ವಿಶ್ವ ಆಹಾರ ದಿನ 2018: ಮನೆಯಲ್ಲಿ ಆಹಾರ ವ್ಯರ್ಥವಾಗುವುದನ್ನು ತಡೆಯಲು ಸರಳ ಟಿಪ್ಸ್

ಅಡುಗೆ ಮನೆಯಲ್ಲಿ ಕ್ರಿಯಾತ್ಮಕವಾಗಿರಿ

ಅಡುಗೆ ಮಾಡುವುದನ್ನು ತುಂಬಾ ಜಾಣ್ಮೆಯಿಂದ ಕಲಿತುಕೊಂಡರೆ ಆಗ ಆಹಾರವು ವ್ಯರ್ಥವಾಗುವುದು ತಪ್ಪುವುದು. ಯಾಕೆಂದರೆ ನೀವು ಬಳಸುವಂತಹ ಪದಾರ್ಥಗಳು ತುಂಬಾ ಆಯ್ಕೆಯದ್ದಾಗಿರಬೇಕು. ಇದಕ್ಕಾಗಿ ಸ್ವಲ್ಪ ಮಟ್ಟಿನ ಕ್ರಿಯಾತ್ಮಕತೆ ಮತ್ತು ಹಸಿವು ನಿವಾರಣೆ ಮಾಡಲು ಕೆಲವೊಂದು ಸಾಮಾನ್ಯ ಗುರಿಯ ಕಡೆ ಕೆಲಸ ಮಾಡುವ ಮನಸ್ಸು ಬೇಕು.

ಬಾಕಿ ಉಳಿದಿರುವುದನ್ನು ಆದಷ್ಟು ಮರುಬಳಕೆ ಮಾಡಿ

ಬಾಕಿ ಉಳಿದಿರುವ ಎಲ್ಲವನ್ನು ಸೇರಿಸಿಕೊಂಡು ಹೊಸ ಖಾದ್ಯ ಮಾಡಲು ಸಾಧ್ಯವಿಲ್ಲ. ಆದರೆ ಕೆಲವು ಅನ್ನ, ಪದಾರ್ಥ, ಬಾಕಿ ಉಳಿದಿರುವ ಬ್ರೆಡ್ ನ್ನು ಮತ್ತೆ ಮರುಬಳಕೆ ಮಾಡಬಹುದು. ಉಳಿದಿರುವ ಆಹಾರವನ್ನು ತುಂಬಾ ರುಚಿಕರವಾದ ಖಾದ್ಯ ಮಾಡಬಹುದು. ಬಾಕಿ ಉಳಿದಿರುವ ಆಹಾರವನ್ನು ಬಳಕೆ ಮಾಡಿಕೊಂಡು ಹೊಸ ಹಾಗೂ ತಾಜಾ ಖಾದ್ಯ ತಯಾರಿಸಬಹುದು. ಇದನ್ನು ನೀವು ಪ್ರಯತ್ನಿಸಬೇಕು ಮತ್ತು ಇದು ಬಾಕಿ ಉಳಿದಿರುವ ಪದಾರ್ಥವೆಂದು ನಿಮಗೂ ಗೊತ್ತಾಗದು.

ಸಮರ್ಥನೀಯ ಆಹಾರ ಕ್ರಮ ಪಾಲಿಸಿ

ಆರೋಗ್ಯಕರವಾಗಿರುವುದನ್ನು ತಿನ್ನುವುದು ವೆಚ್ಚದಾಯಕವೂ ಅಲ್ಲ ಮತ್ತು ವ್ಯರ್ಥವಾಗುವುದು ಇಲ್ಲ. ಆಹಾರವನ್ನು ವಿವರಿಸುವಂತಹ ಅಗತ್ಯವೂ ಬರಲ್ಲ. ಸರಳ ಹಾಗೂ ಆರೋಗ್ಯಕರವಾಗಿರುವಂತಹ ಪದಾರ್ಥಗಳನ್ನು ಬಳಸಿಕೊಂಡು ಪೋಷಕಾಂಶಗಳಿರುವ ಆಹಾರ ತಯಾರಿಸಬಹುದು. ನಿಮಗೆ ಆಹಾರ ಬಳಸಿಕೊಳ್ಳಲು ಬಯಸಿದರೆ ಆಗ ವ್ಯರ್ಥವಾಗುವುದು ತಪ್ಪುವುದು. ಸಮರ್ಥನೀಯ ಆಹಾರ ಕ್ರಮ ಪಾಲಿಸುವಂತಹ ವಿಡಿಯೋಗಳನ್ನು ಅಥವಾ ಅಡುಗೆ ಮಾಡುವುದನ್ನು ನೋಡಿ ಕಲಿಯಿರಿ.

