ಎಳೆನೀರು ಕುಡಿದರೂ ಸಾಕು, ದೇಹದ ತೂಕ ಇಳಿಸಿಕೊಳ್ಳಬಹುದು!

ಚಯಾಪಚಯ ನಿಯಂತ್ರಿಸುವುದು

ನೀರು ದೇಹದ ಚಯಾಪಚಯ ಕ್ರಿಯೆಯನ್ನು ನಿಯಂತ್ರಣ ಮಾಡಿಕೊಂಡು ಕಾರ್ಯನಿರ್ವಹಿಸದೆ ಇರುವುದು ತಡೆಯುವ ಮೂಲಕ ನಿರ್ಜಲೀಕರಣವನ್ನು ತಪ್ಪಿಸುವುದು. ಸೀಯಾಳ ಅಥವಾ ಎಳೆನೀರು ನೀರಿನ ನೈಸರ್ಗಿಕ ಮೂಲವಾಗಿದ್ದು, ದೇಹದಲ್ಲಿ ಚಯಾಪಚಯ ಕ್ರಿಯೆ ಉತ್ತಮಪಡಿಸಿ, ಅದು ಕುಸಿಯದಂತೆ ತಡೆಯುವುದು. ಎಳೆನೀರಿನಲ್ಲಿ ಇರುವಂತಹ ಪೊಟಾಶಿಯಂ ಕೊಬ್ಬನ್ನು ಸ್ನಾಯುವನ್ನಾಗಿ ಪರಿವರ್ತನೆ ಮಾಡುವುದು. ಸ್ನಾಯುಗಳು ಬೆಳೆದಂತೆ ತೂಕವು ಉತ್ತಮವಾಗಿ ಕಡಿಮೆಯಾಗುವುದು. ಯಾಕೆಂದರೆ ಸ್ನಾಯುಗಳು ದೇಹದಲ್ಲಿ ಚಯಾಪಚಯ ಕ್ರಿಯೆ ಹೆಚ್ಚಿಸುವುದು.

ಸ್ನಾಯುಗಳನ್ನು ಬಲಪಡಿಸುವುದು

ಎಳೆನೀರು ದೇಹಕ್ಕೆ ಬೇಕಾಗಿರುವಷ್ಟು ವಿಟಮಿನ್ ಬಿ ಇದೆ. ಇದು ಚಯಾಪಚಯ ಕ್ರಿಯೆಯನ್ನು ಕಾಪಾಡುವುದರೊಂದಿಗೆ ಸ್ನಾಯುಗಳ ಬೆಳವಣಿಗೆ ಹಾಗೂ ಬಲಗೊಳಿಸುವುದು.

ಹಸಿವಿನ ಬಯಕೆ ಕಡಿಮೆ ಮಾಡುವುದು

ಎಳೆನೀರಿನಲ್ಲಿ ಸಿಗುವಂತಹ ನೈಸರ್ಗಿಕ ಗ್ಲೂಕೋಸ್ ನಿಂದಾಗಿ ರಕ್ತನಾಳಗಳು ಗ್ಲೂಕೋಸ್ ಹೀರುವಿಕೆಯನ್ನು ಉತ್ತೇಜಿಸುವುದು. ಇದರಿಂದ ಮಧುಮೇಹ ಕಡಿಮೆ ಮಾಡುವುದು ಮತ್ತು ತಡೆಯುವುದು ಮಾತ್ರವಲ್ಲದೆ, ಹಸಿವಿನ ಬಯಕೆ ತಗ್ಗಿಸುವುದು. ಮಧುಮೇಹ ಮತ್ತು ಅತಿಯಾಗಿ ಆಹಾರ ಸೇವನೆ ಮಾಡುವುದು ತೂಕ ಹೆಚ್ಚಿಸಿಕೊಳ್ಳಲು ಪ್ರಮುಖ ಕಾರಣವಾಗಿದೆ. ಸೀಯಾಳವು ಇದನ್ನು ತಡೆಯುವುದು.

