ತೆಂಗಿನೆಣ್ಣೆ ಬಿಸಿ ಮಾಡಿದರೆ ಅದರ ಶಕ್ತಿ ಕಡಿಮೆಯಾಗುತ್ತದೆಯೇ?

ಈ ಎಣ್ಣೆಯನ್ನು ಬಿಸಿ ಮಾಡಿದಾಗ ಇದರ ಶಕ್ತಿ ಕಡಿಮೆಯಾಗುವುದೇ?

ಸಾಮಾನ್ಯವಾಗಿ ಎಣ್ಣೆಯನ್ನು ಬಿಸಿ ಮಾಡಿದಾಗ ಅದರಲ್ಲಿರುವ ಕೊಬ್ಬಿನಂಶವು ನಾಶವಾಗುವುದು. ಹಾಗಾಗಿ ಅಡುಗೆ ತಯಾರಿಸಲು ನಾವು ಬಳಸುವ ಎಣ್ಣೆಯನ್ನು ಸರಿಯಾಗಿ ಆಯ್ಕೆಮಾಡಿಕೊಳ್ಳಬೇಕು. ಪಾಲಿಅನ್‍ಚ್ಯುರೇಟೆಡ್ ಕೊಬ್ಬನ್ನು ಹೊಂದಿರುವ ಎಣ್ಣೆಯನ್ನು ಅಡುಗೆಯಲ್ಲಿ ಬಳಸಬಾರದು. ಇದು ದುರ್ಬಲವಾಗಿರುವ ಕಾರಣ ಇದು ಬಿಸಿಯಾದಾಗ ಸೇವಿಸುವುದಕ್ಕೆ ಸೂಕ್ತವಾಗಿರುವುದಿಲ್ಲ. ಹಾಗಾಗಿ ಅಡುಗೆ ತಯಾರಿಸಲು ಅಥವಾ ಇನ್ನಿತರ ಆಹಾರ ಉತ್ಪನ್ನಗಳಿಗೆ ತೆಂಗಿನೆಣ್ಣೆಯನ್ನು ಬಳಸುವುದು. ಅತ್ಯುತ್ತಮವಾದ ಮಾರ್ಗವಾಗಿದೆ. ತೆಂಗಿನೆಣ್ಣೆಯಲ್ಲಿ ಸ್ಯಾಚುರೇಟೆಡ್ ಕೊಬ್ಬು ಇರುವುದರಿಂದ ಬಿಸಿಮಾಡಿರುವಾಗಲೂ ಯಾವುದೇ ಶಕ್ತಿಯನ್ನು ಕಳೆದುಕೊಳ್ಳದು. ಜೊತೆಗೆ ಇದರಲ್ಲಿರುವ ಯಾವುದೇ ಪೋಷಕಾಂಶದ ಗುಣಗಳು ನಾಶವಾಗದು ಎಂದು ಹೇಳಲಾಗುತ್ತದೆ.

ಬಿಸಿ ಮಾಡಿದ ತೆಂಗಿನೆಣ್ಣೆ ಏಕೆ ಹಾನಿಕಾರಕವಲ್ಲ?

ತೆಂಗಿನೆಣ್ಣೆಯನ್ನು ಬಿಸಿಮಾಡಿದಾಗ ಅದು ಯಾವುದೇ ಬಗೆಯ ಪೋಷಕಾಂಶಗಳನ್ನು ಕಳೆದುಕೊಳ್ಳುವುದಿಲ್ಲ. ಅದರಲ್ಲಿ ರಚನಾತ್ಮಕ ಕೊಬ್ಬುಗಳ ವಿಘಟನೆಗೆ ಕಾರಣವಾಗಬಹುದು. ಇದು ಹಾನಿಕಾರಕ ರಾಡಿಕಲ್‍ಗಳನ್ನು ನಿರ್ಮೂಲನೆ ಮಾಡುವುದು. ಹಾಗಾಗಿ ಬಿಸಿ ಮಾಡಿದ ತೆಂಗಿನೆಣ್ಣೆ ಯಾವುದೇ ರೀತಿಯಲ್ಲೂ ಆರೋಗ್ಯಕ್ಕೆ ಹಾನಿಕಾರಕವಲ್ಲ. ಹಾಗಾಗಿಯೇ ಅಡುಗೆ ತಯಾರಿಸಲು ತೆಂಗಿನ ಎಣ್ಣೆ ಅತ್ಯುತ್ತಮವಾದ ಪರಿಹಾರವಾಗಿದೆ.

