ಬಿಳುಪು ಹೋಗುತ್ತಿದೆಯೇ? ಈ ಆಯುರ್ವೇದ ಮದ್ದು ಟ್ರೈ ಮಾಡಿ

ಬಿಳುಪು ಹೋಗುವುದು ತಡೆಗಟ್ಟಲು ಆಯುರ್ವೇದ ಮನೆಮದ್ದು

1. ಬೆಂಡೆಕಾಯಿ

100 ಗ್ರಾಂ ಬೆಂಡೆಕಾಯಿ ತೆಗೆದು ಅದನ್ನು ಒಂದು ಲೀಟರ್‌ ನೀರಿಗೆ ಹಾಕಿ 15-20 ನಿಮಿಷ ಕುದಿಸಿ. ನಂತರ ತಣ್ಣಗಾದ ಮೇಲೆ ಆ ನೀರನ್ನು ಆಗಾಗ ಕುಡಿಯಿರಿ. ನೀವು ಬೇಕಾದರೆ ಈ ನೀರಿನ ಜೊತೆ ಆಯುರ್ವೇದ ಚೂರ್ಣ ಮಿಕ್ಸ್ ಮಾಡಬಹುದು.

2. ನೆಲ್ಲಿಕಾಯಿ

ನೆಲ್ಲಿಕಾಯಿ ಹೇಗೆ ಬಳಸಿದರೂ ಆರೋಗ್ಯಕರ. ನೆಲ್ಲಿಕಾಯಿಯನ್ನು ಹಾಗೆ ಬೇಕಾದರೆ ತಿನ್ನಬಹುದು ಅಥವಾ ಪುಡಿ ಮಾಡಿ ತಿನ್ನಬಹುದು. ನೆಲ್ಲಿಕಾಯಿ ದಿನಾ ತಿನ್ನಿ, ಬಿಳುಪು ಹೋಗುವ ಸಮಸ್ಯೆ ಕಡಿಮೆಯಾಗುವುದು. ನೆಲ್ಲಿಕಾಯಿ ಜ್ಯೂಸ್‌ ತೆಗೆದುಕೊಳ್ಳಬಹುದು ಅಥವಾ ನೆಲ್ಲಿಕಾಯಿ ಪುಡಿಯನ್ನು ನೀರಿನಲ್ಲಿ ಮಿಕ್ಸ್ ಮಾಡಿ ಸೇವಿಸಬಹುದು.

3. ದಾಳಿಂಬೆ

ಬಿಳುಪು ಹೆಚ್ಚಾಗಿ ಸುಸ್ತು, ತಲೆಸುತ್ತು ಈ ಬಗೆಯ ಸಮಸ್ಯೆ ಕಂಡು ಬರುತ್ತಿದ್ದರೆ ದಾಳಿಂಬೆ ಸೇವಿಸಿ. ಪ್ರತಿದಿನ ದಾಳಿಂಬೆ ಜ್ಯೂಸ್‌ ಕುಡಿಯಿರಿ. ಪ್ರತಿದಿನ ಬೆಳಗ್ಗೆ ಒಂದು ಲೋಟ ದಾಳಿಂಬೆ ಜ್ಯೂಸ್‌ ಕುಡಿಯಿರಿ.

4.ಸೀಬೆಕಾಯಿ ಎಲೆ

ಸೀಬೆಕಾಯಿ ಎಲೆಯನ್ನು ಅನೇಕ ಸಮಸ್ಯೆಗಳಿಗೆ ಮನೆಮದ್ದಾಗಿ ಬಳಸಲಾಗುವುದು. ಸೀಬೆಕಾಯಿ ಎಲೆ ಬಳಸಿ ಬಿಳುಪು ಹೋಗುವುದು ಕೂಡ ತಡೆಯಬಹುದು. ಸ್ವಲ್ಪ ಸೀಬೆಕಾಯಿ ಎಲೆ ತಂದು ಅದನ್ನು ನೀರಿನಲ್ಲಿ ಹಾಕಿ ಕುದಿಸಿ ಆ ನೀರನ್ನು ಬೆಳಗ್ಗೆ ಕುಡಿಯಿರಿ. ಬಿಳುಪು ಹೋಗುವುದು ಬೇಗನೆ ನಿಲ್ಲಲು ದಿನದಲ್ಲಿ ಎರಡು ಬಾರಿ ಕುಡಿಯಿರಿ.

