For Quick Alerts
ALLOW NOTIFICATIONS  
For Daily Alerts

    ಥೈರಾಯ್ಡ್ ಸಮಸ್ಯೆ ನಿವಾರಣೆಗೆ ಅದ್ಭುತ ಸಾರಭೂತ ತೈಲಗಳು

    |

    ಇಂದಿನ ವೇಗದ ಜೀವನ ಶೈಲಿ ಹಾಗೂ ಆಹಾರ ಕ್ರಮದಿಂದಾಗಿ ಹಲವಾರು ಆರೋಗ್ಯ ಸಮಸ್ಯೆಗಳು ನಮ್ಮನ್ನು ಮುತ್ತಿಕ್ಕಿಕೊಳ್ಳುತ್ತಿದೆ. ಇದರಲ್ಲಿ ಥೈರಾಯ್ಡ್ ಕೂಡ ಒಂದಾಗಿದೆ. ಥೈರಾಯ್ಡ್ ಎನ್ನುವುದು ನಮ್ಮ ದೇಹದಲ್ಲಿ ಇರುವಂತಹ ತುಂಬಾ ಸಣ್ಣ ಗ್ರಂಥಿಯಾಗಿದ್ದು, ಇದು ದೇಹದಲ್ಲಿ ಹಲವಾರು ರೀತಿಯ ಕಾರ್ಯಗಳಾಗಿರುವ ಚಯಾಪಚಯ ಕ್ರಿಯೆ, ಮೆದುಳಿನ ಕಾರ್ಯ, ಭಾವನೆ ಮತ್ತು ಇತರ ಕೆಲವೊಂದು ಕಾರ್ಯಗಳನ್ನು ನಿರ್ವಹಿಸುವುದು. ಈ ಗ್ರಂಥಿಯು ಹಾರ್ಮೋನ್ ನ್ನು ಸ್ರವಿಸುವುದರಿಂದ ವಿವಿಧ ಕಾರ್ಯಗಳು ನಡೆಯುವುದು. ಹಾರ್ಮೋನಿನಲ್ಲಿ ಯಾವುದೇ ರೀತಿಯ ಅಸಮತೋಲನ ಕಂಡುಬಂದರೆ ಅದು ನಮ್ಮ ದೇಹದ ಮೇಲೆ ಪರಿಣಾಮ ಬೀರುವುದು.

    ಸಾರಭೂತ ತೈಲಗಳು ನಮ್ಮ ದೇಹಕ್ಕೆ ತುಂಬಾ ಪರಿಣಾಮಕಾರಿ ಮತ್ತು ಹಲವಾರು ರೀತಿಯ ಆರೋಗ್ಯ ಸಮಸ್ಯೆಗಳನ್ನು ಇದು ನಿವಾರಣೆ ಮಾಡುವುದು. ಸಾರಭೂತ ತೈಲವನ್ನು ಇಂದಿನ ದಿನಗಳಲ್ಲಿ ವಿವಿಧ ರೀತಿಯ ಕಾಯಿಲೆಗಳ ಪರಿಹಾರಕ್ಕಾಗಿ ಬಳಸಲಾಗುತ್ತದೆ. ಸಾರಭೂತ ತೈಲದಿಂದ ಥೈರಾಯ್ಡ್ ಸಮಸ್ಯೆ ಕೂಡ ನಿವಾರಣೆ ಮಾಡಬಹುದು ಎಂದು ತಿಳಿದುಬಂದಿದೆ. ನಿಮಗೆ ಥೈರಾಯ್ಡ್ ಸಮಸ್ಯೆಯಿದ್ದರೆ ಆಗ ನೀವು ಸಾರಭೂತ ತೈಲ ಬಳಸಿಕೊಂಡು ಈ ಸಮಸ್ಯೆಯನ್ನು ಕಡಿಮೆ ಮಾಡಬಹುದು. ಥೈರಾಯ್ಡ್ ಹಾರ್ಮೋನುಗಳ ಸಮತೋಲನ ಕಾಪಾಡಲು ವಿವಿಧ ರೀತಿಯ ಸಾರಭೂತ ತೈಲಗಳು ಯಾವ ರೀತಿಯಿಂದ ನಿಮಗೆ ನೆರವಾಗುವುದು ಎಂದು ಈ ಲೇಖನದ ಮೂಲಕ ತಿಳಿಯಿರಿ.

