ಒತ್ತಡ ನಿವಾರಣೆಗೆ ಕೆಲವೊಂದು ಪರಿಣಾಮಕಾರಿ ವ್ಯಾಯಾಮಗಳು

ವ್ಯಾಯಾಮ ಮತ್ತು ಒತ್ತಡದ ನಡುವಿನ ಸಂಬಂಧ

ವ್ಯಾಯಾಮದಿಂದ ಒತ್ತಡದ ಹಾರ್ಮೋನುಗಳು ಕಡಿಮೆ ಆಗುವುದು ಮತ್ತು ಉತ್ತಮ ಭಾವನೆ ಉಂಟು ಮಾಡುವಂತಹ ಎಂಡ್ರೋಪಿನ್ ಎನ್ನುವ ಹಾರ್ಮೋನ್ ನ್ನು ಹೆಚ್ಚು ಮಾಡುವುದು. ಇದು ದಿನದ ಆರಂಭದಲ್ಲಿ ನಿಮ್ಮ ಶಕ್ತಿ ಹಾಗೂ ಮನಸ್ಥಿತಿಯನ್ನು ಹೆಚ್ಚಿಸುವುದು.

ನಿಮ್ಮ ಮನಸ್ಸಿನ ಮೇಲೆ ಪರಿಣಾಮ ಬೀರುವಂತಹ ನಕಾರಾತ್ಮಕ ಆಲೋಚನೆ ಹಾಗೂ ಭಾವನೆಗಳನ್ನು ಇದು ದೂರ ಮಾಡುವುದು.

ಜಿಮ್ ಅಥವಾ ಬೇರೆ ಸ್ಥಳದಲ್ಲಿ ಬೇರೆ ಯಾರೊಂದಿಗಾದರೂ ವ್ಯಾಯಾಮ ಮಾಡುತ್ತಲಿದ್ದರೆ ಆಗ ನಿಮಗೆ ಸಾಮಾಜಿಕವಾಗಿ ಬೆರೆಯಲು ನೆರವಾಗುವುದು. ಇದು ಅನಾರೋಗ್ಯ ಸಮಸ್ಯೆಯನ್ನು ದೂರವಿಡುವುದು. ದೇಹವು ಫಿಟ್ ಮತ್ತು ಸದೃಢವಾಗಿರುವ ಕಾರಣದಿಂದಾಗಿ ವ್ಯಾಯಾಮವು ಆತ್ಮವಿಶ್ವಾಸ ಹೆಚ್ಚು ಮಾಡುವುದು.

ವ್ಯಾಯಾಮದಿಂದ ಒತ್ತಡ ನಿವಾರಣೆ ಮಾಡುವುದು ಹೇಗೆ?

ಯೋಗವು ದೇಹ ಹಾಗು ಮನಸ್ಸಿಗೆ ತುಂಬಾ ನೆರವಾಗುವುದು. ಇದು ದೇಹವನ್ನು ಸದೃಢಗೊಳಿಸುವುದು ಮತ್ತು ಏಕಾಗೃತೆ ಹೆಚ್ಚಿಸುವುದು ಮತ್ತು ನಿಮ್ಮೊಳಗೆ ಒಂದು ಅದ್ಭುತವಾಗಿ ಆತ್ಮವಿಶ್ವಾಸ ಉಂಟು ಮಾಡುವುದು. ನೀವು ನಿಯಮಿತವಾಗಿ ಯೋಗಾಭ್ಯಾಸ ಮಾಡುತ್ತಲಿದ್ದರೆ ಆಗ ಒತ್ತಡದ ಮಟ್ಟವನ್ನು ಗಣನೀಯವಾಗಿ ಕಡಿಮೆ ಮಾಡಿಕೊಳ್ಳಬಹುದು. ಧಾನ್ಯ ಮತ್ತು ಉಸಿರಾಟದ ಕೆಲವೊಂದು ವಿಧಾನಗಳಿಂದ ಮಾನಸಿ ಆರೋಗ್ಯ ಸುಧಾರಣೆ ಮಾಡಬಹುದು. ಯೋಗವು ಕಾರ್ಟಿಸಾಲ್ ಮಟ್ಟವನ್ನು ಕಡಿಮೆ ಮಾಡುವುದು. ಇದು ಒತ್ತಡಕ್ಕೆ ಕಾರಣವಾಗಿರುವ ಪ್ರಮುಖ ಹಾರ್ಮೋನ್ ಆಗಿದೆ. ಇದರಿಂದ ಮಾನಸಿಕ ಆರೋಗ್ಯ ಕಾಪಾಡುವಲ್ಲಿ ಯೋಗವು ತುಂಬಾ ಪರಿಣಮಕಾರಿ ಯಾಗಿ ಇರಲಿದೆ ಮತ್ತು ಇದು ಒತ್ತಡವನ್ನು ದೂರ ಮಾಡುವುದು. ಯೋಗದಿಂದ ಖಿನ್ನತೆ ದೂರ ಮಾಡಬಹುದು ಮತ್ತು ನಿದ್ರೆಗೆ ಸಂಬಂಧಿಸಿದ ಕೆಲವೊಂದು ಸಮಸ್ಯೆಗಳು ಕೂಡ ನಿವಾರಣೆ ಆಗುವುದು.

