ಅಡುಗೆ ಮನೆಯಿಂದ ಹಲ್ಲಿಗಳ ಓಡಿಸಲು ಈ 6 ಟ್ರಿಕ್ಸ್ ಬಳಸಿ..!

ಅಡುಗೆ ಮನೆ ಮನೆಯ ಒಮದು ಹೃದಯಭಾಗ. ಹೀಗಾಗಿ ಅಡುಗೆ ಮನೆ ಸುಂದರವಾಗಿ ಸ್ವಚ್ಛವಾಗಿಡುವುದೇ ಗೃಹಿಣಿಯರ ಕೆಲವಾಗಿರುತ್ತೆ. ಅದರಲ್ಲೂ ಅಡುಗೆ ಮನೆಗೆ ಹುಳುಗಳು, ಕೀಟಗಳು ಬಾರದಂತೆ ನೋಡಿಕೊಳ್ಳುವುದು ಹಲ್ಲಿ, ಜಿರಳೆ, ಇರುವೆ ಹೀಗೆ ಈ ಎಲ್ಲಾ ಅಪಾಯಕಾರಿ ಹುಳುಗಳನ್ನು ದೂರ ಇಡುವುದೇ ಒಂದು ಸವಾಲಿನ ಕೆಲಸವಾಗಿರುತ್ತದೆ.

ಏಕೆಂದರೆ ಯಾವಾಗಲಾದರು ಅಪ್ಪಿ ತಪ್ಪಿ ಇವು ಅಡುಗೆ ಮಾಡಿದ ಖಾದ್ಯದಲ್ಲಿ ಬಿದ್ದು ಬಿಟ್ಟರೆ ಇಡೀ ದಿನದ ಶ್ರಮ ಹಾಳಾಗುವ ಜೊತೆಗೆ ಮನೆ ಸದಸ್ಯರ ಜೀವಕ್ಕೆ ಕುತ್ತುಬರುತ್ತದೆ. ಅದರಲ್ಲು ಅಡುಗೆ ಮನೆಯಲ್ಲಿ ಹಲ್ಲಿಗಳಿದ್ದರೆ ದೊಡ್ಡ ಅಪಾಯ ಕಟ್ಟಿಟ್ಟ ಬುತ್ತಿ. ಏಕೆಂದರೆ ಮಾಡಿರುವ ಖಾದ್ಯದಲ್ಲಿ ಅಪ್ಪಿ ತಪ್ಪಿ ಬಿದ್ದರೆ ದೇವರೆ ಗತಿ.

ಹೀಗಾಗಿ ಅಡುಗೆ ಮನೆಯಲ್ಲಿರುವ ಹಲ್ಲಿಗಳನ್ನು ಓಡಿಸಲು ಹಲವು ರೀತಿಯ ಪ್ರಯತ್ನವಂತೂ ಮಾಡಿಯೇ ಮಾಡುತ್ತೇವೆ. ಆದರೆ ಅಷ್ಟು ಸುಲಭವಾಗಿ ಅವು ಅಡುಗೆ ಮನೆ ಬಿಟ್ಟು ಆಚೆ ತೆರಳುವುದಿಲ್ಲ. ಹಾಗಾದ್ರೆ ಅಡುಗೆ ಮನೆಯಲ್ಲಿರುವ ಈ ಹಲ್ಲಿಗಳನ್ನು ದೂರವಿಡಲು ಮನೆಯಲ್ಲಿ ಈ 6 ಟ್ರಿಕ್ಸ್ ಒಮ್ಮೆ ಒಳಸಿ ನೋಡಿ.

ನಿಂಬೆ ಹಣ್ಣು

ನಿಂಬೆ ಹಣ್ಣಿನ ಸಿಟ್ರಸ್ ಆಸಿಡ್ ಹಲ್ಲಿಗಳಿಗೂ ಭಯ ಹುಟ್ಟಿಸುತ್ತೆ. ತಾಜಾ ನಿಂಬೆ ಕತ್ತರಿಸಿ ಅದನ್ನು ಅಡುಗೆ ಮನೆಯಲ್ಲಿ ಇಡುವುದರಿಂದ ಹಲ್ಲಿಗಳನ್ನು ಅಡುಗೆ ಮನೆಯಿಂದ ಹೊರಹಾಕಬಹುದು. ನಿಂಬೆ ಹಣ್ಣಿನಲ್ಲಿ ಕೀಟನಾಶಕ ಅಂಶ ಇರುವುದರಿಂದ ಎಲ್ಲಾ ರೀತಿಯ ಕೀಟಗಳಿಗೂ ಇದು ಉತ್ತಮ ಮನೆ ಮದ್ದಾಗಲಿದೆ.

ಮೊಟ್ಟೆಯ ಓಡು

ನೀವು ಮನೆಯಲ್ಲಿ ಮೊಟ್ಟೆಯಿಂದ ಕರಿ, ಆಮ್ಲೆಟ್ ಮಾಡಿದ ಬಳಿಕ ಅದರ ಓಡನ್ನು ಎಸೆಯುತ್ತೀರಿ ಆದರೆ ಇನ್ನು ಮುಂದೆ ಹೀಗೆ ಮಾಡಬೇಡಿ. ಇ ಮೊಟ್ಟೆ ಓಡುಗಳನ್ನು ಹಲ್ಲಿಗಳಿರುವ ಜಾಗದಲ್ಲಿ ಅಥವಾ ಕಿಟಕಿ ಸಂದಿ, ಗೋಡೆಗೆ ತಾಕಿಸಿ ಇಟ್ಟು ನೋಡಿ. ಹಲ್ಲಿಗಳಿಗೆ ಮೊಟ್ಟೆಯ ವಾಸನೆ ಸಹಿಸಲು ಆಗುವುದಿಲ್ಲ. ಇದರಿಂದ ಅವು ಮನೆಯ ಒಳಗೆ ಬರದೆ ಹೊರಗೆ ಉಳಿಯಲಿವೆ. ಆದರೆ ಈ ಮೊಟ್ಟೆ ಚಿಪ್ಪುಗಳನ್ನು ಎರಡು ದಿನಗಳಿಗಿಂತ ಹೆಚ್ಚು ದಿನ ಇಡಬೇಡಿ. ಕೆಟ್ಟ ವಾಸನೆ ಬರುವ ಸಾಧ್ಯತೆ ಇರುತ್ತದೆ.