    ಸಾಂಬ್ರಾಣಿ ಎಣ್ಣೆ

    ಸಾಂಬ್ರಾಣಿ ಎಣ್ಣೆ

    ಸಾಂಬ್ರಾಣಿ ಎಣ್ಣೆ ಬಗ್ಗೆ ನೀವು ಕೇಳಿರಬಹುದು. ಇದು ಉರಿಯೂತ ಶಮನಕಾರಿ ಗುಣ ಹೊಂದಿದೆ. ಇದು ಥೈರಾಯ್ಡ್ ಸಮಸ್ಯೆಗೆ ತುಂಬಾ ಲಾಭಕಾರಿ. ಥೈರಾಯ್ಡ್ ಹಾರ್ಮೋನುಗಳ ಬದಲಾವಣೆಯಿಂದಾಗಿ ದೇಹದೊಳಗೆ ಉರಿಯೂತ ಉಂಟಾಗುವುದು. ಸಾಂಬ್ರಾಣಿ ಎಣ್ಣೆಯು ಉರಿಯೂತ ಶಮನ ಮಾಡಲು ನೆರವಾಗುವುದು ಮತ್ತು ಹಾರ್ಮೋನ್ ನ ಸಮತೋಲನ ಕಾಯ್ದುಕೊಳ್ಳುವುದು. ಇದು ಹೈಪರ್ ಮತ್ತು ಹೈಪೋಥೈರಾಯ್ಡಿಸಮ್ ನಲ್ಲಿ ತುಂಬಾ ಪರಿಣಾಮಕಾರಿಯಾಗಿರುವುದು. ಸ್ವಲ್ವ ಸಾಂಬ್ರಾಣಿ ಎಣ್ಣೆಯನ್ನು ಅಂಗೈಗೆ ಹಾಕಿಕೊಂಡು ಅದರಿಂದ ನಿಮ್ಮ ಸಂಪೂರ್ಣ ದೇಹಕ್ಕೆ ಮಸಾಜ್ ಮಾಡಿಕೊಳ್ಳಿ. ಹೊಟ್ಟೆಯ ಭಾಗ, ಕುತ್ತಿಗೆಯ ಹಿಂಭಾಗ ಮತ್ತು ಪಾದದ ಅಡಿಗೂ ಮಸಾಜ್ ಮಾಡಿಕೊಳ್ಳಲು ಮರೆಯಬೇಡಿ. ಇದಕ್ಕೆ ನೀವು ಕೆಲವು ಹನಿ ತೆಂಗಿನ ಎಣ್ಣೆ ಕೂಡ ಮಿಶ್ರಣ ಮಾಡಬಹುದು. ಸಾಂಬ್ರಾಣಿ ಎಣ್ಣೆಯನ್ನು ಮತ್ತೊಂದು ರೀತಿಯಿಂದ ಬಳಸುವ ವಿಧಾನವೆಂದರೆ ಕೆಲವು ಹನಿ ಎಣ್ಣೆಯನ್ನು ಒಂದು ಲೋಟ ನೀರಿಗೆ ಹಾಕಿಡಿ ಮತ್ತು ಇದನ್ನು ಪ್ರತಿನಿತ್ಯವು ಸೇವನೆ ಮಾಡಿ.

    ಲೆಮನ್ ಗ್ರಾಸ್

    ಲೆಮನ್ ಗ್ರಾಸ್

    ಲೆಮನ್ ಗ್ರಾಸ್ ಎಣ್ಣೆಯು ಹೈಪೋಥೈರಾಯ್ಡಿಸಮ್ ನಿವಾರಣೆ ಮಾಡಲು ನಿಮಗೆ ನೆರವಾಗುವುದು. ಇದು ತುಂಬಾ ಪ್ರಬಲ ಉರಿಯೂತ ಶಮನಕಾರಿ ಗುಣ ಹೊಂದಿದೆ. ಥೈರಾಯ್ಡ್ ಸಮೀಪ ಊತವಿದ್ದರೆ ಆಗ ನೀವು ಲೆಮನ್ ಗ್ರಾಸ್ ಎಣ್ಣೆಯನ್ನು ಹಚ್ಚಿಕೊಂಡರೆ ಅದು ತುಂಬಾ ಪರಿಣಾಮಕಾರಿಯಾಗಿ ಇರುವುದು. ಲೆಮನ್ ಗ್ರಾಸ್ ಎಣ್ಣೆಯನ್ನು ನೇರವಾಗಿ ಹಚ್ಚಿಕೊಂಡರೂ ಅದರಿಂದ ಪರಿಹಾರ ಸಾಧ್ಯ. ಕೆಲವು ಹನಿ ಲೆಮನ್ ಗ್ರಾಸ್ ನ್ನು ತೆಗೆದುಕೊಂಡು ಅದರ ಸುಗಂಧವನ್ನು ಮೂಗಿನ ಮೂಲಕ ಒಳಗೆ ಎಳೆದುಕೊಳ್ಳಬೇಕು. ಥೈರಾಯ್ಡ್ ಹಾರ್ಮೋನು ಅಸಮತೋಲನ ನಿವಾರಣೆ ಮಾಡಲು ಇನ್ನು ಹಲವಾರು ವಿಧಾನಗಳು ಇವೆ. ಕೆಲವು ಹನಿ ಲೆಮನ್ ಗ್ರಾಸ್ ಎಣ್ಣೆಯನ್ನು ತೆಂಗಿನ ಎಣ್ಣೆ ಜತೆಗೆ ಮಿಶ್ರಣ ಮಾಡಿಕೊಳ್ಳಿ ಮತ್ತು ಇದನ್ನು ನಿಮ್ಮ ಸಂಪೂರ್ಣ ದೇಹಕ್ಕೆ ಹಚ್ಚಿಕೊಳ್ಳಿ.