ತೆಂಗಿನೆಣ್ಣೆಯಿಂದ ಆರೋಗ್ಯಕ್ಕೆ ಉಂಟಾಗುವ ಉಪಯೋಗಗಳು

ಹೃದಯ, ಮಿದುಳು ಮತ್ತು ಕೀಲುಗಳಿಗೆ ಸಂಬಂಧಿಸಿದ ಅಸ್ವಸ್ಥತೆಗಳನ್ನು ಗುಣಪಡಿಸುವ ಶಕ್ತಿಯನ್ನು ತೆಂಗಿನ ಎಣ್ಣೆ ಒಳಗೊಂಡಿದೆ. ಅಡುಗೆಯಲ್ಲಿ ತೆಂಗಿನ ಎಣ್ಣೆಯನ್ನು ಬಳಸುವುದರಿಂದ ಆರೋಗ್ಯದಲ್ಲಿ ಉಂಟಾಗುವ ಅನೇಕ ಸಮಸ್ಯೆಗಳನ್ನು ನಿಯಂತ್ರಿಸುತ್ತದೆ. ಗ್ರಾಮೀಣ ಪ್ರದೇಶದಲ್ಲಿ ಜನರು ಇಂದಿಗೂ ಅನೇಕ ಆರೋಗ್ಯ ಸಮಸ್ಯೆಗಳ ನಿವಾರಣೆಗೆ ತೆಂಗಿನ ಎಣ್ಣೆಯನ್ನೇ ಪ್ರಮುಖ ಔಷಧವಾಗಿ ಬಳಸುವುದನ್ನು ಕಾಣಬಹುದು. ತೆಂಗಿನ ಎಣ್ಣೆಯಲ್ಲಿ ತಯಾರಿಸಿದ ಆಹಾರ ಪದಾರ್ಥವು ಯಕೃತ್ತಿನಲ್ಲಿ ಸುಲಭವಾಗಿ ಜೀರ್ಣವಾಗುವುದು. ರಕ್ತದೊತ್ತಡದ ನಿವಾರಣೆ ಹೊಂದುವುದು. ಮೂತ್ರದ ಸೋಂಕು ಮತ್ತು ಮೂತ್ರಪಿಂಡಕ್ಕೆ ಸಂಬಂಧಿತ ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡುವುದು. ಸಂಧಿ ನೋವುಗಳಿಗೆ ಇದರಿಂದ ಮಸಾಜ್ ಮಾಡುವುದರಿಂದ ಶಮನಗೊಳಿಸಬಹುದು.

ಅಡುಗೆಗೆ ಬಳಸುವಾಗ ನೆನಪಿಡಬೇಕಾದ ವಿಚಾರ

ಅಡುಗೆ ತಯಾರಿಸಲು ಎಲ್ಲಾ ತೈಲಗಳಲ್ಲಿ ಬಹಳ ಉತ್ತಮವಾದ ಎಣ್ಣೆ ಎಂದರೆ ತೆಂಗಿನ ಎಣ್ಣೆ. ಇದನ್ನು ಅಡುಗೆಗೆ ಬಳಸುವಾಗ ಕೆಲವು ಅಂಶಗಳನ್ನು ನೆನಪಿನಲ್ಲಿ ಇಟ್ಟುಕೊಂಡಿರಬೇಕು. ಸ್ಟೋವ್ ಮೇಲೆ ಎಣ್ಣೆಯನ್ನು ಇಟ್ಟಾಗ ಅದು ಅತಿಯಾಗಿ ಕುದಿ ಬಂದು, ಹೊಗೆಯನ್ನು ಸೂಸುವವರೆಗೆ ಕಾಯಬಾರದು. ಎಣ್ಣೆ ಅತಿಯಾಗಿ ಬಿಸಿಯಾಗಿ ಹೊಗೆ ಸೂಸಿದರೆ ಅದರಲ್ಲಿ ಕೊಬ್ಬು ಮತ್ತು ಕ್ಯಾಲೋರಿಯ ಪ್ರಮಾಣ ಹೆಚ್ಚುವುದು. ಆಗ ಅದು ಫಿಟ್‍ನೆಸ್‍ಗೆ ಅಷ್ಟು ಸೂಕ್ತವಾದುದ್ದಲ್ಲ ಎಂದು ಹೇಳಬಹುದಾಗಿದೆ.

