ಇಂತಹ ಕೊಬ್ಬಿನ ಆಹಾರಗಳನ್ನು ತಿಂದರೆ- ದೇಹದ ತೂಕ ಕಡಿಮೆಯಾಗುವುದು!

ಅವಕಾಡೊ

ಅವಕಾಡೊದಲ್ಲಿ ಉನ್ನತ ಮಟ್ಟದಲ್ಲಿ ಕೊಬ್ಬಿನಾಮ್ಲಗೂ ಇದ್ದರೂ ಇದರಲ್ಲಿ ಕಾರ್ಬ್ಸ್ ಇದೆ. ಅವಕಾಡೊದಲ್ಲಿ ಶೇ.77ರಷ್ಟು ಕೊಬ್ಬು ಇದೆ. ಅವಕಾಡೋದಲ್ಲಿ ಏಕಪರ್ಯಾಪ್ತ ಕೊಬ್ಬು ಆಗಿರುವಂತಹ ಒಲೆಯಿಕ್ ಆಮ್ಲವಿದೆ. ಈ ಕೊಬ್ಬಿನಾಮ್ಲವು ಆಲಿವ್ ತೈಲದಲ್ಲೂ ಲಭ್ಯವಿದೆ. ಇದು ಹೆಚ್ಚಿನ ಆರೋಗ್ಯ ಲಾಭಗಳನ್ನು ಹೊಂದಿದೆ. ಪೊಟಾಶಿಯಂ ಕೂಡ ಆಹಾರ ಪಥ್ಯಕ್ಕೆ ಮುಖ್ಯವಾಗಿ ಬೇಕು ಮತ್ತು ಅವಕಾಡೊದಲ್ಲಿ ಅಧಿಕ ಮಟ್ಟದ ಪೊಟಾಶಿಯಂ ಇದೆ. ಇದರಲ್ಲಿ ನಾರಿನಾಂಶವು ಲಭ್ಯವಿದೆ. ನಿಮ್ಮ ಆಹಾರ ಕ್ರಮದಲ್ಲಿ ಅವಕಾಡೊ ಸೇರಿಸಿಕೊಂಡರೆ ಆಗ ನೀವು ಕೊಲೆಸ್ಟ್ರಾಲ್ ಮಟ್ಟವನ್ನು ತಗ್ಗಿಸಬಹುದು. ಈ ಹಣ್ಣು ಕೆಟ್ಟ ಕೊಲೆಸ್ಟ್ರಾಲ್ ನ್ನು ಹೆಚ್ಚಿಸುವುದು ಮತ್ತು ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುವುದು. ಇದರಲ್ಲಿ ಅಧಿಕ ಮಟ್ಟದ ನಾರಿನಾಂಶ ಮತ್ತು ಪೊಟಾಶಿಯಂ ಇರುವ ಕಾರಣದಿಂದಾಗಿ ಅವಕಾಡೊ ಹೃದಯದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.

ಚೀಸ್

ಕೊಬ್ಬಿನಿಂದ ಸಮೃದ್ಧವಾಗಿರುವ ಮತ್ತು ತಿನ್ನಲು ತುಂಬಾ ರುಚಿಯಾಗಿರುವ ಚೀಸ್ ಆರೋಗ್ಯಕ್ಕೆ ಒಳ್ಳೆಯದು ಮತ್ತು ಇದನ್ನು ನಿಮ್ಮ ದಿನನಿತ್ಯದ ಆಹಾರದಲ್ಲಿ ಸೇರಿಸಿಕೊಳ್ಳಿ. ಒಂದು ಸಣ್ಣ ತುಂಬಾ ಚೀಸ್ ಒಂದು ಲೋಟ ಹಾಲಿನಿಂದ ಮಾಡಲಾಗುವುದು. ಚೀಸ್ ಹಾಲಿನ ಉತ್ಪನ್ನವಾಗಿರುವ ಕಾರಣದಿಂದಾಗಿ ಇದರಲ್ಲಿ ಉನ್ನತ ಮಟ್ಟದ ಕ್ಯಾಲ್ಸಿಯಂ, ವಿಟಮಿನ್ ಬಿ12 ಮತ್ತು ಇತರ ಹಲವಾರು ರೀತಿಯ ಪೋಷಕಾಂಶಗಳು ಇವೆ. ಇದರಲ್ಲಿ ಉನ್ನತ ಮಟ್ಟದ ಕೊಬ್ಬು ಇದ್ದರೂ ಒಂದು ಲೋಟ ಹಾಲಿನಿಂದ ಸಿಗುವ ಎಲ್ಲಾ ಪೋಕಾಂಶಗಳು ಸಿಗುವುದು. ಇದನ್ನು ಮಿತವಾಗಿ ಸೇವನೆ ಮಾಡಿದರೆ ಆರೋಗ್ಯಕ್ಕೆ ಒಳ್ಳೆಯದು ಮತ್ತು ಆಹಾರಕ್ಕೂ ರುಚಿ ನೀಡುವುದು. ಇದರಲ್ಲಿ ಇರುವಂತಹ ಕೊಬ್ಬಿನಾಮ್ಲವು ಟೈಪ್-2 ಮಧುಮೇಹ ತಡೆಯುವುದು.

