ಪಾದಗಳಲ್ಲಿ ನೋವೇ? ಈ ಮನೆಮದ್ದು ಟ್ರೈ ಮಾಡಿ

1. ಅರಿಶಿಣ

ಮೂಳೆ ಸಂಬಂಧಿತ ಸಮಸ್ಯೆಗಳಿಗೆ ಅರಿಶಿಣ ಕೂಡ ಅತ್ಯುತ್ತಮವಾದ ಮನೆಮದ್ದಾಗಿದೆ. ಇದು ಊತ, ನೋವು ಕಡಿಮೆ ಮಾಡುವಲ್ಲಿ ಸಹಕಾರಿ. ಪಾದಗಳಲ್ಲಿ ನೋವು ಕಂಡು ಬಂದರೆ ದಿನದಲ್ಲಿ 8ಗ್ರಾಂನಷ್ಟು ಅರಿಶಿಣ ನಮ್ಮ ಆಹಾರಕ್ರಮದಲ್ಲಿ ಸೇರಿಸಿ, ಸಂಧಿವಾತ ಸಮಸ್ಯೆ ಇರುವವರು ದಿನದಲ್ಲಿ 2ಗ್ರಾಂನಷ್ಟು ಅರಿಶಿಣ ಸೇವಿಸುವುದು ಒಳ್ಳೆಯದು.

2. ಶುಂಠಿ ಕಂಪ್ರೆಸ್

ಒಂದು ಚಿಕ್ಕ ತುಂಡು ಅರಿಶಿಣವನ್ನು ತುರಿದು ಒಂದು ಬೌಲ್‌ನಲ್ಲಿ ಹಾಕಿ, ಅದಕ್ಕೆ ಎರಡು ಕಪ್ ನೀರು, 2 ಚಮಚ ಚಕ್ಕೆ ಪುಡಿ ಹಾಕಿ ಆ ಮಿಶ್ರಣವನ್ನು ಸ್ವಲ್ಪ ಹೊತ್ತು ಬಿಡಿ. ಅದಕ್ಕೆ ಒಂದು ಕಾಟನ್ ಬಟ್ಟೆ ಅದ್ದಿ ಸ್ವಲ್ಪ ನೀರು ಹಿಂಡಿ, ಆ ಬಟ್ಟೆಯನ್ನು ಪಾದಗಳಿಗೆ ಒತ್ತಿ, ಈ ರೀತಿ 10-15ನಿಮಿಷ ಈ ರೀತಿ ಮಾಡಿ, ಈ ರೀತಿ ದಿದನಲ್ಲಿ ಮೂರು ಬಾರಿ ಮಾಡಿ ನೋವು ಕಡಿಮೆಯಾಗುವುದು.

3. ಆ್ಯಪಲ್ ಸೈಡರ್ ವಿನೆಗರ್

ಪಾದಗಳಲ್ಲಿ ನೋವು ಉಂಟಾಗುವುದನ್ನು ತಡೆಗಟ್ಟುವಲ್ಲಿ ಆ್ಯಪಲ್ ಸೈಡರ್ ವಿನೆಗರ್ ಪರಿಣಾಮಕಾರಿಯಾಗಿದೆ. ಒಂದು ಚಮಚ ಆ್ಯಪಲ್ ಸೈಡರ್ ವಿನೆಗರ್ ಅನ್ನು ಬೆಳಗ್ಗೆ ಒಂದು ಲೋಟ ಬಿಸಿ ನೀರಿಗೆ ಹಾಕಿ ಅದಕ್ಕೆ ಸ್ವಲ್ಪ ಜೇನು ಹಾಕಿ ಕುಡಿಯಿರಿ. ನಂತರ ಅರ್ಧ ಬಕೆಟ್‌ ಬಿಸಿ ನೀರಿಗೆ 1/4 ಕಪ್ ವಿನೆಗರ್‌ ಹಾಕಿ ಅದರಲ್ಲಿ ಪಾದಗಳನ್ನು ಇಟ್ಟು 15 ನಿಮಿಷ ವಿಶ್ರಾಂತಿ ತೆಗೆದುಕೊಳ್ಳಿ. ಈ ರೀತಿ ಮಾಡುವುದರಿಂದ ಪಾದಗಳಲ್ಲಿ ನೋವು ಕಡಿಮೆಯಾಗುವುದು.

