್ನು ಪಠಿಸುತ್ತಲೇ ಇರಿ.

* ಈಗ ನೀರು ಹಾಗೂ ಅಕ್ಷತೆಯನ್ನು ಓಂ ನಮ ಶಿವಾಯ ಎಂದು ಹೇಳುತ್ತಾ ಅರ್ಪಿಸಿ.

* ನಂತರ ಪಂಚಾಮೃತವನ್ನು ಮಂತ್ರವನ್ನು ಪಠಿಸುತ್ತಲೇ ನಿಧಾನಕ್ಕೆ ಶಿವಲಿಂಗಕ್ಕೆ ಅಭಿಷೇಕ ಮಾಡಿ.

* ಈಗ ನೀರು ಹಾಗೂ ಅಕ್ಷತೆಯನ್ನು ಅರ್ಪಿಸಿ ನಂತರ ಶ್ರೀಗಂಧ ಹಾಕಿರುವ ನೀರಿಂದ ಅಭಿಷೇಕ ಮಾಡಿ.

* ಈಗ ಮತ್ತೆ ನೀರು ಮತ್ತು ಅಕ್ಷತೆಯನ್ನು ಅರ್ಪಿಸಿ.

* ಈಗ ಹೂಗಳನ್ನು ಅರ್ಪಿಸಿ, ನಂತರ ಹಾಲು ಅರ್ಪಿಸಿ, ಅದಾದ ಬಳಿಕ ಗಂಗಾಜಲ ಅಥವಾ ಶುದ್ಧ ನೀರನ್ನು ಅರ್ಪಿಸಿ ತೊಳೆಯಿರಿ.

* ನಂತರ ಶಿವಲಿಂಗವನ್ನು ಶುದ್ಧ ಮಾಡಿ ನಂತರ ಮತ್ತೆ ಮೊದಲಿನ ಸ್ಥಾನದಲ್ಲಿ ಅಂದ್ರೆ ಮಣೆಯ ಮೇಲಿನ ತಟ್ಟೆಯಲ್ಲಿ ಇಡಿ. ಶಿವಲಿಂಗವನ್ನು ಇಡುವ ಮುಂಚೆ ಬಿಲ್ವೆ ಪತ್ರೆಯನ್ನು ಇಡಬೇಕು.

* ಈಗ ಶಿವಲಿಂಗವನ್ನು ಹೊಸ ಶುದ್ಧ ಬಟ್ಟೆಯಿಂದ ಒರೆಸಿ.

* ಜನೀವಾರ, ವಸ್ತ್ರ ಅರ್ಪಿಸಿ.

* ಈಗ ಬಲಗೈಯ ಉಂಗುರ ಬೆರಳಿನಿಂದ ಶ್ರೀಗಂಧ ತೆಗೆದು ಲಿಂಗಕ್ಕೆ ಹಚ್ಚಿ, ನಂತರೆ ಅಕ್ಷತೆ ಹಾಕಿ.

* ಭಸ್ಮ, ಬಿಲ್ವೆ ಪತ್ರೆ, ಹೂಗಳು, ಧೂಪ ಇವುಗಳನ್ನು ಅರ್ಪಿಸಿ, ಹೀಗೆ ಅರ್ಪಿಸುವಾಗ ಶಿವನಾಮ ಜಪಿಸುತ್ತಾ ಘಂಟೆ ಭಾರಿಸಿ.

* ನಂತರ ಪಂಚಾಮೃತ, ತೆಂಗಿನಕಾಯಿ, ಹಣ್ಣುಗಳು, ವೀಳ್ಯೆದೆಲೆ, ಅಡಿಕೆ, ಲವಂಗ, ಏಲಕ್ಕಿ, ದಕ್ಷಿಣೆ, ನೈವೇದ್ಯ ಅರ್ಪಿಸಿ.

* ಈ ಎಲ್ಲಾ ಪೂಜೆಗಳನ್ನು ಮಾಡುವಾಗ ಓಂ ನಮ ಶಿವಾಯ ಅಂತ ಜಪಿಸುತ್ತಲೇ ಇರಿ.

* ಮೃತ್ಯುಂಜಯ ಮಂತ್ರ ಹೇಳಿ.

* ಕರ್ಪೂರ ಹಚ್ಚಿ ಆರತಿ ಮಾಡಿ.

* ದೇವರಿಗೆ ಪ್ರದಕ್ಷಣೆ ಮಾಡಿ.

* ದೇವರಿಗೆ ಪುಷ್ಪಾಂಜಲಿ ಅರ್ಪಿಸಿ ನಮಸ್ಕಾರ ಮಾಡಿ.

ರುದ್ರಾಭಿಷೇಕ ಮಾಡುವುದರಿಂದ ದೊರೆಯುವ ಪ್ರಯೋಜನಗಳು

* ರುದ್ರಾಭಿಷೇಕ ಮಾಡುವುದರಿಂದ ಆವರಿಸಿರುವ ಋಣಾತ್ಮಕ ಶಕ್ತಿ ದೂರವಾಗವುದು.

* ರುದ್ರಾಭಿಷೇಕ ಮಾಡುವುದರಿಂದ ಆರೋಗ್ಯ, ಆಯುಸ್ಸು ವೃದ್ಧಿಯಾಗುವುದು.

* ಸಂಪತ್ತು, ಸಂತೋಷ ಹೆಚ್ಚುವುದು.

* ದುಷ್ಟ ಶಕ್ತಿಗಳಿಂದ ರಕ್ಷಣೆ ದೊರೆಯುವುದು.

* ಗ್ರಹ ದೋಷಗಳು, ಕುಂಡಲಿಯಲ್ಲಿ ದೋಷ, ಪಿತೃದೋಷ ಇವೆಲ್ಲಾ ದೂರವಾಗುವುದು.

* ಪಾಪಕರ್ಮಗಳು ದೂರವಾಗಿ ಆತ್ಮವು ಶುದ್ಧವಾಗುವುದು.

ಮಂತ್ರ

ಓಂ ತ್ರ್ಯಯಂಬಕಂ ಯಜ್ಮಹೇ ಸುಗಂಧಿ ಪುಷ್ಠಿ ವರ್ಧನಂ

ಉರ್ವಾರುಕಮೀವ ಬಂಧನಾತ್ ಮೃತ್ಯುರೊರ್ಮುಕ್ಶಯ ಮಮ್ರಿತಾತ್