ಕೊಬ್ಬು ರಹಿತ ಆಯ್ಕೆ

ಎಳೆನೀರು ಕೊಬ್ಬು ರಹಿತವಾಗಿರುವಂತಹ ಕೊಲೆಸ್ಟ್ರಾಲ್ ಮುಕ್ತ ಪಾನೀಯವಾಗಿದೆ. ಒಂದು ಕಪ್ ಸೀಯಾಳದಲ್ಲಿ ಖೇವಲ 46 ಕ್ಯಾಲರಿ ಮಾತ್ರ ಇದೆ. ಇದರಿಂದ ತೂಕ ಕಡಿಮೆ ಮಾಡಲು ಬಯಸುವವರಿಗೆ ಇದು ತುಂಬಾ ಒಳ್ಳೆಯದು.

ಜೀರ್ಣಕ್ರಿಯೆ ಸುಧಾರಣೆ

ಎಳೆನೀರು ಅಲ್ಪ ಕೇಂದ್ರೀಕೃತ ತೆಂಗಿನಹಣ್ಣಿನ ಮೂಲವಾಗಿದ್ದು, ತೂಕ ಕಳೆದುಕೊಳ್ಳಲು ಬಯಸುವವರಿಗೆ ವೈದ್ಯರು ಇದನ್ನು ಸಲಹೆ ಮಾಡುವರು. ಸೀಯಾಳ ಮತ್ತು ಲಿಂಬೆ ನೀರು ತೂಕ ಕಳೆದುಕೊಳ್ಳಲು ಬಯಸುವವರಿಗೆ ತುಂಬಾ ಪರಿಣಾಮಕಾರಿ. ಯಾಕೆಂದರೆ ಎರಡರಲ್ಲೂ ಕ್ಷಾರೀಯ ಗುಣಗಳು ಇವೆ. ಸೀಯಾಳ ಮತ್ತು ಲಿಂಬೆರಸವನ್ನು ಸೇವನೆ ಮಾಡಿದರೆ ಇದರಿಂದ ಚಯಾಪಚಯ ಕ್ರಿಯೆ ಹೆಚ್ಚುವುದು ಮತ್ತು ಜೀರ್ಣಕ್ರಿಯೆ ಸುಗಮವಾಗುವುದು.

ಸಕ್ಕರೆ ಪ್ರಮಾಣ ಕಡಿಮೆ

ಎಳೆನೀರಿನಲ್ಲಿ ಸಕ್ಕರೆ ಪ್ರಮಾಣವು ತುಂಬಾ ಕಡಿಮೆ ಇದೆ. ಇದರಿಂದ ಮಧುಮೇಹಿಗಳು ಮತ್ತು ತೂಕ ಕಳೆದುಕೊಳ್ಳಲು ಬಯಸುವವರು ಇದನ್ನು ಬಳಸಿಕೊಳ್ಳಬಹುದು.

