ಮಾಗಿದ ಆಪಲ್‌ ನಿಂದಲೂ ತಯಾರಿಸಬಹುದು ಟೇಸ್ಟಿ ಖಾದ್ಯ

ಸ್ಟಫ್ಡ್‌ ಸೇಬು

ಮೊದಲು ಆಪಲ್ ನ ಸಿಪ್ಪೆ ತೆಗೆದು ಹಣ್ಣನ್ನು ಮಾತ್ರ ಬೇರ್ಪಡಿಸಿಕೊಳ್ಳಿ, ನಂತರ ಅದಕ್ಕೆ ಓಟ್ಸ್, ಬ್ರೌನ್ ಸಕ್ಕರೆ ಮತ್ತು ಡ್ರೈ ಫ್ರೂಟ್ಸ್‌ಗಳನ್ನು ಸೇರಿಸಿ (ನಿಮ್ಮ ರುಚಿಗೆ ಅನುಗುಣವಾಗಿ ಈ ಪದಾರ್ಥಗಳನ್ನು ನೀವು ಬದಲಾಯಿಸಬಹುದು) ಮತ್ತು ನಂತರ ಅದನ್ನು ಬೇಯಿಸಿ ಓವನ್‌ ಅಥವಾ ಕುಕ್ಕರ್‌ನಲ್ಲಿ ಬೇಯಿಸಿ ಈಗ ನಿಮ್ಮ ರುಚಿಕರವಾದ ಸ್ಟಫ್ಡ್ ಸೇಬು ಸಿದ್ಧವಾಗಿದೆ.

ಆಪಲ್ ಸಾಸ್

ಮನೆಯಲ್ಲೇ ತಯಾರಿಸಿದ ಆಪಲ್ ಸಾಸ್‌ ಅನ್ನು ಐಸ್ ಕ್ರೀಮ್‌ಗಳು ಮತ್ತು ಪ್ಯಾನ್‌ಕೇಕ್‌ಗಳಂತಹ ಅನೇಕ ಸಿಹಿತಿಂಡಿಗಳಿಗೆ ಬಳಸಬಹುದು.

ತಯಾರಿಸುವ ವಿಧಾನ

ಮಾಗಿದ ಸೇಬುಗಳನ್ನು ಸಿಪ್ಪೆಯನ್ನು ತೆಗೆದುಹಾಕಿ ಸಣ್ಣ ತುಂಡುಗಳಾಗಿ ಮಾಡಿ, ಅದನ್ನು ನಂತರ ಬಾಣಲೆಯಲ್ಲಿ ಮತ್ತು ಒಂದು ಪಿಂಚ್ ದಾಲ್ಚಿನ್ನಿ ಹಾಕಿ ಬಾಡಿಸಿ. ಸೇಬು ಅಷ್ಟು ಸಿಹಿಯಾಗಿಲ್ಲದಿದ್ದರೆ ಪುಡಿ ಸಕ್ಕರೆಯನ್ನು ಕೂಡ ಸೇರಿಸಬಹುದು ಮತ್ತು ನಂತರ ಅದನ್ನು 20 ನಿಮಿಷ ಬೇಯಲು ಬಿಡಿ. ಎಲ್ಲಾ ಚೆನ್ನಾಗಿ ಬೆಂದ ನಂತರ ಮಿಶ್ರಣವನ್ನು ಪೇಸ್ಟ್ ರೀತಿ ಮ್ಯಾಶ್ ಮಾಡಿದರೆ ತಣ್ಣಗಾದ ನಂತರ ಆಪಲ್ ಸಾಸ್ ತಿನ್ನಲು ಸಿದ್ಧ.

ಆಪಲ್ ಬೆಣ್ಣೆ

ಸೇಬಿನ ರುಚಿಯನ್ನು ಇಷ್ಟಪಡುವುದಾದರೆ ಈ ಪಾಕವಿಧಾನ ಸಹ ನಿಮಗೆ ಬಹಳ ಇಷ್ಟವಾಗುತ್ತದೆ. ಆಪಲ್ ಬೆಣ್ಣೆ ತಯಾರಿಸುವುದು ಬಹಳ ಸುಲಭ ವಿಧಾನ. ಕತ್ತರಿಸಿ ಸಿಪ್ಪೆ ತೆಗೆದ ಸೇಬಿಗೆ ದಾಲ್ಚಿನ್ನಿ ಹಾಕಿ ದಪ್ಪ ಬಾಣಲೆಗೆ ಹಾಕಿ ಬೇಯಲು ಬಿಡಿ. ಈ ಮಿಶ್ರಣ ಗಟ್ಟಿಯಾಗುವವರೆಗೂ ತಿರುವುತ್ತಲೇ ಇರಿ. ನಂತರ ಮಿಶ್ರಣವನ್ನು ಅಗಲವಾದ ಪಾತ್ರೆಗೆ ಹಾಕಿ ಸ್ಪ್ರೆಡ್ ಮಾಡಿ. ಈಗ ರುಚಿಕರ ಆಪಲ್ ಬೆಣ್ಣೆ ಸವಿಯಲು ಸಿದ್ಧ, ಇದನ್ನು ಬ್ರೆಡ್, ಚಪಾತಿಗೆ ಬಳಸಿದರೆ ಅತ್ಯಂತ ರುಚಿಕರವಾಗಿರುತ್ತದೆ. ನಿಮಗೆ ಅವಶ್ಯವೆನಿಸಿದರೆ ಡ್ರೈ ಫ್ರೂಟ್ಸ್‌ಗಳನ್ನು ಸಹ ಸೇರಿಸಿಕೊಳ್ಳಬಹುದು.