ಬಿಳಿಬಟ್ಟೆ ನಿರ್ವಹಣೆಗೆ ಸುಲಭ ಸಲಹೆ

Improvement

oi-Sumalatha

By Sumalatha

Published: Wednesday, September 14, 2011, 18:13 [IST]

ಬಿಳಿ ಬಟ್ಟೆಗಳ ನಿರ್ವಹಣೆ ತುಂಬಾ ಕಷ್ಟ. ಕೊಳೆ ಎದ್ದು ಕಾಣುವಂತೆ ಮಾಡುವ ಈ ಬಿಳಿಬಟ್ಟೆಯನ್ನು ಒಗೆಯುತ್ತಾ ಹೋದಂತೆ ತನ್ನ ನಿಜಬಣ್ಣ ಕಳೆದುಕೊಂಡು ಮಂಕಾಗಿ ಕಾಣುತ್ತೆ. ಆದ್ದರಿಂದ ಬಿಳಿ ಬಟ್ಟೆಯ ಸುಲಭ ನಿರ್ವಹಣೆಗೆ ಒಂದಿಷ್ಟು ಸಲಹೆಗಳು ಇಲ್ಲಿವೆ.

ಬಿಳಿ ಬಟ್ಟೆ ನಿರ್ವಹಣೆಗೆ ಸಲಹೆ:

1. ಪ್ರತ್ಯೇಕವಾಗಿ ಒಗೆಯಿರಿ: ಬಿಳಿ ಬಟ್ಟೆಯನ್ನು ಪ್ರತ್ಯೇಕವಾಗಿ ನೆನೆಹಾಕಿ, ಬೇರೆಯಾಗಿಯೇ ಒಗೆಯಬೇಕು. ಬೇರೆ ಬಣ್ಣದ ಬಟ್ಟೆಗಳೊಂದಿಗೆ ಬೆರೆಸಿ ಒಗೆದರೆ ಬಿಳಿ ಬಟ್ಟೆ ತನ್ನ ಶುಭ್ರ ಬಣ್ಣವನ್ನು ಬೇಗನೆ ಕಳೆದುಕೊಳ್ಳುತ್ತದೆ.

2. ನಿಂಬೆರಸ: ಒಗೆಯುವಾಗ ಬಟ್ಟೆಗೆ ಕೊನೆಯ ಬಾರಿ ಹಾಕುವ ನೀರಿಗೆ ನಿಂಬೆರಸ ಬೆರೆಸಿದರೆ ಕಲೆ ತೊಲಗಿಸಿ ಬಣ್ಣ ಉಳಿಯುವಂತೆ ಮಾಡುತ್ತದೆ.

3. ವಿನಿಗರ್: ಬಟ್ಟೆ ತೊಳೆಯುವಾಗ ಕೊನೆಯ ಬಾರಿ ಹಾಕುವ ನೀರಿಗೆ ಸ್ವಲ್ಪ ವೆನಿಗರ್ ಬೆರೆಸಿದರೆ ಬಟ್ಟೆ ತುಂಬಾ ಚೆನ್ನಾಗಿ ಬಾಳಿಕೆ ಬರುತ್ತದೆ.

4. ಅಡುಗೆ ಸೋಡಾ: ವೆನಿಗರ್ ನೊಂದಿಗೆ ಅಡುಗೆ ಸೋಡಾ ಬೆರೆಸಿದರೆ ಬಿಳಿ ಬಟ್ಟೆಯ ಕೊಳೆಯನ್ನು ಅತಿ ಸುಲಭವಾಗಿ ಹೋಗಲಾಡಿಸಬಹುದು.

5. ಬಿಸಿ ನೀರು: ಬೆಚ್ಚಗಿನ ನೀರಿನಲ್ಲಿ ಬಿಳಿಬಟ್ಟೆಯನ್ನು ನೆನೆಹಾಕಬೇಕು. ಹೆಚ್ಚು ಶ್ರಮವಿಲ್ಲದೆ ಬೇಗನೆ ಕೊಳೆ ತೆಗೆಯಲು ಇದು ಸಹಾಯಕ.

6. ಒಣಗುವ ಮುನ್ನ ಕಲೆ ತೆಗೆಯಿರಿ: ಬಿಳಿಬಟ್ಟೆಗೆ ಏನಾದರೂ ಕಲೆಯಾದರೆ ಅದು ಒಣಗಲು ಬಿಡದೆ ತಕ್ಷಣವೇ ಕಲೆಯನ್ನು ತೆಗೆಯಬೇಕು. ಕಲೆ ತೆಗೆಯಲು ನಿಂಬೆಯನ್ನು ಬಳಸಬಹುದು.