ಥೈರಾಯ್ಡ್ ರೋಗಿಗಳಿಗೆ ಒಳ್ಳೆಯದು

ಹೈಪೋಥೈರಾಡಿಸಂನಿಂದ ಬಳಲುತ್ತಿರುವಂತಹ ವ್ಯಕ್ತಿಗಳಿಗೆ ತೂಕ ಕಳೆದುಕೊಳ್ಳಲು ತುಂಬಾ ಕಷ್ಟವಾಗುವುದು. ಎಳೆನೀರನ್ನು ಕುಡಿಯುವ ಕಾರಣದಿಂದಾಗಿ ಥೈರಾಯ್ಡ್ ಕಾರ್ಯವು ಸರಿಯಾಗಿ ಆಗುವುದು. ಈ ಕಾರಣದಿಂದ ತೂಕ ಕಳೆದುಕೊಳ್ಳಲು ತುಂಬಾ ಸಹಕಾರಿಯಾಗುವುದು. ಸೀಯಾಳದಿಂದ ಸಿಗುವಂತಹ ಲಾಭಗಳು ಅಪಾರವಾಗಿದೆ. ಚಯಾಪಚಯ ಹೆಚ್ಚಳ, ಕೊಬ್ಬು ರಹಿತ ಮತ್ತು ಮಧುಮೇಹಿಗಳಿಗೆ ಸಹಕರಿಸುವ ಪಾನೀಯವಾಗಿರುವ ಸೀಯಾಳವು ಇತರ ಕೆಲವೊಂದು ಪೋಷಕಾಂಶಗಳನ್ನು ಹೊಂದಿದ್ದು, ಇದು ಸಂಪೂರ್ಣ ಆರೋಗ್ಯ ಕಾಪಾಡುವುದು. ಕ್ಯಾಲರಿ ಹೆಚ್ಚಿರುವಂತಹ ಪಾನೀಯಗಳಿಗೆ ಇದು ಒಳ್ಳೆಯ ಪರ್ಯಾಯವಾಗಿದೆ. ಮಿಲ್ಕ್ ಶೇಕ್ ಮತ್ತು ಸೋಡಾವು ತೂಕ ಹೆಚ್ಚಿಸುವುದು. ಇನ್ನು ಈ ಎಳೆನೀರಿನಲ್ಲಿ ಅತಿ ಕಡಿಮೆ ಕ್ಯಾಲೋರಿಗಳಿದ್ದು ಅತಿ ಹೆಚ್ಚಿನ ಪೋಷಕಾಂಶಗಳಿರುವ ಕಾರಣ ಇದೊಂದು ಅದ್ಭುತ ಜೀವಜಲವಾಗಿದೆ. ಇದರಲ್ಲಿ ಆಂಟಿ ಆಕ್ಸಿಡೆಂಟುಗಳು, ಅಮೈನೋ ಆಮ್ಲ, ಕಿಣ್ವಗಳು, ಬಿ-ಕಾಂಪ್ಲೆಕ್ಸ್ ವಿಟಮಿನ್ನುಗಳು, ವಿಟಮಿನ್ ಸಿ ಹಾಗೂ ಖನಿಜಗಳಾದ ಕಬ್ಬಿಣ, ಕ್ಯಾಲ್ಸಿಯಂ, ಪೊಟ್ಯಾಶಿಯಂ, ಮೆಗ್ನೀಶಿಯಂ, ಮ್ಯಾಂಗನೀಸ್ ಮೊದಲಾದವುಗಳಿವೆ. ಈ ಎಲ್ಲಾ ಪೋಷಕಾಂಶಗಳು ದೇಹದ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ನೆರವಾಗುತ್ತವೆ. ಅದರಲ್ಲೂ ಎಳೆನೀರನ್ನು ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಕುಡಿದರೆ ಸಾಕಷ್ಟು ಪ್ರಯೋಜನಗಳಿವೆ, ಮುಂದೆ ಓದಿ

ಬಾಯಾರಿಕೆ ತಣಿಸಿವುದರಲ್ಲಿ ಅಪ್ರತಿಮ

ಬಾಯಾರಿಕೆಯಾದಾಗ ದೇಹಕ್ಕೆ ಅಗತ್ಯವಾಗಿರುವ ಪೋಷಕಾಂಶಗಳನ್ನು ಒದಗಿಸುವಲ್ಲಿ ಎಳನೀರಿಗಿಂತ ಬೇರಾವ ದ್ರವವೂ ಸರಿಸಾಟಿಯಾಗಲಾರದು. ಇದರಲ್ಲಿರುವ ಎಲೆಕ್ಟ್ರೋಲೈಟುಗಳು ದೇಹ ಕಳೆದುಕೊಂಡಿರುವ ನೀರು ಮತ್ತು ಶಕ್ತಿಯನ್ನು ಮರುತುಂಬಿಸಲು ನೆರವಾಗುತ್ತವೆ. ವಿಶೇಷವಾಗಿ ಆಮಶಂಕೆ, ವಾಂತಿ, ಅತಿ ಹೆಚ್ಚಿನ ಬೆವರುವಿಕೆ ಮೊದಲಾದ ಸಂದರ್ಭದಲ್ಲಿ ದೇಹ ಕಳೆದುಕೊಂಡಿದ್ದ ನೀರಿನ ಅಂಶವನ್ನು ಮರುಪಡೆಯಲು ಸಹಾ ಈ ನೀರೇ ಅತ್ಯುತ್ತಮವಾಗಿದೆ.

