ಹಾಲು ಅಥವಾ ಕಿತ್ತಳೆ ಹಣ್ಣಿನ ಜ್ಯೂಸ್: ಇದರಲ್ಲಿ ಮುಂಜಾನೆಗೆ ಯಾವುದು ಒಳ್ಳೆಯದು?

ಕಿತ್ತಳೆ ಹಣ್ಣಿನ ಜ್ಯೂಸ್

ಇದರಲ್ಲಿ ಇರುವಂತಹ ಆ್ಯಂಟಿಆಕ್ಸಿಡೆಂಟ್ ಗಳು ನಮ್ಮ ದೇಹಕ್ಕೆ ಯಾವುದೇ ಕಾಯಿಲೆಗಳು ಭಾದಿಸದಂತೆ ತಡೆಯುವುದು. ವಿಟಮಿನ್ ಸಿ ಯಿಂದ ಸಮೃದ್ಧವಾಗಿರುವಂತಹ ಕಿತ್ತಳೆ ಹಣ್ಣಿನ ಜ್ಯೂಸ್ ದೇಹವನ್ನು ವಾಯು ಮಾಲಿನ್ಯ, ಹಾನಿಕಾರಕ ಯುವಿ ಕಿರಣಗಳು ಮತ್ತು ಅಪಾಯಕಾರಿ ವಾತಾವರಣದ ಕಲ್ಮಷಗಳಿಂದ ಕಾಪಾಡುವುದು. ಒಂದು ಲೋಟ ಕಿತ್ತಳೆ ಹಣ್ಣಿನ ಜ್ಯೂಸ್ ಕುಡಿದರೆ ಅದು ಆ ದಿನಕ್ಕೆ ಬೇಕಾಗಿರುವ ವಿಟಮಿನ್ ಸಿ ಒದಗಿಸಿಕೊಡುವುದು.

ತೊಂದರೆಗಳು

ಕಿತ್ತಳೆ ಹಣ್ಣಿನ ಜ್ಯೂಸ್ ಪ್ಯಾಕ್ ಗಳಲ್ಲಿ ಬರುವುದು. ಇದರಲ್ಲಿ ಹೆಚ್ಚಿನ ಅಡಗಿರುವಂತಹ ಸಕ್ಕರೆಯು ಇರುವುದು. ನಾವು ತಾಜಾ ಜ್ಯೂಸ್ ನ ಬಗ್ಗೆ ಮಾತನಾಡಿದರೆ ಆಗ ಅದರ ಹೆಚ್ಚಿನ ಪೋಷಕಾಂಶಗಳ ಭಾಗವನ್ನು ನಾವು ತೆಗೆದುಹಾಕುತ್ತೇವೆ. ಇದರಿಂದ ನಾವು ತಾಜಾ ಹಣ್ಣಿನ ಜ್ಯೂಸ್ ಎಂದು ಕುಡಿದರೂ ಇದರಲ್ಲಿ ಇರುವುದು ನೀರು ಮಾತ್ರ. ನೀವು ಮಾರುಕಟ್ಟೆಯಿಂದ ಕಿತ್ತಳೆ ಹಣ್ಣಿನ ಜ್ಯೂಸ್ ಖರೀದಿ ಮಾಡಿದರೆ ಆಗ ಅದರಲ್ಲಿ ರುಚಿಗೆ ಬೇಕಾಗುವ ವಸ್ತುವನ್ನು ಹಾಕಿರಬಹುದು. ಯಾಕೆಂದರೆ ಕಿತ್ತಳೆ ಹಣ್ಣು ಸ್ವಲ್ಪ ಹುಳಿ ಹಾಗೂ ಕಹಿಯಾಗಿರುವುದು. ಕಿತ್ತಳೆ ಜ್ಯೂಸ್ ದಂತಕವಚಕ್ಕೆ ತುಂಬಾ ಹಾನಿಕಾರ ಮತ್ತು ಇದು ಶಾಶ್ವತವಾಗಿ ಅದನ್ನು ತೆಗೆದುಹಾಕಬಹುದು ಎಂದು ವಿಜ್ಞಾನಿಗಳು ಹೇಳುತ್ತಾರೆ.

ಹಾಲು

ನೈಸರ್ಗಿಕದತ್ತವಾಗಿರುವ ಕ್ಯಾಲ್ಸಿಯಂ ಹೊಂದಿರುವ ಹಾಲು ಹಲವಾರು ರೀತಿಯಿಂದ ನಮ್ಮ ದೇಹಕ್ಕೆ ನೆರವಾಗುವುದು ಎಂದು ಅಧ್ಯಯನಗಳು ಹೇಳಿವೆ. ಇಷ್ಟು ಮಾತ್ರವಲ್ಲದೆ ಇದರಲ್ಲಿ ಕ್ಯಾಲ್ಸಿಯಂನೊಂದಿಗೆ ಪ್ರೋಟೀನ್, ವಿಟಮಿನ್ ಬಿ-12, ಆರೋಗ್ಯಕಾರಿ ಕೊಬ್ಬು ಸಹಿತ ಹಲವಾರು ಪೋಷಕಾಂಶಗಳು ಇವೆ. ಹಾಲಿನಲ್ಲಿ ಇರುವಂತಹ ಪೋಷಕಾಂಶಗಳಿಂದಾಗಿ ಇದನ್ನು ಒಂದು ಸಂಪೂರ್ಣ ಊಟವೆಂದು ಪರಿಗಣಿಸಲಾಗಿದೆ.

