ಅತಿಯಾಗಿ ಆಂಟಿಬಯಾಟಿಕ್ ಬಳಸುತ್ತಿರುವ ಭಾರತೀಯರೇ ಅಪಾಯದಿಂದ ಎಚ್ಚೆತ್ತುಕೊಳ್ಳಿ!

ಪ್ರತಿ ಜೀವಕಗಳಿಗೆ ಪ್ರತಿರೋಧ/antibiotic resistance ಬೆಳೆಯಲು ಕಾರಣಗಳೇನು?

ಮನುಷ್ಯ ಮತ್ತು ಪ್ರಾಣಿ ಗಳಿಗೆ ಸೋಂಕನ್ನು ಹರಡುವ ಬ್ಯಾಕ್ಟೀರಿಯಾ ಗಳೇ ಔಷಧಿಗಳಿಗೆ ಪ್ರತಿರೋಧ ಶಕ್ತಿಯನ್ನು ಪಡೆದುಕೊಂಡಾಗ,

ಬ್ಯಾಕ್ಟೀರಿಯಾಗಳ ವಿರುದ್ಧ ಹೋರಾಡಬೇಕಾದ ಆಂಟಿ ಬಯೋಟಿಕ್ ಗಳು ತನ್ನ ಕೆಲಸ ನಿರ್ವಹಿಸುವಲ್ಲಿ ನಿಶಕ್ತ್ಯವಾಗುತ್ತದೆ.

ಬ್ಯಾಕ್ಟೀರಿಯಾ ಗಳೇ ಔಷಧಿಗಳಿಗೆ ಪ್ರತಿ ರೋಧ ಶಕ್ತಿಯನ್ನು ಪಡೆದಾಗ, ಆಂಟಿ ಬಯೋಟಿಕ್ ಗಳು ಬ್ಯಾಕ್ಟೀರಿಯಾಗಳ ಬೆಳವಣಿಗೆಯನ್ನು ನಿಷ್ಪ್ರಯೋಜನ ಗೊಳಿಸಲು ಅಥವಾ ನಿಲ್ಲಿಸಲು ಅಸಮರ್ಥವಾಗುತ್ತದೆ.

ಹೀಗೆ ಬ್ಯಾಕ್ಟೀರಿಯಾಗಳೇ ಪ್ರಬಲ ವಾದಾಗ ಪ್ರತಿರೋಧವು ಸಂಭವಿಸುತ್ತದೆ. ಇಂತಹ ಸಂದರ್ಭದಲ್ಲಿ ಬ್ಯಾಕ್ಟೀರಿಯಾದ ಸೋಂಕಿಗೆ ಚಿಕಿತ್ಸೆ ನೀಡಲು ತುಂಬಾ ಕಷ್ಟವಾಗುತ್ತದೆ.

ಆಂಟಿ ಬಯೋಟಿಕ್ ರೆಸಿಸ್ಟೆನ್ಸ್ ನಿಂದ ಉಂಟಾಗುವ ಅಪಾಯಗಳು

ಹಿಂದೆ ಸಫಲವಾಗಿ ಕೆಲಸ ನಿರ್ವಹಿಸುತ್ತಿದ್ದ ಆಂಟಿ ಬಯೋಟಿಕ್ ಗಳು ತನ್ನ ಪರಿಣಾಮವನ್ನು ಬೀರುವಲ್ಲಿ ನಿಷ್ಪ್ರಯೋಜಕವಾಗುತ್ತದೆ. ಯಾರ ದೇಹದಲ್ಲಿ ಇಂತಹ ಸಮಸ್ಯೆ ಉಂಟಾಗುವುದೋ ಅವರು ಗುಣಮುಖರಾಗುವುದಿರಲಿ ಅವರ ಆರೋಗ್ಯ ಇನ್ನೂ ಹದಗೆಡುತ್ತದೆ.

ಬ್ಯಾಕ್ಟೀರಿಯಾ ಗಳ ಬೆಳವಣಿಗೆ ಹೆಚ್ಚಾಗಿ ಸೋಂಕು ಹೆಚ್ಚಾಗುವ ತನಕ ದೇಹಕ್ಕೆ ಇದು ಅರ್ಥವಾಗುವುದಿಲ್ಲ. ಎಷ್ಟೋ ಸಲ ಈ ತೊಂದರೆಯಿಂದ ಹಾಸ್ಪಿಟಲ್ ಗೆ ಅಡ್ಮಿಟ್ ಆಗಬೇಕಾಗೂ ಬರಬಹುದು.

ಇದರಿಂದ ವಿಪರೀತ ವಾಂತಿ,ಜ್ವರ ಉಂಟಾಗಿ ರೋಗಿಯು ಸಾಕಷ್ಟು ದಿನಗಳು ಬಳಲಿ ನಿಶಕ್ತರಾಗುವ ಸಾಧ್ಯತೆಗಳಿರುತ್ತದೆ ಎಂದು ಆರೋಗ್ಯ ತಜ್ಞರು ಹೇಳಿದ್ದಾರೆ.

ಆಂಟಿ ಬಯೋಟಿಕ್ ರೆಸಿಸ್ಟೆನ್ಸ್ ಸಮಸ್ಯೆ ಯನ್ನು ತಡೆಗಟ್ಟುವುದು ಹೇಗೆ?

• ಡಾಕ್ಟರ್ ಪ್ರಿಸ್ಕ್ರಿಪ್ಷನ್ ಇಲ್ಲದೆ ಔಷಧಿಗಳನ್ನು ಎಂದಿಗೂ ತೆಗೆದುಕೊಳ್ಳಬೇಡಿ.
• ರೋಗಕ್ಕೆ ಚಿಕಿತ್ಸೆ ನೀಡುತ್ತಿರುವಾಗ ಡಾಕ್ಟರ್ ಸಲಹೆಗಳನ್ನು ತಪ್ಪದೇ ಅನುಸರಿಸಿ.
• ಸಮಸ್ಯೆ ಉಂಟಾದಾಗ ನೀವಾಗೇ ಹಳೆ ಪ್ರಿಸ್ಕ್ರಿಪ್ಷನ್ ಅನುಸರಿಸಬೇಡಿ. ವೈದ್ಯರೊಂದಿಗೆ ಚರ್ಚಿಸಿ.
• ಡೋಸ್ ಗಳನ್ನು ಮರೆಯದೆ ತೆಗೆದುಕೊಳ್ಳಿ.
• ಕಾಯಿಲೆ ಗುಣವಾಗುತ್ತಿದೆ ಎಂದು ಅರ್ಧದಲ್ಲಿಯೇ ಔಷಧಿಯನ್ನು ನಿಲ್ಲಿಸಬೇಡಿ. ಪೂರ್ತಿ ಕೋರ್ಸ್ ಮುಗಿಸುವುದರಿಂದ ಪದೇ ಪದೇ ಬ್ಯಾಕ್ಟೀರಿಯಾ ಗಳು ಬೆಳೆಯುವುದಿಲ್ಲ.
• ಆಗಾಗ್ಗೆ ಕೈ ತೊಳೆಯುತ್ತಿರಿ. ದೇಹಕ್ಕೆ ಬ್ಯಾಕ್ಟೀರಿಯಾಗಳು ಸೇರದಂತೆ ನೋಡಿಕೊಳ್ಳಿ.
• ರೋಗ ನಿರೋಧಕಗಳೇ ಮಾರಕ ವಾಗದಂತೆ ಎಚ್ಚರವಹಿಸಿ.