ಅಧಿಕ ರಕ್ತದೊತ್ತಡವನ್ನು ನಿವಾರಿಸುತ್ತದೆ

ಎಳೆನೀರಿನಲ್ಲಿರುವ ವಿಟಮಿನ್ ಸಿ, ಪೊಟ್ಯಾಶಿಯಂ ಮತ್ತು ಮೆಗ್ನೀಶಿಯಂ ಅಧಿಕ ರಕ್ತದೊತ್ತಡವನ್ನು ಕಡಿಮೆ ಮಾಡಲು ನೆರವಾಗುತ್ತದೆ. ಅದರಲ್ಲೂ ಅಧಿಕ ಉಪ್ಪಿನ ಅಥವಾ ಸೋಡಿಯಂ ಪ್ರಭಾವದಿಂದ ದೇಹಕ್ಕೆ ಎದುರಾಗಿರುವ ತೊಂದರೆಯನ್ನು ಸಮತೋಲನಗೊಳಿಸಲು ನೆರವಾಗುವ ಮೂಲಕ ಅಧಿಕ ರಕ್ತದೊತ್ತಡವನ್ನು ಕಡಿಮೆಗೊಳಿಸುತ್ತದೆ. ಇದು ಎಳನೀರಿನ ಅತ್ಯುತ್ತಮ ಗುಣವಾಗಿದೆ.

ಹೃದಯದ ಟಾನಿಕ್

ಎಳನೀರಿನಲ್ಲಿ ಕೊಬ್ಬು ಅಥವಾ ಕೊಲೆಸ್ಟ್ರಾಲ್ ಇಲ್ಲವೇ ಇಲ್ಲ ಹಾಗೂ ಇದರ ನೀರಿನಲ್ಲಿ ಹೃದಯವನ್ನು ರಕ್ಷಿಸುವ ಗುಣಗಳಿವೆ. ಎಳನೀರನ್ನು ನಿಯಮಿತವಾಗಿ ಕುಡಿಯುವ ಮೂಲಕ ರಕ್ತದಲ್ಲಿರುವ ಕೆಟ್ಟ ಕೊಲೆಸ್ಟ್ರಾಲ್ (LDL) ಮಟ್ಟವನ್ನು ಕಡಿಮೆ ಮಾಡಬಹುದು ಹಾಗೂ ಒಳ್ಳೆಯ ಕೊಲೆಸ್ಟ್ರಾಲ್ (high-density lipoprotein) ಹೆಚ್ಚಿಸಿ ಒಟ್ಟಾರೆ ಮಟ್ಟವನ್ನು ಸಮತೋಲನದಲ್ಲಿರಿಸಲು ನೆರವಾಗುವ ಮೂಲಕ ಹೃದಯದ ಮೇಲಿನ ಭಾರವನ್ನು ಕಡಿಮೆ ಮಾಡಬಹುದು.

ಮದ್ಯದ ಅಮಲಿನಿಂದ ಹೊರತರುತ್ತದೆ

ಮದ್ಯವನ್ನು ಕುಡಿದ ಬಳಿಕ ದೇಹದಲ್ಲಿ ನೀರಿನ ಕೊರತೆಯುಂಟಾಗುತ್ತದೆ ಹಾಗೂ ಬೆಳಿಗ್ಗೆದ್ದಾಗ ತಲೆ ತಿರುಗುತ್ತಿರುವಂತೆ ಭಾಸವಾಗುತ್ತದೆ. ಈ ಸಮಯದಲ್ಲಿ ಎಳನೀರು ಕುಡಿಯುವ ಮೂಲಕ ಮೆದುಳಿಗೆ ಹೆಚ್ಚಿನ ರಕ್ತಸರಬರಾಜು ದೊರಕುತ್ತದೆ ಹಾಗೂ ಈ ತಲೆ ತಿರುಗುವಿಕೆ ನಿಲ್ಲುತ್ತದೆ.

