ಈರುಳ್ಳಿ ಸಿಪ್ಪೆಯನ್ನು ಇನ್ನು ಅಪ್ಪಿತಪ್ಪಿಯೂ ಕಸದ ಬುಟ್ಟಿಗೆ ಬಿಸಾಡಬೇಡಿ!!

ಈರುಳ್ಳಿ ಸಿಪ್ಪೆಯ ಟೀ ಮಾಡುವ ವಿಧಾನ

ಈರುಳ್ಳಿಯ ಒಣಸಿಪ್ಪೆಗಳನ್ನು ಪ್ರತ್ಯೇಕಿಸಿ ಒಂದು ಗಾಜಿನ ಜಾಡಿಯಲ್ಲಿ ಹಾಕಿಡಿ. ಟೀ ಕುಡಿಯಬೇಕೆಂದಾಗ ಒಂದು ಲೋಟ ನೀರನ್ನು ಕುದಿಸಿ ಉರಿ ಆರಿಸಿ.

ಈ ನೀರಿನಲ್ಲಿ ಕೊಂಚ ಒಣಸಿಪ್ಪೆಗಳನ್ನು ಸುಮಾರು ಹದಿನೈದು ನಿಮಿಷಗಳ ಕಾಲ ಮುಳುಗಿಸಿಡಿ. ಬಳಿಕ ಈ ನೀರನ್ನು ಸೋಸಿ

ಪ್ರತಿದಿನ ಮಲಗುವ ಮುನ್ನ ದಿನದ ಕಡೆಯ ಆಹಾರವಾಗಿ ಸೇವಿಸಿ ಮಲಗಿ.

ದಿನಕ್ಕೊಂದು ಹಸಿ ಈರುಳ್ಳಿ ತಿಂದರೆ, ಆರೋಗ್ಯಕ್ಕೆ ಹತ್ತಾರು ಲಾಭ!

ಚೆನ್ನಾಗಿ ನಿದ್ದೆ ಬರಲು...

ರಾತ್ರಿ ಮಲಗುವ ಮುನ್ನ ಸೇವಿಸುವುದೇ ಉತ್ತಮವೇಕೆಂದರೆ ಕ್ವೆರ್ಸಟಿನ್ ಪೋಷಕಾಂಶ ಒಂದು ಲಘು ನಿದ್ರಾಜನಕವಾಗಿದ್ದು ಶೀಘ್ರದಲ್ಲಿಯೇ ನಿದ್ದೆಗೆ ಜಾರಲು ನೆರವಾಗುತ್ತದೆ. ಆದರೆ ಈ ಟೀ ಗರ್ಭಿಣಿಯರಿಗೆ ಹಾಗೂ ಇನ್ನೂ ತಾಯಿಹಾಲು ಕುಡಿಯುತ್ತಿರುವ ಮಗುವಿನ ತಾಯಂದಿರಿಗೆ ಸೂಕ್ತವಲ್ಲ.

ಚೆನ್ನಾಗಿ ನಿದ್ದೆ ಬರಲು...

ಟೀ ಮಾಡುವ ಹೊರತಾಗಿ ಈರುಳ್ಳಿ ಸಿಪ್ಪೆಯ ಸೂಪ್ ಕೂಡ ಮಾಡಬಹುದು. ಈ ಸಿಪ್ಪೆಗಳನ್ನು ಹಾಗೇ ತಿನ್ನಲು ಸಾಧ್ಯವಿಲ್ಲ. ಹಾಗಾಗಿ ಇವನ್ನು ಬೇಯಿಸಿದ ಬಳಿಕ ಇವನ್ನು ಸೋಸಿ ನೀರನ್ನು ಮಾತ್ರವೇ ಸಂಗ್ರಹಿಸಬೇಕು. ಈ ನೀರನ್ನು ನಿಮ್ಮ ನೆಚ್ಚಿನ ಇತರ ಖಾದ್ಯಗಳೊಡನೆ ಬೆರೆಸಿ ಸೇವಿಸುವ ಮೂಲಕವೂ ಇದರ ಉತ್ತಮ ಗುಣಗಳನ್ನು ಪಡೆಯಬಹುದು.

ಮಲಬದ್ಧತೆಯ ಸಮಸ್ಯೆಗೆ...

ಈ ನೀರಿನಲ್ಲಿ ಉತ್ತಮ ಪ್ರಮಾಣದ ಕರಗದ ನಾರು ಇರುವ ಕಾರಣ ನಿಮ್ಮ ನಿತ್ಯದ ಆಹಾರದೊಡನೆ ಸೇವಿಸಲು ಅತ್ಯುತ್ತಮವಾಗಿದೆ ಎಂದು ಸಂಶೋಧನೆಗಳು ತಿಳಿಸುತ್ತವೆ.

ಮಲಬದ್ಧತೆಯ ಸಮಸ್ಯೆಗೆ...

ಕರಗದ ನಾರು ಮಲಬದ್ಧತೆಯಾಗದಂತೆ ರಕ್ಷಿಸುತ್ತದೆ ಹಾಗೂ ಕಲ್ಮಶಗಳನ್ನು ಹೊರಹಾಕಲು ಹಾಗೂ ಕರುಳುಗಳಲ್ಲಿ ಪಿ ಎಚ್ ಮಟ್ಟ ಸಂತುಲಿತ ಮಟ್ಟದಲ್ಲಿರಲು ನೆರವಾಗುತ್ತದೆ.

ಈರುಳ್ಳಿ ಸಿಪ್ಪೆಯ ಇತರ ಉಪಯೋಗಗಳು

ಒಂದು ವೇಳೆ ನಿಮಗೆ ಚರ್ಮದಲ್ಲಿ ತುರಿಕೆ ಮೊದಲಾದ ತೊಂದರೆ ಇದ್ದರೆ ಈ ಸಿಪ್ಪೆಯನ್ನು ಕುದಿಸಿದ ನೀರಿನಿಂದ ಚರ್ಮವನ್ನು ತೊಳೆದುಕೊಳ್ಳಲು ಉಪಯೋಗಿಸಬಹುದು. ಇದರಲ್ಲಿರುವ ಆಂಟಿಆಕ್ಸಿಡೆಂಟುಗಳು ಚರ್ಮದ ಆಳಕ್ಕೆ ಇಳಿದು ಉತ್ತೇಜಿಸುವ ಮೂಲಕ ಚರ್ಮಕ್ಕೆ ಮೊದಲಿನ ಕಳೆ ನೀಡಲು ಸಾಧ್ಯವಾಗುತ್ತದೆ.

ಕೂದಲಿನ ಆರೈಕೆಗೆ

ಈ ನೀರನ್ನು ಕೂದಲ ಪೋಷಣೆಗೂ ಬಳಸಬಹುದು. ಇದಕ್ಕಾಗಿ ಹೆಚ್ಚಿನ ಪ್ರಮಾಣದ ಈರುಳ್ಳಿ ಸಿಪ್ಪೆಯನ್ನು ಕುದಿಸಿದ ನೀರನ್ನು ತಣಿಸಿ ಉಗುರುಬೆಚ್ಚಗಾದಾಗ ಕೂದಲನ್ನು ತೋಯಿಸಿಕೊಳ್ಳಬೇಕು. ಕೊಂಚ ಹೊತ್ತಿನ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳುವ ಮೂಲಕ ಕೂದಲು ಮೃದುವಾಗಿ ರೇಷ್ಮೆಯಂತೆ ಹೊಳೆಯುತ್ತದೆ.