ವಾಸ್ತವಿಕವಾಗಿ ಶಾಪಿಂಗ್ ಮಾಡಿ

ನೀವು ಶಾಪಿಂಗ್ ಗೆ ಹೋಗುವ ವೇಳೆ ಸಮಯ ವ್ಯರ್ಥ ಮಾಡಿಕೊಳ್ಳದೆ ನಿಮಗೆ ಬೇಕಾಗಿರುವ ವಸ್ತುಗಳನ್ನು ಮಾತ್ರ ಖರೀದಿ ಮಾಡಿ. ಕೆಲವೊಂದು ಸಲ ಅತಿಯಾಗಿ ಖರೀದಿ ಮಾಡಿದರೆ ಅದು ವ್ಯರ್ಥವಾಗುವುದು. ಜಾಣ್ಮೆಯಿಂದ ಶಾಪಿಂಗ್ ಮಾಡಿ ಮತ್ತು ಬೇಕಿರುವುದನ್ನು ಮಾತ್ರ ಖರೀದಿಸಿ. ಹಾಳಾಗುವಂತಹ ಪದಾರ್ಥಗಳನ್ನು ಒಂದು ವಾರದಗೊಳಗೆ ಬಳಸಿಕೊಳ್ಳಿ. ಇದರಿಂದ ವ್ಯರ್ಥವಾಗುವುದು ತಪ್ಪುವುದು.

ಎಕ್ಸ್ ಪೈಯರಿ ಮತ್ತು ಕೊನೆಗೊಳ್ಳುವ ದಿನಾಂಕ ನೋಡಿ

ಆಹಾರ ವ್ಯರ್ಥವಾಗುವುದನ್ನು ತಪ್ಪಿಸಲು ಡಬ್ಬ ಹಾಗೂ ಕ್ಯಾನ್ ಗಳಲ್ಲಿ ಇರುವಂತಹ ಲೇಬಲ್ ಗಳನ್ನು ಸರಿಯಾಗಿ ಓದಿಕೊಳ್ಳಿ. ಇದು ಯಾವಾಗ ಎಕ್ಸ್ ಪೈಯರಿ ಆಗುವುದು ಮತ್ತು ಇದನ್ನು ಎಷ್ಟು ಸಮಯದ ತನಕ ಬಳಸಿಕೊಳ್ಳಬಹುದು ಎಂದು ಸರಿಯಾಗಿ ತಿಳಿಯಿರಿ. ರೆಫ್ರಿಜರೇಟರ್ ನಲ್ಲಿರುವ ಇಂತಹ ಡಬ್ಬಗಳನ್ನು ಸೂಕ್ಷ್ಮವಾಗಿ ಗಮನಿಸಿದರೆ ಆಗ ಆಹಾರ ವ್ಯರ್ಥ ಮಾಡುವುದು ತಪ್ಪುವುದು. ಇದರ ಹೊರತಾಗಿ ಆಹಾರ ವ್ಯರ್ಥ ಮಾಡುವುದರಿಂದ ಆಗುವಂತಹ ತೊಂದರೆ ಮತ್ತು ಆಹಾರವಿಲ್ಲದೆ ಜನರು ಬಳಲುತ್ತಾ ಇರುವುದನ್ನು ನೀವು ನೋಡಬಹುದು. ಉಳಿದ ಆಹಾರವನ್ನು ತೆಗೆದುಕೊಂಡು ಹಸಿದವರಿಗೆ ನೀಡುವ ಸರಕಾರೇತರ ಸಂಸ್ಥೆ(ಎನ್ ಜಿಒ)ಗಳ ಬಗ್ಗೆ ತಿಳಿದುಕೊಂಡು ಅವುಗಳಿಗೆ ನೀಡಿ.