ತೂಕ ಇಳಿಸಲು ಸಹಕರಿಸುತ್ತದೆ

ಸಕ್ಕರೆ ತುಂಬಿರುವ ಪೇಯಗಳ ಬದಲಿಗೆ ಎಳನೀರನ್ನು ಕುಡಿಯುವ ಮೂಲಕ ತೂಕ ಇಳಿಸುವ ಪ್ರಕ್ರಿಯೆಗೆ ಹೆಚ್ಚಿನ ಬೆಂಬಲ ದೊರಕುತ್ತದೆ. ಇದರಲ್ಲಿ ಅತಿ ಕಡಿಮೆ ಕ್ಯಾಲೋರಿಗಳಿದ್ದು ಖಾಲಿ ಹೊಟ್ಟೆಯಲ್ಲಿ ಕುಡಿಯಲೂ ಯೋಗ್ಯವಾಗಿದೆ. ಅಲ್ಲದೇ ಈ ನೀರು ಜೀರ್ಣಕ್ರಿಯೆಯನ್ನು ಸುಲಭಗೊಳಿಸುವ ದ್ರವವಾಗಿದ್ದು ಇದರಲ್ಲಿರುವ ಕಿಣ್ವಗಳು ಕೊಬ್ಬನ್ನು ಹೆಚ್ಚು ಕರಗಿಸಲು ನೆರವಾಗುವ ಮೂಲಕ ಶೀಘ್ರವಾಗಿ ತೂಕ ಇಳಿಯಲು ನೆರವಾಗುತ್ತವೆ.

ತಲೆನೋವು ಕಡಿಮೆ ಮಾಡುತ್ತದೆ

ಸಾಮಾನ್ಯವಾಗಿ ದೇಹದಲ್ಲಿ ನೀರಿನ ಕೊರತೆಯಾಗುವುದರಿಂದಲೇ ತಲೆನೋವು ಉಂಟಾಗುತ್ತದೆ. ಇದಕ್ಕೆ ಮೈಗ್ರೇನ್ ಸಹಾ ಹೊರತಲ್ಲ. ಎಳೆನೀರಿನ ಸೇವನೆಯಿಂದ ದೇಹ ಕಳೆದುಕೊಂಡಿದ್ದ ಎಲೆಕ್ಟ್ರೋಲೈಟುಗಳನ್ನು ಮತ್ತೆ ಪೂರೈಸುವ ಮೂಲಕ ದೇಹಕ್ಕೆ ಆರ್ದ್ರತೆಯ ಕೊರತೆಯನ್ನು ನೀಗಿಸುತ್ತದೆ. ವಿಶೇಷವಾಗಿ ಇದರಲ್ಲಿರುವ ಮೆಗ್ನೀಶಿಯಂ ಮೈಗ್ರೇನ್ ತಲೆನೋವು ಬರದಂತೆ ಇರಲು ಹಾಗೂ ಕಡಿಮೆ ಮಾಡಲು ನೆರವಾಗುತ್ತದೆ. ಎಳೆನೀರನ್ನು ಪ್ರತಿದಿನ ಕುಡಿಯುವ ಪ್ರಯೋಜನಗಳಲ್ಲಿ ಇದು ಪ್ರಮುಖ ಪ್ರಯೋಜನವಾಗಿದೆ.

ಕೆಟ್ಟಿದ್ದ ಹೊಟ್ಟೆಯನ್ನು ಸರಿಪಡಿಸುತ್ತದೆ

ಹೊಟ್ಟೆ ಕೆಡಲು ಅಜೀರ್ಣತೆ ಪ್ರಮುಖ ಕಾರಣವಾಗಿದೆ. ಅಜೀರ್ಣತೆಗೆ ಕೆಲವಾರು ಕಾರಣಗಳಿರಬಹುದು. ಆದರೆ ಎಳೆನೀರಿನ ಸೇವನೆಯಿಂದ ಯಾವುದೇ ಕಾರಣಕ್ಕೂ ಅಜೀರ್ಣತೆಯಾಗಿದ್ದರೆ ಇದನ್ನು ತಕ್ಷಣವೇ ಸರಿಪಡಿಸಿ ಆಹಾರ ಜೀರ್ಣಿಸಿಕೊಳ್ಳಲು ನೆರವಾಗುತ್ತದೆ ಹಾಗೂ ಈ ಮೂಲಕ ಎದುರಾಗಬಹುದಾಗಿದ್ದ ಇತರ ತೊಂದರೆಗಳಿಂದ ಕಾಪಾಡುತ್ತದೆ.