ಡಾರ್ಕ್ ಚಾಕಲೇಟ್

ಡಾರ್ಕ್ ಚಾಕಲೇಟ್ ಕೊಬ್ಬು ಹೆಚ್ಚಿಸುವುದು ಮತ್ತು ಇದನ್ನು ತಿನ್ನದೆ ಇರುವುದು ತುಂಬಾ ಕಷ್ಟವಾಗಿರುವುದು. ಆದರೆ ಡಾರ್ಕ್ ಚಾಕಲೇಟ್ ನಲ್ಲಿ ಶೇ.70ರಷ್ಟು ಕೋಕಾ ಒಳಗೊಂಡಿದ್ದು, ಇದು ಆರೋಗ್ಯಕ್ಕೆ ಒಳ್ಳೆಯದು ಮತ್ತು ಮನಸ್ಥಿತಿ ಸುಧಾರಣೆ ಮಾಡುವುದು. ಡಾರ್ಕ್ ಚಾಕಲೇಟ್ ನಲ್ಲಿ ಶೇ.65ರಷ್ಟು ಕೊಬ್ಬಿನಾಮ್ಲಗಳು ಇವೆ. ಇದರಲ್ಲಿ ಉನ್ನತ ಮಟ್ಟದ ಆ್ಯಂಟಿ ಆಕ್ಸಿಡೆಂಟ್ ಗಳು ಇವೆ. ಇದರಲ್ಲಿ ತಾಮ್ರ, ಮ್ಯಾಂಗನೀಸ್ ಮತ್ತು ಕಬ್ಬಿನಾಂಶವು ಇದೆ. ಡಾರ್ಕ್ ಚಾಕಲೇಟ್ ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡುವುದು ಮತ್ತು ರಕ್ತದೊತ್ತಡ ಕಡಿಮೆ ಮಾಡುವುದು.

ಬೀಜಗಳು

ಬೀಜಗಳಲ್ಲಿ ಉನ್ನತ ಮಟ್ಟದ ಕೊಬ್ಬು ಇದ್ದು, ಇದರಲ್ಲಿ ಉತ್ತಮ ಕೊಬ್ಬು ಇದೆ. ಇದು ಚಯಾಪಚಯ ಕ್ರಿಯೆ ಉತ್ತಮಪಡಿಸುವುದು ಮತ್ತು ಆಹಾರವನ್ನು ಜೀರ್ಣಗೊಳಿಸುವುದು ಹೆಚ್ಚಾಗುವುದು. ಬೀಜಗಳಲ್ಲಿ ಉನ್ನತ ಮಟ್ಟದ ಪ್ರೋಟೀನ್ ಇದೆ ಮತ್ತು ಇದು ಪದೇ ಪದೇ ಹಸಿವಾಗುವುದನ್ನು ತಪ್ಪಿಸುವುದು. ಒಂದು ಹಿಡಿ ಬೀಜಗಳು ಹಸಿವನ್ನು ನಿಯಂತ್ರಿಸುವುದು. ಇದರಿಂದ ಜಂಕ್ ಫುಡ್ ಸಹವಾಸ ತಪ್ಪಿಸವುದು. ನಿಮ್ಮ ಆಹಾರ ಕ್ರಮದಲ್ಲಿ ಸೇರಿಸಿಕೊಳ್ಳಬೇಕಾದ ಇನ್ನು ಕೆಲವು ಆರೋಗ್ಯಕಾರಿ ಕೊಬ್ಬಿನ ಆಹಾರಗಳೆಂದರೆ ಬಾದಾಮಿ, ವಾಲ್ ನಟ್ಸ್, ಪಿಸ್ತಾ ಮತ್ತು ಇನ್ನೂ ಹಲವಾರು.