ಸೌತೆಕಾಯಿ

ನಾವು ಸಲಾಡ್‌ಗಾಗಿ, ಚಟ್ನಿಗಾಗಿಯೂ ತಂದಿರುವ ಈ ಸೌತೆಕಾಯಿ ಹಲ್ಲಿಗಳ ಓಡಿಸಲು ಅತ್ಯಂತ ಸರಳ ನೈಸರ್ಗಿಕ ಉಪಾಯಗಳಲ್ಲಿ ಒಂದಾಗಿದೆ. ಆದರೆ ಹಲ್ಲಿಗಳು ಈ ಸೌತೆಕಾಯಿಯ ವಾಸನೆಯನ್ನು ಎಂದಿಗೂ ಸಹಿಸುವುದಿಲ್ಲ. ಹಲ್ಲಿಗಳ ಓಡಾಡುವ ಜಾಗ, ಕಿಟಕಿ, ಬಾಗಿಲು ಹೀಗೆ ಎಲ್ಲಿ ಬೇಕಾದರೂ ತುಂಡು ಮಾಡಿದ ಸೌತೆಕಾಯಿ ಇಟ್ಟು ನೋಡಿ. ಹಲ್ಲಿಗಳು ದೂರಾಗುವ ಜೊತೆಗೆ ಇಡಿ ಅಡುಗೆ ಮನೆ ಒಂದು ರೀತಿ ಸುವಾಸನೆಯಿಂದ ಕೂಡಿರುತ್ತದೆ.

ಬೆಳ್ಳುಳ್ಳಿ ಮತ್ತು ಲವಂಗ

ಹಲ್ಲಿಗಳಿಗೆ ಯಾವುದೇ ಬಲವಾಸ ಮಸಾಲೆಯ ವಾಸನೆ ಎಂದರೆ ದೂರವೇ ಉಳಿಯುತ್ತವೆ. ಇನ್ನು ಬೆಳ್ಳುಳ್ಳಿ- ಲವಂಗದ ವಾಸನೆಯೂ ಸಹ ಹಲ್ಲಿಗಳು ಸಹಿಸುವುದಿಲ್ಲ. ಹೀಗಾಗಿ ಅಡುಗೆ ಮನೆಯ ಮೂಲೆಗಳಲ್ಲಿ ಲವಂಗ ಬೆಳ್ಳುಳ್ಳಿಯನ್ನು ಜಜ್ಜಿ ಇಡುವುದರಿಂದ ಹಲ್ಲಿಗಳನ್ನು ದೂರ ಇಡಬಹುದು.

ಕಾಫಿ ಪೌಡರ್

ನೀವು ಕಾಫಿ ಕುಡಿಯುವುದರಿಂದಲೇ ನಿಮ್ಮ ದಿನವನ್ನು ಆರಂಭಿಸುತ್ತಿರಬಹುದು. ಆದರೆ ಕಾಫಿ ಕಾಯಿಸಿದ ಬಳಿಕ ಉಳಿಯುವ ಪುಡಿಯಿಂದ ಹಲ್ಲಿಗಳನ್ನು ದೂರ ಇಡಬಹುದು. ಇದಕ್ಕೆ ಸ್ವಲ್ಪ ತಂಬಾಕು ಬೆರೆಸಿ ಅದನ್ನು ಗೋಡೆಗಳ ಪಕ್ಕದಲ್ಲಿ, ಅಡುಗೆ ಮನೆಯಲ್ಲಿ ಈ ಪುಡಿಯನ್ನು ಹಾಕಿ ಇಡುವುದರಿಂದ ಹಲ್ಲಿಗಳು ದೂರ ಸರಿಯುತ್ತವೆ.

ಅಡುಗೆ ಮನೆ ಸ್ವಚ್ಛವಾಗಿಡಿ

ಅಡುಗೆ ಮನೆಯಲ್ಲಿ ಅಳಿದು ಉಳಿದ ಆಹಾರ ಪದಾರ್ಥಗಳು, ತೆರೆದು ಇಟ್ಟ ಪಾತ್ರೆಗಳಿಂದ ಕೀಟಗಳು ಹುಟ್ಟಿಕೊಳ್ಳುತ್ತವೆ. ಅಡುಗೆ ಮನೆಯಲ್ಲಿ ಕೀಟಗಳು ಹೆಚ್ಚಾದರೆ ಅವುಗಳನ್ನು ತಿನ್ನಲೆಂದೇ ಹಲ್ಲಿಗಳು ಬರುತ್ತವೆ. ಹೀಗಾಗಿ ಅಡುಗೆ ಮನೆ ಎಷ್ಉ ಸ್ವಚ್ಛವಾಗಿರುತ್ತದೆಯೋ ಅಷ್ಟು ಕೀಟಗಳನ್ನು ದೂರವಿಡುತ್ತದೆ.