ಒಣಕೆಮ್ಮು, ಗಂಟಲ ಕೆರೆತ, ಕಫ ನಿವಾರಣೆಗೆ: ಏಲಕ್ಕಿ ಪರ್ಫೆಕ್ಟ್ ಮನೆಮದ್ದು

ಕೆಮ್ಮಿಗೆ ಪರಿಹಾರಕ್ಕೆ ಮನೆಮದ್ದು

ಚಿಟಿಕೆಯಷ್ಟು ಏಲಕ್ಕಿ ಪುಡಿಯನ್ನು ಚಿಟಿಕೆಯಷ್ಟು ಕಲ್ಲುಪ್ಪು, ಒಂದು ಟೀ ಚಮಚ ತುಪ್ಪ, ಅರ್ಧ ಟೀ ಚಮಚ ತಜಾ ಜೇನು ಬೆರೆಸಿ ಸೇವಿಸಿದರೆ ತಕ್ಷಣವೇ ಕೆಮ್ಮಿನಿಂದ ಪರಿಹಾರ ದೊರಕುತ್ತದೆ.

ಕೆಮ್ಮು ಮತ್ತು ಕಟ್ಟಿಕೊಂಡಿರುವ ಕಫ ನಿವಾರಣೆಗೆ ಮನೆಮದ್ದು

ಒಂದು ಏಲಕ್ಕಿ ಮತ್ತು ಕಲ್ಲುಸಕ್ಕರೆಯನ್ನು 3:1 ರ ಅನುಪಾತದಲ್ಲಿ ಬೆರೆಸಿ ಕುಟ್ಟಿ ಪುಡಿಮಾಡಿಕೊಳ್ಳಿ. ಈ ಮಿಶ್ರಣದಲ್ಲಿ ಒಂದು ಟೀ ಚಮಚದಷ್ಟನ್ನು ಕೊಂಚ ನೀರಿನಲ್ಲಿ ಬೆರೆಸಿ ದಿನಕ್ಕೆ ಎರಡು ಅಥವಾ ಮೂರು ಬಾರಿ ಸೇವಿಸುತ್ತಾ ಬಂದರೆ ಉತ್ತಮ ಪರಿಹಾರ ಕಂಡುಬರುತ್ತದೆ.

Most Read:ಬ್ಯೂಟಿ ಟಿಪ್ಸ್: ಒಂದೆರಡು ನೆಲ್ಲಿಕಾಯಿ ಬಳಸಿ-ಮುಖದ ಸೌಂದರ್ಯ ವೃದ್ಧಿಸಿ!

ಶೀತಕ್ಕೆ ಮನೆಮದ್ದು

ಒಂದು ವೇಳೆ ನಿಮಗೆ ಶೀತ ಆವರಿಸುವಂತೆ ಅನ್ನಿಸುತ್ತಿದ್ದರೆ ತಕ್ಷಣವೇ ಒಂದು ಕಪ್ ಬಿಸಿನೀರಿನಲ್ಲಿ ಏಲಕ್ಕಿ ಕುದಿಸಿ ಟೀ ತಯಾರಿಸಿ ಕುಡಿಯಿರಿ. ಇದರ ಗುಣಪಡಿಸುವ ಗುಣ ಶೀತಕ್ಕೆ ಕಾರಣವಾದ ಕಫದ ಪದರವನ್ನು ಸಡಿಲಿಸಿ ನಿವಾರಿಸುವ ಮೂಲಕ ಕಫ ಹಾಗೂ ಶೀತವನ್ನು ನಿವಾರಿಸುತ್ತದೆ.

ಡಿಫ್ರೆಷನ್ ಕಡಿಮೆ ಮಾಡುತ್ತೆ

ಈಗಿನ ಕಾಲದಲ್ಲಿ ಒತ್ತಡ ಅನ್ನೋದು ಯಾರಿಗೆ ಇರಲ್ಲ ಹೇಳಿ. ಅದ್ರಿಂದ ಪ್ರತಿ ಮನೆಯಲ್ಲೂ ಒಬ್ರಲ್ಲ ಒಬ್ಬ ಸದಸ್ಯ ಸಂಕುಚಿತಗೊಳ್ತಾರೆ. ಆದ್ರೆ ಹಾಗೆ ಆಗಬಾರದು, ಡಿಫ್ರೆಷನ್ ಸಮಸ್ಯೆ ದೂರವಾಗ್ಬೇಕು ಅಂದ್ರೆ ಮನೆಯಲ್ಲಿ ಪರಿಮಳಯುಕ್ತವಾದ ಒಂದು ಏಲಕ್ಕಿ ಮಾಲೆಯನ್ನು ಇಟ್ಟಿರಿ. ಅಡುಗೆ ಮನೆಯ ಸಾಂಬಾರ ಪದಾರ್ಥದ ಡಬ್ಬದಲ್ಲಿ 100 ಗ್ರಾಂನಷ್ಟೋ, 200 ಗ್ರಾಂನಷ್ಟೋ ಏಲಕ್ಕಿಯನ್ನು ಮುಚ್ಚುಳ ಹಾಕಿ ಡಬ್ಬದಲ್ಲಿ ಇಟ್ಟರೆ ಸಾಲದು. ಅದ್ರ ಘಮಘಮಿಸುವ ಸ್ವಾದ ಮನೆಯ ಮೂಲೆಮೂಲೆಯನ್ನು ಪಸರಿಸಿದ್ರೆ ಮನೆಯ ಸದಸ್ಯರಲ್ಲಿ ಡಿಫ್ರೆಷನ್ ಸಮಸ್ಯೆ ಬಾಧಿಸೋದಿಲ್ಲ.

ಹುಳಹುಪ್ಪಟೆಗಳ ನಿಯಂತ್ರಣ

ಸಕ್ಕರೆ ಡಬ್ಬಕ್ಕೆ ಆಗಾಗ ಇರುವೆ ಬರುತ್ತೆ ಅಂದ್ರೆ ಅದ್ರೊಳಗೆ ಒಂದು ಏಲಕ್ಕಿ ಹಾಕಿಡೋದು ಎಲ್ಲರಿಗೂ ಗೊತ್ತು. ಆಗ ಇರುವೆ ಆ ಕಡೆ ತಲೆಯೂ ಹಾಕಲ್ಲ. ಕೇವಲ ಒಂದು ಡಬ್ಬದಲ್ಲಿ ಕೆಲಸ ಮಾಡುವ ಏಲಕ್ಕಿಯನ್ನು ಇಡೀ ಮನೆಯ ವಾತಾವರಣವನ್ನು ಶುಚಿಯಾಗಿಡಲು ಬಳಸಿಕೊಳ್ಳಬಹುದು. ಯಾರ ಮನೆಯಲ್ಲಿ ಸೊಳ್ಳೆ, ನೊಣ, ಇತ್ಯಾದಿ ಕೀಟಗಳ ಕಾಟವಿರುತ್ತೋ ಅಂತವರು ಒಂದು ಏಲಕ್ಕಿ ಮಾಲೆಯನ್ನು ಮನೆಯಲ್ಲಿ ಅಲಂಕಾರಿಕ ವಸ್ತುವಾಗಿ ಇಟ್ಟು ನೋಡಿ. ಖಂಡಿತ ನಿಮ್ಮ ಮನೆಯಲ್ಲಿ ಹುಳಹುಪ್ಪಟೆಗಳ ಕಾಟ ನಿಯಂತ್ರಣಕ್ಕೆ ಬರುತ್ತೆ.