    Most Read: ಥೈರಾಯ್ಡ್ ಗ್ರಂಥಿಯ ಅಪಾಯದ ಲಕ್ಷಣಗಳು, ಎಚ್ಚರವಾಗಿರಿ!

    ಲ್ಯಾವೆಂಡರ್

    ಲ್ಯಾವೆಂಡರ್

    ಲ್ಯಾವೆಂಡರ್ ಎಣ್ಣೆಯು ದೇಹಕ್ಕೆ ಶಮನ ನೀಡುವುದು. ಇದು ಆತಂಕ ಮತ್ತು ಹೈಪೋಥೈರಾಯ್ಡಿಸಮ್ ನ್ನು ನಿವಾರಣೆ ಮಾಡಲು ಸಹಕಾರಿಯಾಗಿದೆ. ಇದರಲ್ಲಿ ಉರಿಯೂತ ಶಮನಕಾರಿ ಗುಣಗಳು ಇವೆ. ಇದು ಹಾರ್ಮೋನು ಸಮತೋಲನ ಮಾಡುವುದು ಮತ್ತು ತುಂಬಾ ಬಲವಾದ ಸುಗಂಧ ಹೊಂದಿದೆ. ಸ್ವಲ್ಪ ಲ್ಯಾವೆಂಡರ್ ಎಣ್ಣೆ ತೆಗೆದುಕೊಂಡು ಅದರ ಸುಗಂಧವನ್ನು ನೀವು ಮೂಗಿನ ಮೂಲಕ ಎಳೆದುಕೊಳ್ಳಬಹುದು. ಇದನ್ನು ಗಾಳಿಯಲ್ಲಿ ಬಿಟ್ಟಾಗ ಅದು ಶಾಂತಗೊಳಿಸುವ ಗುಣ ಹೆಚ್ಚಿಸುವುದು ಮತ್ತು ಮನಸ್ಸನ್ನು ಕೂಡ ಶಾಂತಗೊಳಿಸುವುದು.

    ಶ್ರೀಗಂಧದ ಎಣ್ಣೆ

    ಶ್ರೀಗಂಧದ ಎಣ್ಣೆ

    ಶ್ರೀಗಂಧದ ಎಣ್ಣೆಯಲ್ಲಿ ವಿವಿಧ ರೀತಿಯ ಗುಣಗಳು ಇದ್ದು, ಇದು ಒತ್ತಡ ಹಾಗೂ ಆತಂಕವನ್ನು ನಿವಾರಣೆ ಮಾಡುವುದು. ಕೆಲವು ಹನಿ ಶ್ರೀಗಂಧದ ಎಣ್ಣೆಯನ್ನು ಬಳಸಿಕೊಂಡು ನೀವು ಥೈರಾಯ್ಡ್ ಸಮಸ್ಯೆ ನಿವಾರಣೆ ಮಾಡಬಹುದು. ಶ್ರೀಗಂಧದ ಎಣ್ಣೆಯ ಸುವಾಸನೆಯನ್ನು ನೀವು ಮೂಗಿನ ಮೂಲಕ ಒಳಗೆ ಎಳೆದುಕೊಳ್ಳಿ ಅಥವಾ ಕೆಲವು ಹನಿ ತೆಂಗಿನ ಎಣ್ಣೆ ಮತ್ತು ಕೆಲವು ಹನಿ ಶ್ರೀಗಂಧದ ಎಣ್ಣೆ ಮಿಶ್ರಣ ಮಾಡಿಕೊಳ್ಳಿ. ಈ ಮಿಶ್ರಣವನ್ನು ಕುತ್ತಿಗೆ, ಹೊಟ್ಟೆ ಮತ್ತು ಪಾದಗಳಿಗೆ ಹಚ್ಚಿಕೊಳ್ಳಿ.

    Most Read: ಥೈರಾಯ್ಡ್ ಸಮಸ್ಯೆಯ ಮೌನ ಲಕ್ಷಣಗಳು-ನಿಮಗೂ ಶಾಕ್ ಆಗಬಹುದು!!