4. ಬೆಳ್ಳುಳ್ಳಿ

ಒಂದು ಅಧ್ಯಯನದಲ್ಲಿ ಪಿಎಓಡಿ (peripheral arterial occlusive diseases) ಸಮಸ್ಯೆ ಇರುವ 78 ರೋಗಿಗಳಿಗೆ ಪ್ರತಿದಿನ 400ಮಿಗ್ರಾಂ ಬೆಳ್ಳುಳ್ಳಿ ಪುಡಿ ನೀಡಲಾಗಿತ್ತು. ಇದು ರಕ್ತಸಂಚಲನಕ್ಕೆ ಸಹಕಾರಿಯಾಗಿ ಅವರ ಪಾದಗಳಲ್ಲಿದ್ದ ನೋವು ಕಡಿಮೆಯಾಗುವಲ್ಲಿ ಸಹಕಾರಿಯಾಯಿತು ಎಂಬುವುದು ತಿಳಿದು ಬಂತು.

ಪಾದ ನೋವು ಇರುವವರು 3-4 ಎಸಳು ಬೆಳ್ಳುಳ್ಳಿಯನ್ನು ಸಾಸಿವೆ ಎಣ್ಣೆಯಲ್ಲಿ ಕುದಿಸಿ, ಆ ಎಣ್ಣೆಯಿಂದ ಪಾದಗಳಿಗೆ ಮಸಾಜ್‌ ಮಾಡಬೇಕು. ಹೀಗೆ ಮಾಡುವುದರಿಂದ ಪಾದಗಳಲ್ಲಿ ಕಂಡು ಬರುತ್ತಿದ್ದ ನೋವು ಕಡಿಮೆಯಾಗುವುದು. ರಾತ್ರಿ ಮಲಗುವಾಗ ಈ ರೀತಿ ಮಸಾಜ್‌ ಮಾಡಿ ಮಲಗಿದರೆ ನೋವು ಕಡಿಮೆಯಾಗಿ ನಿದ್ದೆ ಚೆನ್ನಾಗಿ ಬರುತ್ತದೆ.

5. ಸಾಸಿವೆ

ಸಾಸಿವೆಯನ್ನು ಹಲವಾರು ಸಮಸ್ಯೆಗಳಿಗೆ ಮನೆಮದ್ದಾಗಿ ಬಳಸಲಾಗುವುದು. ಅರ್ಧ ಬಕೆಟ್ ನೀರಿಗೆ ಒಂದು ಮುಷ್ಠಿಯಷ್ಟು ಸಾಸಿವೆ ಹಾಕಿ ಆ ನೀರಿನಲ್ಲಿ ಪಾದಗಳನ್ನು ಊರಿ ಅರ್ಧ ಗಂಟೆ ವಿಶ್ರಾಂತಿ ತೆಗೆದುಕೊಳ್ಳಿ. ಹೀಗೆ ಮಾಡುವುದರಿಂದ ಕೂಡ ನೋವು ಕಡಿಮೆಯಾಗುವುದು.

6. ಇತರ ಸಲಹೆಗಳು:

• ಫಿಶ್ ಆಯಿಲ್ ಸೇವಿಸಿ
• ಬೆಳಗ್ಗೆ ಸ್ವಲ್ಪ ಹೊತ್ತು ಸೂರ್ಯನ ಬಿಸಿಲಿಗೆ ನಿಲ್ಲಿ
• ಮಲಗುವ ಮುನ್ನ ಎಳ್ಳೆಣ್ಣೆಯಿಂದ ಪಾದಗಳಿಗೆ ಮಸಾಜ್ ಮಾಡಿ
• ಅಡುಗೆ ಸೋಡಾವನ್ನು ಬಿಸಿ ನೀರಿಗೆ ಹಾಕಿ ಅದರಲ್ಲಿ ಪಾದಗಳನ್ನು ಸ್ವಲ್ಪ ಹೊತ್ತು ಇಡುವುದರಿಂದಲೂ ನೋವು ಕಡಿಮೆಯಾಗುವುದು,
• ಆಹಾರದಲ್ಲಿ ಹಸಿ ಮೆಣಸಿನಕಾಯಿ ಬಳಸಿ
• ಇನ್ನು ನೋವಿರುವ ಕಡೆ ನೀಲಗಿರಿ ಎಣ್ಣೆ ಹಚ್ಚುವುದರಿಂದಲೂ ನೋವು ಕಡಿಮೆಯಾಗುವುದು.
• ಅಡುಗೆ ಮಾಡಲು ಆಲೀವ್ ಎಣ್ಣೆ ಬಳಸಿ

ಸಲಹೆ: ಮನೆಮದ್ದುಗಳಿಂದ ನೋವು ಕಡಿಮೆಯಾಗದಿದ್ದರೆ ಬೇರೆ ಯಾವುದೋ ರೋಗ್ಯ ಸಮಸ್ಯೆಯಿಂದಾಗಿ ಆ ನೋವು ಕಾಡುತ್ತಿರಬಹುದು, ವೈದ್ಯರಿಗೆ ತೋರಿಸಿ, ಚಿಕಿತ್ಸೆ ಪಡೆದುಕೊಳ್ಳಿ.