ಪಿಲೇಟ್ಸ್

ಪಿಲೇಟ್ಸ್ ವ್ಯಾಯಮದ ಹೊಸ ವಿಧಾನವಾಗಿದೆ ಮತ್ತು ಇದನ್ನು ಪ್ರತಿಯೊಬ್ಬರು ಪ್ರಯತ್ನಿಸುತ್ತಿರುವರು. ಇದು ಒತ್ತಡ ನಿವಾರಣೆ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸುವುದು. ಇದು ನಿಮ್ಮ ಮನಸ್ಥಿತಿ ಮತ್ತು ಶಕ್ತಿಯ ಮಟ್ಟವನ್ನು ಹೆಚ್ಚು ಮಾಡುವುದು. ಇದರಲ್ಲಿ ಕೂಡ ಉಸಿರಾಟಕ್ಕೆ ಸಂಬಂಧಿಸಿರುವಂತಹ ಕೆಲವೊಂದು ವ್ಯಾಯಾಮಗಳು ಇವೆ. ಪಿಲೇಟ್ಸ್ ನ ಉತ್ತಮ ವಿಧಾನವೆಂದರೆ ನೀವು ಇದನ್ನು ಮನೆಯಲ್ಲೇ ಮಾಡಬಹುದಾಗಿದೆ. ಪಿಲೇಟ್ಸ್ ಗೆ ಸಾಮಾನ್ಯವಾಗಿ 40-45 ನಿಮಿಷ ಬೇಕಾಗುತ್ತದೆ. ಇದು ಏರೋಬಿಕ್ಸ್ ಮತ್ತು ನಾನ್ ಏರೋಬಿಕ್ಸ್ ನ ವ್ಯಾಯಾಮ ವಿಧವಾಗಿದೆ. ಇದು ನಿಮ್ಮ ದೇಹವನ್ನು ವಿವಿಧ ಭಂಗಿಯಲ್ಲಿ ತಿರುಗಿಸುವುದು. ಪಿಲೇಟ್ಸ್ ದೇಹದ ಸ್ಥಿತಿಸ್ಥಾಪಕತ್ವ ಸುಧಾರಣೆ ಮಾಡುವುದು ಮತ್ತು ಸಂಪೂರ್ಣ ದೇಹದ ಮೇಲೆ ನಿಮಗೆ ನಿಯಂತ್ರಣ ಸಾಧಿಸಲು ಇದರಿಂದ ನೆರವಾಗುವುದು.

ಏರೋಬಿಕ್ಸ್

ಏರೋಬಿಕ್ಸ್ ತುಂಬಾ ಮನರಂಜನೆ ನೀಡುವಂತಹ ವ್ಯಾಯಾಮ. ಇದು ಮನಸ್ಸಿಗೆ ಆಹ್ಲಾದ ನೀಡುವುದು ಮತ್ತು ತೂಕ ಕಳೆದುಕೊಳ್ಳಲು ತುಂಬಾ ಪರಿಣಾಮಕಾರಿ. ಹಲವಾರು ಸಂಶೋಧನೆಗಳ ಪ್ರಕಾರ ಏರೋಬಿಕ್ಸ್ ನಿಂದಾಗಿ ಖಿನ್ನತೆ ದೂರ ಮಾಡಬಹುದು ಎಂದು ಕಂಡುಕೊಳ್ಳಲಾಗಿದೆ. ಉಸಿರಾಟ ಮತ್ತು ಹೃದಯಬಡಿತವನ್ನು ಹೆಚ್ಚು ಮಾಡುವ ಮೂಲಕ ಏರೋಬಿಕ್ಸ್ ನಿಮ್ಮ ಸ್ನಾಯುಗಳಿಗೆ ಶಕ್ತಿ ನೀಡುವುದು. ಇದು ವ್ಯಾಯಾಮ ಮತ್ತು ಡ್ಯಾನ್ಸ್ ನ ಸಮ್ಮಿಲನವಾಗಿದೆ. ಇದು ಒತ್ತಡ ನಿವಾರಣೆ ಮಾಡುವುದು.

ದಿನದಲ್ಲಿ 30 ನಿಮಿಷ ಕಾಲ ವ್ಯಾಯಾಮ ಮಾಡಿ. ಇದರಿಂದ ಮಾನಸಿಕ ಹಾಗೂ ದೈಹಿಕವಾಗಿ ಫಿಟ್ ಇರಬಹುದು.