ವ್ಯಾಯಾಮದ ಬಳಿಕ ಸೇವನೆಗೆ ಅತ್ಯುತ್ತಮ

ಈ ನೀರಿನಲ್ಲಿ ಉತ್ತಮ ಪ್ರಮಾಣದ ಖನಿಜಗಳಿರುವ ಕಾರಣ ಹಾಗೂ ಇವುಗಳನ್ನು ದೇಹ ತಕ್ಷಣವೇ ಹೀರಿಕೊಳ್ಳಲು ಸಾಧ್ಯವಿರುವ ಕಾರಣ ವ್ಯಾಯಾಮದ ಬಳಿಕ ದೇಹ ಕಳೆದುಕೊಂಡಿದ್ದ ಎಲೆಕ್ಟ್ರೋಲೈಟುಗಳನ್ನು ಮರುತುಂಬಿಸಲು ನೆರವಾಗುತ್ತದೆ. ಇದರಿಂದ ಕಳೆದುಕೊಂಡಿದ್ದ ಶಕ್ತಿ ಮತ್ತೆ ಪಡೆಯಲು ಹಾಗೂ ಸ್ನಾಯುಗಳು ತುಂಡಾಗುವುದನ್ನು ತಪ್ಪಿಸಬಹುದು.

ಎಳೆನೀರನ್ನು ಖಾಲಿ ಹೊಟ್ಟೆಯಲ್ಲಿ ಕುಡಿಯಬಹುದೇ?

ಖಾಲಿ ಹೊಟ್ಟೆಯಲ್ಲಿ ಕುಡಿಯಬಾರದು ಎಂದು ಎಲ್ಲಿಯಾದರೂ ಇದ್ದರೆ ಇದು ಅಪ್ಪಟ ಮಿಥ್ಯೆಯಾಗಿದೆ. ವಾಸ್ತವದಲ್ಲಿ ಖಾಲಿಹೊಟ್ಟೆಯಲ್ಲಿ ಎಳನೀರು ಕುಡಿಯುವುದು ಅತ್ಯುತ್ತಮ ಆಯ್ಕೆಯಾಗಿದ್ದು ರೋಗ ನಿರೋಧಕ ಶಕ್ತಿ ಹೆಚ್ಚಲು ಅತಿ ಹೆಚ್ಚಿನ ನೆರವು ನೀಡುತ್ತದೆ ಹಾಗೂ ದೇಹವನ್ನು ಬ್ಯಾಕ್ಟೀರಿಯಾ ಹಾಗೂ ಇತರ ಸೂಕ್ಷ್ಮಜೀವಿಗಳ ಧಾಳಿಯಿಂದ ರಕ್ಷಿಸುತ್ತದೆ. ಎಳೆನೀರು ಅತ್ಯುತ್ತಮ ಮೂತ್ರವರ್ಧಕವಾಗಿರುವ ಕಾರಣ ದಿನದ ಪ್ರಥಮ ಆಹಾರವಾಗಿ ಕುಡಿಯುವ ಮೂಲಕ ದೇಹದ ಕಲ್ಮಶಗಳನ್ನು ಪೂರ್ಣವಾಗಿ ಹೊರಹಾಕಲೂ ಸಾಧ್ಯವಾಗುತ್ತದೆ.

ಮೂತ್ರದ ಸಮಸ್ಯೆ

ಮೂತ್ರದ ಸಮಸ್ಯೆಗಳು ನಿಯಮಿತವಾಗಿ ಎಳನೀರನ್ನು ಸೇವಿಸುವುದು ಉರಿಮೂತ್ರದಂತಹ ಅಪಾಯಕಾರಿ ಅಂಶವನ್ನು ದೂರಮಾಡಿ ಸ್ವಾಸ್ಥ್ಯವನ್ನು ಒದಗಿಸುತ್ತದೆ.