ಸಂಗಾತಿಯೊಂದಿಗೆ ಸೆಕ್ಸ್ ಊಟದ ಮೊದಲೋ ನಂತರವೋ ? ಇಲ್ಲಿದೆ ಉತ್ತರ!!!

ಊಟ ಮಾಡುವ ಬಗ್ಗೆ ಒಮ್ಮೆ ಆಲೋಚಿಸಿ

ಊಟವೆಂದರೆ ಸಾಕು ನಾವು ಎಲ್ಲರೂ ತಿನ್ನುವುದಕ್ಕಾಗಿಯೇ ಹುಟ್ಟಿದ್ದೇವೇನೋ ಎಂಬಂತೆ ಸಿಕ್ಕಿದ್ದೆಲ್ಲಾ ತಿನ್ನುತ್ತೇವೆ . ರೋಸ್ಟೆಡ್ ಕೆಬಾಬ್ , ಚಿಕನ್ , ಮಶ್ರೂಮ್ , ಪಿಜ್ಜಾ , ಪಾಸ್ಟಾ. ಇಷ್ಟಕ್ಕೇ ಸುಮ್ಮನಾಗುತ್ತೇವೆಯೇ ? ಇದರ ಜೊತೆಗೆ ತಣ್ಣನೆಯ ಐಸ್ಕ್ರೀಂ , ಗುಲಾಬ್ ಜಾಮೂನ್ , ಒಂದು ಚಿಲ್ಲೆಡ್ ಬಿಯರ್ ಹೀಗೆ ನೋಡುತ್ತಾ ಹೋದರೆ ಪಟ್ಟಿ ಬೆಳೆಯುತ್ತಾ ಹೋಗುತ್ತದೆ. ಆದರೆ ಲೈಂಗಿಕ ಕ್ರಿಯೆಗೆ ಇವೆಲ್ಲಾ ನಿಜಕ್ಕೂ ಸಹಕಾರಿಯೇ ? ನಮ್ಮನ್ನು ಸಲಹೆ ಕೇಳಿದರೆ, ಇಲ್ಲ . ಯಾವಾಗಲೂ ಸ್ವಲ್ಪ ಕಮ್ಮಿ ತಿಂದರೆ ಒಳ್ಳೆಯದು.

ಕಡಿಮೆ ತಿಂದು ನಿಮ್ಮ ಸಂಗಾತಿಯ ಜೊತೆ ಮಿಲನದಲ್ಲಿ ತೊಡಗಿ!

ಕಡಿಮೆ ತಿಂದು ನಿಮ್ಮ ಸಂಗಾತಿಯ ಜೊತೆ ಮಿಲನದಲ್ಲಿ ತೊಡಗುವುದರಿಂದ ನಿಮಗೆ ಹೆಚ್ಚು ಉಪಯೋಗ . ಹೇಗೆಂದರೆ ನಿಮಗೆ ಜಾಸ್ತಿ ತಿಂದ ನಂತರ ಆಗುವಂತೆ ಹೊಟ್ಟೆ ಉಬ್ಬರದ ಸಮಸ್ಯೆ ಆಗುವುದಿಲ್ಲ. ಹೊಟ್ಟೆ ತುಂಬ ತಿಂದ ಮೇಲೆ ನಿದ್ರೆ ಬರುವುದು ಸಾಮಾನ್ಯ .ಇಲ್ಲಿ ಆ ಸಮಸ್ಯೆಯೂ ಇರುವುದಿಲ್ಲ .ಹಾಗಾಗಿ ನಿಮಗೆ ಲೈಂಗಿಕ ಕ್ರಿಯೆಯಲ್ಲಿ ಹೆಚ್ಚು ಆಸಕ್ತಿ ಬೆಳೆಯುತ್ತಾ ಹೋಗುತ್ತದೆ ಮತ್ತು ನಿಮ್ಮ ಸಂಗಾತಿಗೂ ಸಂತೋಷ ಪಡಿಸಿ ನೀವೂ ಸಂತಸದಿಂದಿರುತ್ತೀರಿ.

ಲೈಂಗಿಕ ಕ್ರಿಯೆ ಕೂಡ ಒಂದು ವ್ಯಾಯಾಮ!

ಲೈಂಗಿಕ ಕ್ರಿಯೆಯನ್ನು ಬೇರೆ ರೀತಿಯಲ್ಲಿ ಯೋಚಿಸುವ ಬದಲು ಒಂದು ವ್ಯಾಯಾಮ ಎಂದೇಕೆ ಯೋಚಿಸಬಾರದು ? ಹೌದು ಅದು ಒಂದು ರೀತಿಯ ವ್ಯಾಯಾಮವೇ. ವ್ಯಾಯಾಮ ಮಾಡಲು ನಾವು ಹೇಗೆ ತಯಾರಾಗುತ್ತೇವೆಯೋ ಹಾಗೆ ಇದೂ ಕೂಡ. ಹೊಟ್ಟೆ ತುಂಬ ತಿಂದು ವ್ಯಾಯಾಮ , ದೈಹಿಕ ಕಸರತ್ತು ಮಾಡಲು ಸಾಧ್ಯವೇ ? ಎಂದಿಗೂ ಇಲ್ಲ. ಅಂದಮೇಲೆ ಊಟ ಮಾಡಿ ಲೈಂಗಿಕ ಕ್ರಿಯೆಯಲ್ಲಿ ಪಾಲ್ಗೊಳ್ಳಬೇಕೋ ಬೇಡವೋ ಎಂಬುದಕ್ಕೆ ನಿಮ್ಮ ಬಳಿಯೇ ಉತ್ತರ ಇದೆ ಅಲ್ಲವೇ .

ರಾತ್ರಿಯ ಊಟ ತಡವಾಗಿ ಮಾಡುವುದು

ಈ ವಿಷಯದಲ್ಲಿ ನಮ್ಮ ಸಲಹೆ ಏನೆಂದರೆ ಮೊದಲು ನಿಮ್ಮ ಸಂಗಾತಿಯ ಜೊತೆ ರಾತ್ರಿಯ ತಂಪಾದ ತಂಗಾಳಿಯಲ್ಲಿ ಮಿಲನದಲ್ಲಿ ಮಿಂದು ನಂತರ ಊಟ ಮಾಡುವುದೇ ಲೇಸು. ಯಾವ ಇರಿಸು ಮುರಿಸು ಉಂಟಾಗುವುದಿಲ್ಲ . ಆಮೇಲೆ ಬೇಕಾದರೆ ನಿಮಗೆ ಬೇಕಾದ ಹೋಟೆಲ್ ಅಥವಾ ರೆಸ್ಟೋರೆಂಟ್ಗೆ ಹೋಗಿ ಬೇಕಾದ ಊಟ ಮಾಡಿ ಬನ್ನಿ. ನೆನಪಿರಲಿ ಆಗಲೂ ನಿಮಗಾಗಿ ಮತ್ತು ನಿಮ್ಮ ಬರುವಿಕೆಗಾಗಿ ನಿಮ್ಮ ಮನೆಯಲ್ಲಿ ಕಾಯುತ್ತಿರುವುದು ನಿಮ್ಮ ಮಂಚ ಹಾಸಿಗೆಯೇ !!!