ತೊಂದರೆಗಳು

ಹಾಲಿನಲ್ಲಿ ಪರಿಷ್ಕರಿಸಿದ ಕೊಬ್ಬು ಇರುವ ಕಾರಣದಿಂದಾಗಿ ಇದು ಹೃದಯದ ಕಾಯಿಲೆ ಮತ್ತು ಬೊಜ್ಜಿಗೆ ಕಾರಣವಾಗುವುದು. ಇದರ ಹೊರತಾಗಿ ಹೆಚ್ಚು ಹಾಲು ಪಡೆಯಬೇಕೆನ್ನುವ ದೃಷ್ಟಿಯಿಂದ ಗೋವುಗಳಿಗೆ ಹಾರ್ಮೋನು ಇಂಜೆಕ್ಷನ್ ನೀಡುವ ಕಾರಣದಿಂದ ಇದು ಕೂಡ ನಮ್ಮ ದೇಹದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಬಹುದು. ನೀವು ಸಾವಯವವಾಗಿರುವಂತಹ ಹಾಲನ್ನು ಸೇವಿಸುವ ಬಗ್ಗೆ ದೃಢಪಡಿಸಿಕೊಳ್ಳಿ. ಅತಿಯಾಗಿ ಹಾಲು ಸೇವಿಸಿದರೆ ಇದರಿಂದ ನಿಮ್ಮ ದೇಹದ ಮೇಲೆ ಅಡ್ಡಪರಿಣಾಮವಾಗಬಹುದು.

ಕಿತ್ತಳೆ ಹಣ್ಣು vs ಹಾಲು

ಈ ಎರಡರ ಮಧ್ಯೆ ಹಾಲು ಮೇಲುಗೈ ಪಡೆಯುತ್ತದೆ. ಮೊದಲನೇಯದಾಗಿ, ಹಾಲಿನಲ್ಲಿ ಹೆಚ್ಚಿನ ಮಟ್ಟದ ಕ್ಯಾಲ್ಸಿಯಂ ಇದೆ ಮತ್ತು ಇದು ಹಲ್ಲುಗಳನ್ನು ಬಲಗೊಳಿಸುವುದು. ಕಿತ್ತಳೆ ಹಣ್ಣಿನ ಜ್ಯೂಸ್ ಮೇಲೆ ಹೇಳಿರುವಂತೆ ದಂತಕವಚಕ್ಕೆ ಹಾನಿಯುಂಟು ಮಾಡುವುದು. ಹಾಲಿನಲ್ಲಿ ಕಿತ್ತಳೆ ಹಣ್ಣಿನ ಜ್ಯೂಸ್ ಗಿಂತ ಹೆಚ್ಚಿನ ಪ್ರೋಟೀನ್ ಇರುವ ಕಾರಣದಿಂದಾಗಿ ಇದು ಹೆಚ್ಚು ತೃಪ್ತಿ ನೀಡುವುದು. ಆರೋಗ್ಯಕಾರಿ ಪ್ರೋಟೀನ್ ನಿಂದಾಗಿ ನೀವು ದಿನವಿಡಿ ಅನಾರೋಗ್ಯಕರ ಆಹಾರ ಸೇವನೆ ಮಾಡುವುದು ತಪ್ಪುವುದು. ಎಂಟು ಗಂಟೆಗಳ ಉಪವಾಸ ಬಿಡಲು ಕಿತ್ತಳ ಕ್ಯೂಸ್ ಗಿಂತ ಹಾಲು ತುಂಬಾ ಒಳ್ಳೆಯದು. ಕಿತ್ತಳೆ ಹಣ್ಣಿನ ಜ್ಯೂಸ್ ನ್ನು ನೀವು ಬೇರೆ ಆಹಾರದೊಂದಿಗೆ ಸೇವಿಸುವ ಕಾರಣದಿಂದ ಇದು ಅಷ್ಟು ಕೆಟ್ಟ ಆಯ್ಕೆಯಲ್ಲ. ಆರೋಗ್ಯಕಾರಿ ಉಪಾಹಾರದೊಂದಿಗೆ ನೀವು ಕಿತ್ತಳೆ ಹಣ್ಣಿನ ಜ್ಯೂಸ್ ಮತ್ತು ಒಂದರ್ಧ ಗಂಟೆ ಬಿಟ್ಟು ಹಾಲನ್ನು ಕುಡಿದರೆ ಅದರಿಂದ ನಿಮಗೆ ಒಳ್ಳೆಯ ಪೋಷಕಾಂಶಗಳು ಲಭ್ಯವಾಗುವುದು.