ಚೆನ್ನಾಗಿ ಜೀರ್ಣವಾಗಬೇಕೆಂದರೆ ಊಟದ ಬಳಿಕ ಮಾಡಬಾರದ 5 ಕಾರ್ಯಗಳು

1. ತಣ್ಣನೆಯ ನೀರು ಕುಡಿಯುವುದು

ಊಟವಾದ ಬಳಿಕ ತಕ್ಷಣವೇ ತಣ್ಣನೆಯ ನೀರು ಅಥವಾ ಜ್ಯೂಸ್‌ ಕುಡಿಯುವುದು ಹಿತ ಅನಿಸಿದರೂ ಜೀರ್ಣಕ್ರಿಯೆಗೆ ಒಳ್ಳೆಯದಲ್ಲ, ತಣ್ಣನೆಯ ನೀರು ಕುಡಿದಾಗ ಜೀರ್ಣ ಬೇಗನೆ ಆಗುವುದಿಲ್ಲ.

ಊಟದ ಬಳಿಕ ಬಿಸಿ- ಬಿಸಿ ನೀರು ಕುಡಿಯುವ ಅಭ್ಯಾಸ ತುಂಬಾನೇ ಒಳ್ಳೆಯದು.

2. ಊಟ ಮಾಡಿದ ತಕ್ಷಣ ನಿದ್ದೆ ಮಾಡುವುದು

ಈ ಅಭ್ಯಾಸ ನಿಮ್ಮಲ್ಲಿದ್ದರೆ ನಿಲ್ಲಿಸುವುದು ಒಳ್ಳೆಯದು. ಹೊಟ್ಟೆ ತುಂಬಾ ಊಟ ಮಾಡಿದಾಗ ನಿದ್ದೆ ತೂಗುವುದು ಸಹಜ, ಆದರೆ ಹಾಗೇ ಮಲಗುವ ಅಭ್ಯಾಸದಿಂದ ಗೊರಕೆ ಶುರುವಾಗುವುದು, ಅಲ್ಲದೆ ಅನ್ನನಾಳದಲ್ಲೂ ಉರಿ ಉಂಟಾಗುವುದು.

ಇನ್ನು ಊಟವಾದ ಬಳಿಕ ಮಲಗುವುದು ಸ್ಥೂಲಕಾಯಕ್ಕೂ ಒಂದು ಕಾರಣವಾಗಿದೆ.

3. ವ್ಯಾಯಾಮ ಮಾಡುವುದು

ಕೆಲವರನ್ನು ನೋಡುತ್ತೇವೆ ಊಟವಾದ ಬಳಿಕ ಲೆಫ್ಟ್-ರೈಟ್ ಅಂತ ವಾಕ್ ಮಾಡುತ್ತಾರೆ. ಕೇಳಿದರೆ ಊಟದ ಬಳಿಕ ನಡೆಯುವುದು ಒಳ್ಳೆಯದು ಎಂದು ಹೇಳುತ್ತಾರೆ. ಆದರೆ ಊಟ ಬಳಿಕ ವೇಗವಾಗಿ ನಡೆಯುವುದು ಕೂಡ ಒಳ್ಳೆಯದಲ್ಲ ಈ ಅಭ್ಯಾಸ ಜೀರ್ಣಕ್ರಿಯೆಗೆ ತೊಂದರೆಯನ್ನು ಉಂಟು ಮಾಡುತ್ತದೆ.

ಊಟವಾದ ಬಳಿಕ ಮೆಲ್ಲನೆ ಅತ್ತ-ಇತ್ತ ಓಡಾಡಬಹುದು.

4. ಧೂಮಪಾನ

ಧೂಮಪಾನ ಚಟ ಇರುವವರಿಗೆ ಊಟ ಬಳಿಕ ಒಂದು ಸಿಗರೇಟ್‌ ಎಳೆದರನೇ ಸಮಧಾನ. ಆದರೆ ಈ ರೀತಿ ಮಾಡುವುದರಿಂದ ಕರುಳಿನ ಕ್ರಿಯೆಗೆ ತೊಂದರೆ ಉಂಟಾಗುತ್ತದೆ, ಅಲ್ಸರ್, ಕ್ಯಾನ್ಸರ್ ಮುಂತಾದ ಸಮಸ್ಯೆ ಉಂಟು ಮಾಡುತ್ತದೆ.

5. ಊಟ ಮಾಡಿದ ತಕ್ಷಣ ಹಣ್ಣುಗಳನ್ನು ತಿನ್ನುವುದು

ಹಣ್ಣುಗಳು ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು, ಹಾಗಂತ ಊಟವಾದ ತಕ್ಷಣ ಹಣ್ಣುಗಳನ್ನು ತಿನ್ನುವುದು ಅಷ್ಟು ಒಳ್ಳೆಯ ಅಭ್ಯಾಸ ಅಲ್ಲ. ಏಕೆಂದರೆ ಹಣ್ಣುಗಳಲ್ಲಿರುವ ಪೋಷಕಾಂಶಗಳನ್ನು ದೇಹವು ಹೀರಿಕೊಳ್ಳುವುದು.

ನಿಮಗೆ ತಿಂದ ಹಣ್ಣಿನ ಸಂಪೂರ್ಣ ಪ್ರಯೋಜನ ಸಿಗಲು ಊಟಕ್ಕೆ ಅರ್ಧ ಗಂಟೆ ಮುಂಚೆ ಅಥವಾ ಊಟವಾದ ಅರ್ಧ ಗಂಟೆಯ ಬಳಿಕ ಹಣ್ಣುಗಳನ್ನು ತಿನ್ನುವುದು ಒಳ್ಳೆಯದು.