ನೀವು ಹೀಗೆ ಮಾಡಿದ್ದೇ ಆದರೆ ರೋಗ ನಿರೋಧಕ ಶಕ್ತಿ ಹೆಚ್ಚುವುದು

1. ಯೋಗ ಆರಂಭಿಸಿ

ಸರ್ವರೋಗವನ್ನು ದೂರವಿಡುವ ಶಕ್ತಿ ಯೋಗದಲ್ಲಿದೆ. ಯೋಗ ಅಭ್ಯಾಸ ಮಾಡುತ್ತಿದ್ದರೆ ಕೆಲವೇ ತಿಂಗಳಿನಲ್ಲಿ ನಿಮ್ಮ ಶರೀರ ಹಾಗೂ ಮನಸ್ಸಿನಲ್ಲಿ ವ್ಯತ್ಯಾಸ ಗಮನಿಸಬಹುದು. ವಾಕಿಂಗ್, ಜಾಗಿಂಗ್ ಮಳೆಗಾಲದಲ್ಲಿ ಮಾಡಲು ಕಷ್ಟವಾಗುತ್ತದೆ. ಆದರೆ ಯೋಗಾಸನವನ್ನು ಎಲ್ಲಾ ಕಾಲದಲ್ಲಿಯೂ ಮಾಡಬಹುದಾಗಿದೆ. ಇದು ದೈಹಿಕ ಮತ್ತು ಮಾನಸಿಕ ಆರೋಗ್ಯವನ್ನು ಹೆಚ್ಚಿಸುವುದರ ಜೊತೆಗೆ ದೈಹಿಕ ಸೌಂದರ್ಯವನ್ನೂ ಹೆಚ್ಚಿಸುತ್ತದೆ.

2. ಎಣ್ಣೆಯಲ್ಲಿ ಬಾಯಿ ಮುಕ್ಕಳಿಸುವುದು (Oil pulling)

ಎಣ್ಣೆಯಲ್ಲಿ ಬಾಯಿ ಮುಕ್ಕಳಿಸುವುದು ಹಿಂದಿನ ಕಾಲದಿಂದಲೂ ಮಾಡುತ್ತಾ ಬರುತ್ತಿದ್ದಾರೆ. 1-2 ಚಮಚ ಶುದ್ಧ ಕೊಬ್ಬರಿ ಎಣ್ಣೆಯನ್ನು ಬಾಯಿಯಲ್ಲಿ ಹಾಕಿ 4-5 ನಿಮಿಷ ಬಾಯಿ ಮುಕ್ಕಳಿಸಿದರೆ ಬಾಯಲ್ಲಿರುವ ಹಾನಿಕಾರಕ ಬ್ಯಾಕ್ಟಿರಿಯಾಗಳು ನಾಶವಾಗುತ್ತದೆ, ದಂತದ ಆರೋಗ್ಯಕ್ಕೂ ತುಂಬಾನೇ ಒಳ್ಳೆಯದು. ಇದನ್ನು ಪ್ರತಿದಿನ ಮಾಡುವಂತೆ ಆಯುಷ್ ಇಲಾಖೆ ಕೂಡ ಸಲಹೆ ನೀಡಿದೆ.

3. ಸಾಕಷ್ಟು ನೀರು ಕುಡಿಯಿರಿ

ಬೆಳಗ್ಗೆ ಎದ್ದ ತಕ್ಷಣ ಎರಡು ಲೋಟ ನೀರು ಕುಡಿಯುವುದು ತುಂಬಾನೇ ಒಳ್ಳೆಯ ಅಭ್ಯಾಸ. ಅದರಲ್ಲೂ ಬಿಸಿ ನೀರಿಗೆ ಸ್ವಲ್ಪ ಜೇನು ಮತ್ತು ನಿಂಬೆಹಣ್ಣು ಹಾಕಿ ಸೇವಿಸಿದರೆ ತುಂಬಾನೇ ಒಳ್ಳೆಯದು. ಜೊತೆಗೆ ಸ್ವಲ್ಪ ಅರಿಶಿಣ ಹಾಕಿದ ನಿರು, ಅಶ್ವಗಂಧ ಪುಡಿ ಹಾಕಿದ ನೀರು ಕುಡಿಯುವುದು ಒಳ್ಳೆಯದು. ದಿನದಲ್ಲಿ 8 ಲೋಟ ಅಂದರೆ ಮೂರರಿಂದ ಮೂರೂವರೆ ಲೀಟರ್ ನೀರು ಕುಡಿಯಬೇಕು.

4. ವ್ಯಾಯಾಮ ಮಾಡಿ

ಬೆಳಗ್ಗೆ ಎದ್ದು 30 ನಿಮಿಷ ವ್ಯಾಯಾಮ ಮಾಡಿ. ನಡೆಯುವುದು, ವಾಕಿಂಗ್ , ಸೈಕ್ಲಿಂಗ್ ಈ ರೀತಿ ಮಾಡುವುದು ಒಳ್ಳೆಯದು. ಯೋಗ ಮಾಡುವುದಾದರೆ ಆಸನಗಳನ್ನು ಮಾಡುವ ಮುನ್ನ ಅರ್ಧ ಗಂಟೆ ವ್ಯಾಯಾಮ ಮಾಡಿ ನಂತರ ಆಸನಗಳನ್ನು ಅಭ್ಯಾಸ ಮಾಡಿ.

5. ಬ್ರೇಕ್‌ಫಾಸ್ಟ್‌ ಮಿಸ್ ಮಾಡಲೇಬೇಡಿ

ಬೆಳಗ್ಗಿನ ಬ್ರೇಕ್‌ಫಾಸ್ಟ್‌ ಮಿಸ್‌ ಮಾಡಲೇಬಾರದು. ಬ್ರೇಕ್‌ಫಾಸ್ಟ್‌ನಲ್ಲಿ ಪ್ರೊಟೀನ್, ಕಾರ್ಬ್ಸ್, ಆರೋಗ್ಯಕರ ಕೊಬ್ಬಿನಂಶ ಇರುವಂತೆ ನೋಡಿಕೊಳ್ಳಿ. ಹಣ್ಣಿನ ಜ್ಯೂಸ್ ಕುಡಿಯಿರಿ.

ಇಷ್ಟೇ ಮಾಡಿದರೆ ಸಾಕು ನಿಮ್ಮಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚುವುದು.