ಮನೆಗೆ ಮೆರುಗು ನೀಡುವ ಮನಿ ಪ್ಲಾಂಟ್ ಪೋಷಣೆ ಹೇಗೆ?

Improvement

oi-Sumalatha N

By Sumalatha N

Published: Tuesday, August 30, 2011, 11:49 [IST]

ಮನೆಯ ಅಂದಕ್ಕೆಂದು ಮನೆಯೊಳಗೆ ಕೆಲವು ಗಿಡಗಳನ್ನು ನೆಡುವುದು ರೂಢಿ. ಅಂತಹ ಗಿಡಗಳಲ್ಲಿ ಮನಿ ಪ್ಲಾಂಟ್ ಹೆಚ್ಚು ಪ್ರಚಲಿತದಲ್ಲಿದೆ. ಮನಿ ಪ್ಲಾಂಟ್ ಪೋಷಣೆ ಮಾಡುವುದು ಅಷ್ಟು ಕಷ್ಟವಲ್ಲ. ಆದರೆ ಕೆಲವು ಅಂಶಗಳನ್ನು ಗಮನದಲ್ಲಿಟ್ಟುಕೊಂಡರೆ ಮನಿ ಪ್ಲಾಂಟನ್ನು ಇನ್ನಷ್ಟು ಸೊಂಪಾಗಿ ಬೆಳೆಸಬಹುದು.

ಮನಿ ಪ್ಲಾಂಟ್ ಪೋಷಣೆ ಹೇಗೆ?
1. ಮನಿ ಪ್ಲಾಂಟ್ ಗಾಗಿ ಒಳ್ಳೆ ಮಣ್ಣನ್ನು ಆಯ್ಕೆ ಮಾಡಿ. ಕೆಂಪು ಮಣ್ಣಿದ್ದರೆ ಇನ್ನೂ ಉತ್ತಮ. ನೀರು ಸರಾಗವಾಗಿರಲು ಪಾಟ್ ಆಯ್ಕೆಯೂ ಉತ್ತಮವಾಗಿರಲಿ.

2. ಮನಿ ಪ್ಲಾಂಟ್ ಗೆ ಆಗಾಗ್ಗೆ ಸ್ವಲ್ಪ ನೀರು ಹಾಕುತ್ತಿರಬೇಕು. ಮಣ್ಣು ಒಣಗಲು ಬಿಡದೆ ತೇವವಾಗಿರುವಂತೆ ಇಡಬೇಕು. ವಾರಕ್ಕೊಂದು ಬಾರಿ ನೀರನ್ನು ಎಲೆಗಳ ಮೇಲೆ ಚುಮುಕಿಸಿ ಎಲೆ ಶುದ್ಧಗೊಳ್ಳುವಂತೆ ಮಾಡಬೇಕು. ಚಳಿ ಅಥವಾ ಮಳೆಗಾಲದಲ್ಲಿ ನೀರು ಹಾಕುವುದನ್ನು ಕಡಿಮೆ ಮಾಡಿ, ಗಿಡ ಒಣಗಿದಂತಿದ್ದರೆ ಮಾತ್ರ ನೀರು ಹಾಕಿ.

3. ಗಿಡ ಇನ್ನೂ ಬೆಳವಣಿಗೆ ಹಂತದಲ್ಲಿರುವಾಗ ಎರಡು ವಾರಕ್ಕೊಮ್ಮೆ ಸ್ವಲ್ಪ ಗೊಬ್ಬರ ಬೆರೆಸಬೇಕು ಮಳೆಗಾಲದಲ್ಲಿ ಗೊಬ್ಬರವನ್ನೂ ಹಾಕಬಾರದು.

4. ಎಲ್ಲ ಗಿಡದಂತೆ ಮನಿ ಪ್ಲಾಂಟನ್ನು ಆಗಾಗ್ಗೆ ಕತ್ತರಿಸುವ ಅವಶ್ಯಕತೆ ಇಲ್ಲ. ಒಣಗಿರುವ ಮತ್ತು ಕೊಳೆತಿರುವ ಎಲೆಯನ್ನು ಕಿತ್ತು ಹಾಕಿದರೆ ಸಾಕು. ಆದರೆ ಮನಿ ಪ್ಲಾಂಟ್ ಹಬ್ಬಲು ಸೂಕ್ತ ಅವಕಾಶವಿರಬೇಕು.

5.ಗಿಡದ ಎಲೆಗಳು ಹಳದಿ ಬಣ್ಣಕ್ಕೆ ತಿರುಗುತ್ತಿದ್ದರೆ ತಕ್ಷಣವೇ ನೀರು ಹಾಕುವುದನ್ನು ನಿಲ್ಲಿಸಿ. ಹೆಚ್ಚು ನೀರು ಹಾಕುವುದರ ಪರಿಣಾಮ ಎಲೆಗಳು ಕೊಳೆತು ಈ ರೀತಿ ಆಗಲು ಪ್ರಾರಂಭಿಸುತ್ತದೆ.

6. ಮನಿ ಪ್ಲಾಂಟ್ ಮನೆಯ ಒಳಗೆ ಬೆಳೆಯುವುದೇ ಉತ್ತಮ. ಏಕೆಂದರೆ ತುಂಬಾ ಉಷ್ಣತೆ ಇದ್ದರೆ ಮನಿ ಪ್ಲಾಂಟ್ ಗಿಡ ಸ್ವಲ್ಪ ದಿನದಲ್ಲೇ ಒಣಗಿಹೋಗುತ್ತದೆ. ನೀವು ಮನೆಯ ಹೊರಗೇ ಬೆಳೆಯಬೇಕೆಂದಿದ್ದರೆ ನೆರಳಿನಲ್ಲಿ ಗಿಡ ಬೆಳೆಸುವುದು ಸೂಕ್ತ.

7. ಮನಿ ಪ್ಲಾಂಟ್ ನಲ್ಲಿ ತೇವಾಂಶವಿರುವುದರಿಂದ ಸಣ್ಣ ಸೊಳ್ಳೆ ಕ್ರಿಮಿಕೀಟಗಳು ಬೇಗ ಬರುತ್ತವೆ. ಆದ್ದರಿಂದ ಸ್ಟ್ರೇಗಳನ್ನು ಸಿಂಪಡಿಸಬೇಕು.

ಇವಿಷ್ಟು ಸಲಹೆಗಳನ್ನು ಪಾಲಿಸಿದರೆ ಖಂಡಿತ ನಿಮ್ಮ ಮನೆಯಲ್ಲಿ ಮನಿ ಪ್ಲಾಂಟ್ ಸುಪೋಷಿತವಾಗಿ ಬೆಳೆಯಲು ಆರಂಭಿಸುತ್ತದೆ ಮತ್ತು ನಿಮ್ಮ ಮನೆಗೆ ಮೆರುಗನ್ನು ನೀಡುತ್ತದೆ.