5. ಶುಂಠಿ

ಶುಂಠಿಯನ್ನು ಬಿಳುಪು ಹೋಗುವುದು ತಡೆಗಟ್ಟಲು ಮನೆಮದ್ದಾಗಿ ಕೂಡ ಬಳಸಬಹುದು. ಒಂದು ಲೀಟರ್ ನೀರಿಗೆ 2 ಚಮಚ ಶುಂಠಿ ಪುಡಿ ಹಾಕಿ ಮಿಕ್ಸ್ ಕುಡಿಯಿರಿ, ಅಥವಾ ಸ್ವಲ್ಪ ಶುಂಠಿ ತೆಗೆದು ಜಗಿದು ಕೂಡ ತಿನ್ನಬಹುದು. ಈ ರೀತಿ ಮೂರು ವಾರಗಳ ಮಾಡಿದರೆ ಫಲಿತಾಂಶ ತಿಳಿಯುವುದು.

6 ಅರಿಶಿಣ

ಅರಿಶಿಣ ಕೂಡ ಅದಿಕ ಬಿಳುಪು ಹೋಗುವುದು ತಡೆಗಟ್ಟಲು ಪರಿಣಾಮಕಾರಿ. ಒಂದು ಚಮಚ ಅರಿಶಿಣ ಪುಡಿ ಅಥವಾ ಒಂದು ತುಂಡು ಅರಿಶಿಣವನ್ನು ಎರಡು ಎಸಳು ಬೆಳ್ಳುಳ್ಳಿ ಜೊತೆ ದಿನಾ ತಿನ್ನಿ. ಈ ರೀತಿ ಪ್ರತಿದಿನ ಮಾಡಿದರೆ ಕೆಲವೇ ವಾರಗಳಲ್ಲಿ ಒಳ್ಳೆಯ ಫಲಿತಾಂಶ ಕಾಣುವಿರಿ.

7. ಬಾಳೆಹಣ್ಣು

ಅಧಿಕ ಬಿಳುಪು ಹೋಗುತ್ತಿದ್ದರೆ ಪ್ರತಿದಿನ ಒಂದು ಬಾಳೆಹಣ್ಣು ತಿನ್ನಿ. ಇದರಲ್ಲಿರುವ ಪೋಷಕಾಂಶಗಳು ಸುಸ್ತು ಕೂಡ ಕಡಿಮೆ ಮಾಡುತ್ತದೆ.

ಇತರ ಟಿಪ್ಸ್

* ಕರಿದ ಪದಾರ್ಥಗಳು, ಖಾರ ಅಧಿಕವಿರುವ ಪದಾರ್ಥಗಳು, ಹುಳಿ ಪದಾರ್ಥಗಳು, ಮೈದಾ, ಉಪ್ಪಿನಕಾಯಿ , ಹುದುಗು ಬರಿಸಿದ ಆಹಾರ, ಚೀಸ್‌, ಮದ್ಯ ಈ ಬಗೆಯ ಆಹಾರ ಸೇವಿಸಬೇಡಿ.

* ಮೊಸರು ಸೇವಿಸಿ, ಆದರೆ ರಾತ್ರಿ ಹೊತ್ತಿನಲ್ಲಿ ಸೇವಿಸಬೇಡಿ.

* ಜನನೇಂದ್ರೀಯವನ್ನು ಸ್ವಚ್ಛವಾಗಿಡಿ

* ನೈಲಾನ್ ಪ್ಯಾಂಟೀಸ್ ಬಳಸಬೇಡಿ, ಕಾಟನ್ ಪ್ಯಾಂಟೀಸ್ ಬಳಸಿ.

* ಲೈಂಗಿಕಕ್ರಿಯೆಗೆ ಮುಂಚೆ ನಿಮ್ಮ ಸಂಗಾತಿ ಬಳಿ ಅವರ ಖಾಸಗಿ ಭಾಗ ತೊಳೆಯಲು ಹೇಳಿ

* ಅಸುರಕ್ಷಿತ ಲೈಂಗಿಕ್ರಿಯೆ ನಡೆಸಬೇಡಿ

* ಸ್ವಂತ ಚಿಕಿತ್ಸೆ ಮಾಡಬೇಡಿ

* ತುಂಬಾ ಸುವಾಸನೆ ಸೋಪು ಬಳಸಬೇಡಿ, ಸುಗಂಧದ್ರವ್ಯ ಬಳಸಬೇಡಿ

* ಸಾಕಷ್ಟು ನೀರು ಕುಡಿಯಿರಿ.