ಅಡುಗೆಗೆ ಆರೋಗ್ಯಕರವಾದ ಎಣ್ಣೆ

ಅಧಿಕ ಶಾಖದ ಆಹಾರ ತಯಾರಿಸಲು ತೆಂಗಿನೆಣ್ಣೆ ಪ್ರಮುಖವಾದುದ್ದು. ತೂಕವನ್ನು ಇಳಿಸುವ ಹಂಬಲ ಇರುವವರು ಅಡುಗೆಯಲ್ಲಿ ತೆಂಗಿನೆಣ್ಣೆ ಬಳಸುವುದು ಸೂಕ್ತ. ಇದು ವ್ಯಕ್ತಿಯ ಕೊಬ್ಬಿನ ಪ್ರಮಾಣವನ್ನು ಸೂಕ್ತರೀತಿಯಲ್ಲಿರುವಂತೆ ಮಾಡುತ್ತದೆ. ಹೆಚ್ಚುವರಿ ಪೋಷಕಾಂಶದೊಂದಿಗೆ ಆರೋಗ್ಯ ಸಮಸ್ಯೆಗಳನ್ನು ನಿವಾರಿಸುವುದು. ಅಲ್ಲದೆ ಚರ್ಮದ ಆರೋಗ್ಯದಲ್ಲೂ ಇದು ಪರಿಣಾಮ ಬೀರುವುದು. ಚರ್ಮವನ್ನು ಸದಾ ತಾಜ ಹಾಗೂ ತೇವಾಂಶದಿಮದ ಕೂಡಿರುವಂತೆ ಮಾಡುವುದು. ಕೇಶ ವೃದ್ಧಿಗೆ ಸಹಕರಿಸುವ ತೆಂಗಿನೆಣ್ಣೆ ತ್ವಚೆಯ ಮೇಲೆ ಕಾಣಿಸಿಕೊಳ್ಳುವ ಅನುಪಯುಕ್ತ ಕೂದಲುಗಳ ನಿವಾರಣೆಗೆ ಸಹಾಯ ಮಾಡುವುದು.

ಅಡುಗೆಗೆ ಆರೋಗ್ಯಕರವಾದ ಎಣ್ಣೆ

ತೆಂಗಿನೆಣ್ಣೆಯು ಇದೀಗ ಪಾಶ್ಚಾತ್ಯ ದೇಶಗಳಲ್ಲೂ ಮನ್ನಣೆಯನ್ನು ಪಡೆದುಕೊಳ್ಳುತ್ತಿದೆ. ರೋಗನಿರೋಧಕ ಶಕ್ತಿಯನ್ನು ಉತ್ತೇಜಿಸುವ ಎಣ್ಣೆ ಎಂದು ಪರಿಗಣಿಸಲಾಗಿದೆ. ತೆಂಗಿನೆಣ್ಣೆ ಸೇವಿಸುವುದರಿಂದ ದೇಹದಲ್ಲಿ ಶಕ್ತಿಯ ಮಟ್ಟ ಹೆಚ್ಚುವದು. ಅಲ್ಲದೆ ದೈಹಿಕವಾದ ದೌರ್ಬಲ್ಯವನ್ನು ತೊಡೆದುಹಾಕಲು ಸಹಾಯ ಮಾಡುವುದು. ಆರೋಗ್ಯಕರವಾದ ಅಂಶಗಳನ್ನು ಒಳಗೊಂಡಿರುವುದರಿಂದ ಇದನ್ನು"ಆಲ್ ಇನ್ ಒನ್"ಎಂದು ಪರಿಗಣಿಸಲಾಗುವುದು.