    ರೋಸ್ಮೆರಿ ಎಣ್ಣೆ

    ರೋಸ್ಮೆರಿ ಎಣ್ಣೆ

    ಥೈರಾಯ್ಡ್ ಹಾರ್ಮೋನುಗಳನ್ನು ನಿಯಂತ್ರಿಸುವಲ್ಲಿ ಪ್ರಮುಖ ಪಾತ್ರ ವಹಿಸುವಂತಹ ಸಾರಭೂತ ತೈಲಗಳಲ್ಲಿ ರೋಸ್ಮೆರಿ ಎಣ್ಣೆಯು ಒಂದಾಗಿದೆ. ಇದು ಉರಿಯೂತ ಕಡಿಮೆ ಮಾಡುವುದು ಮತ್ತು ಥೈರಾಯ್ಡ್ ಗ್ರಂಥಿಗೆ ಉತ್ತೇಜನ ನೀಡುವುದು. ಥೈರಾಯ್ಡ್ ಹಾರ್ಮೋನುಗಳ ಅಸಮತೋಲನದಿಂದ ಉಂಟಾಗಿರುವಂತಹ ನಿಶ್ಯಕ್ತಿಯನ್ನು ಇದು ದೂರ ಮಾಡುವುದು. ಇದು ಹೈಪೋಥೈರಾಯ್ಡಿಸಮ್ ಗೆ ಪರಿಹಾರ ನೀಡುವುದು. ಕೆಲವು ಹನಿ ರೋಸ್ಮೆರಿ ಎಣ್ಣೆ ತೆಗೆದುಕೊಂಡು ಅದನ್ನು ಸುಗಂಧಿತ ತೈಲದೊಂದಿಗೆ ಮಿಶ್ರಣ ಮಾಡಿಕೊಳ್ಳಿ. ತೆಂಗಿನ ಎಣ್ಣೆ ಅಥವಾ ಆಲಿವ್ ತೈಲವನ್ನು ನೀವು ಇದಕ್ಕೆ ಮಿಶ್ರಣ ಮಾಡಬಹುದು. ಈ ಮಿಶ್ರಣವನ್ನು ನೀವು ಕುತ್ತಿಗೆ ಮತ್ತು ದೇಹದ ಇತರ ಭಾಗಗಳಿಗೆ ಹಚ್ಚಿಕೊಳ್ಳಬಹುದು.

    ಈ ಸಾರಭೂತ ತೈಲಗಳನ್ನು ನೀವು ನಿತ್ಯವು ಬಳಸುವ ಜತೆಗೆ ಪ್ರತಿನಿತ್ಯವು ವ್ಯಾಯಾಮ ಮಾಡಬೇಕು. ನೀವು ವೈದ್ಯರನ್ನು ಭೇಟಿಯಾಗಿ ಅವರೊಂದಿಗೆ ಸಮಲೋಚನೆ ಮಾಡಿಕೊಂಡು ಆಹಾರ ಕ್ರಮದಲ್ಲಿ ಬೇಕಾಗಿರುವಂತಹ ಕೆಲವೊಂದು ಬದಲಾವಣೆಗಳನ್ನು ಮಾಡಿಕೊಳ್ಳಬೇಕು.

    ಸರಿಯಾದ ಜೀವನ ಕ್ರಮ ಮತ್ತು ಆಹಾರ ಕ್ರಮವನ್ನು ಪಾಲಿಸಿಕೊಂಡು ಹೋದರೆ ಆಗ ಥೈರಾಯ್ಡ್ ಸಮಸ್ಯೆ ಕೂಡ ನಿವಾರಣೆ ಮಾಡಬಹುದು. ಸಾರಭೂತ ತೈಲದೊಂದಿಗೆ ನೀವು ಆರೋಗ್ಯಕರ ಜೀವನಶೈಲಿ ಹಾಗೂ ಆಹಾರ ಕ್ರಮ ಪಾಲಿಸಿಕೊಂಡು ಹೋಗಬೇಕು. ಇದು ಥೈರಾಯ್ಡ್ ಸಮಸ್ಯೆಯ ಪರಿಹಾರಕ್ಕೆ ತುಂಬಾ ಲಾಭಕಾರಿ ಆಗಿ ಪರಿಣಮಿಸಲಿದೆ.

    English summary

    Know Best Essential Oils for Thyroid Hormones

    Thyroid conditions have now become common due to lifestyle and eating habits. Thyroid is a small gland inside the human body which controls many functions like metabolism, brain function, emotions and many other processes. This gland secretes hormones which control the various functions. Imbalance in hormones can affect the various functions of the body. Essential oils are highly beneficial for the body and can treat various health problems
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more