ಮೊಬೈಲು ಫೋನನ್ನು ಜೇಬಿನಲ್ಲಿಡಬಾರದು! ಏಕೆಂದು ಗೊತ್ತೇ?

ಮೊಬೈಲ್ ಫೋನನ್ನು ಪ್ಯಾಂಟ್ ಜೇಬಿನಲ್ಲಿಟ್ಟರೆ

ಮೊಬೈಲ್ ಫೋನನ್ನು ಪ್ಯಾಂಟ್ ಜೇಬಿನಲ್ಲಿಟ್ಟರೆ, ವಿಶೇಷವಾಗಿ ಪುರುಷರ ಸಂತಾನಶಕ್ತಿ ಕಡಿಮೆಯಾಗುತ್ತದೆ. ಏಕೆಂದರೆ ವೀರ್ಯಾಣುಗಳ ಮೂಲವಾದ ಸ್ಪರ್ಮಟೋ಼ಜೋವಾ ಎಂಬ ಜೀವಕೋಶಗಳ ಬೆಳವಣಿಗೆಗೆ ಈ ಅಲೆಗಳು ಅಡ್ಡಿಯಾಗುತ್ತವೆ.

ವೀರ್ಯಾಣುಗಳ ಸಂಖ್ಯೆಯ ಮೇಲೂ ಪ್ರಭಾವ ಬೀರುತ್ತವೆ!

ಪ್ಯಾಂಟಿನಲ್ಲಿಟ್ಟ ಮೊಬೈಲು ವೃಷಣಗಳಲ್ಲಿ ಉತ್ಪತ್ತಿಯಾಗುವ ವೀರ್ಯಾಣುಗಳ ಸಂಖ್ಯೆಯ ಮೇಲೂ ಪ್ರಭಾವ ಬೀರುತ್ತವೆ. ಇದರಿಂದ ಆಕ್ಸಿಡೇಟಿವ್ ಒತ್ತಡ ಎದುರಾಗುತ್ತದೆ ಹಾಗೂ ವೀರ್ಯಾಣುಗಳ ಡಿಎನ್.ಎ ರಚನೆಯಲ್ಲಿಯೂ ಬದಲಾಗಬಹುದು.

ನಿಮಿರುವಿಕೆ ದೌರ್ಬಲ್ಯ

ಇನ್ನೊಂದು ಸಂಶೋಧನೆಯ ಪ್ರಕಾರ ತಮ್ಮ ಮೊಬೈಲು ಫೋನುಗಳನ್ನು ಸದಾ ಚಾಲನೆಯಲ್ಲಿಯೇ ಇರಿಸಿ ಪ್ಯಾಂಟುಗಳಲ್ಲಿಟ್ಟುಕೊಳ್ಳುವ ಪುರುಷರು ನಿಮಿರುವಿಕೆ ದೌರ್ಬಲ್ಯವನ್ನು ಇತರರಿಗಿಂತ ಹೆಚ್ಚಾಗಿ ಎದುರಿಸುತ್ತಾರೆ.

ವಾಮೊಬೈಲ್ ಅಂಟೆನಾ

ಮೊಬೈಲು ಫೋನುಗಳು ಸಂಕೇತವನ್ನು ಸ್ವೀಕರಿಸಲು ಅಥವಾ ಒದಗಿಸಲು ಅಯೋನೈಸೇಶನ್ ರಹಿತ ವಿಕಿರಣ ಹೊಂದುವ ರೇಡಿಯೋ ಅಲೆಗಳನ್ನು ಬಳಸುತ್ತವೆ. ಇದಕ್ಕಾಗಿ ಮೊಬೈಲಿನ ಒಳಗೇ ಒಂದು ಅಂಟೆನಾವನ್ನು ಅಳವಡಿಸಿರಲಾಗುತ್ತದೆ. ಈ ಆಂಟೆನಾ ದೇಹದ ಹತ್ತಿರವಿದ್ದರೆ ಈ ಭಾಗದಲ್ಲಿ ಸಾಂದ್ರೀಕೃತವಾಗಿರುವ ಅಲೆಗಳನ್ನು ದೇಹದ ಅಂಗಾಂಶಗಳೂ ಹೀರಿಕೊಳ್ಳುವ ಸಾಧ್ಯತೆ ಇದೆ.

ಮೊಬೈಲ್‌ ಸಂಕೇತಗಳು ಬಲು ಅಪಾಯಕಾರಿ

ಮೊಬೈಲುಗಳು ಸತತವಾಗಿ ಸಂಕೇತಗಳನ್ನು ಸ್ವೀಕರಿಸುತ್ತಾ, ಪ್ರಸರಿಸುತ್ತಾ ಇರುತ್ತವೆ. ಈ ಸಂಕೇತಗಳ ಪ್ರಭಾವ ಜೀವಕೋಶಗಳ ಮೇಲೆ ಥಟ್ಟನೇ ಅಲ್ಲದಿದ್ದರೂ ಸತತವಾದ ಬಳಕೆಯಿಂದ ಜೀವಕೋಶಗಳನ್ನು ಬಿಸಿಮಾಡಿ ಪರೋಕ್ಷ ಪರಿಣಾಮಗಳನ್ನುಂಟು ಮಾಡಬಹುದು.

ಹೆಡ್ ಫೋನ್‌‌ಗಳನ್ನೇ ಬಳಸಿ

ಫೋನುಗಳು ದೇಹದ ಮೇಲೆ ಮಾಡುವ ಪರಿಣಾಮಗಳಲ್ಲಿ ಬರೆಯ ಮೊಬೈಲ್ ಫೋನು ದೇಹಕ್ಕೆ ಹತ್ತಿರವಿದ್ದರೆ ಮಾತ್ರ ಸಾಲದು ಬದಲಿಗೆ ಒಂದು ದಿನದಲ್ಲಿ ಬರುವ ಕರೆಗಳ ಸಂಖ್ಯೆ, ನೀವು ಎಷ್ಟು ಹತ್ತಿರ ಹಿಡಿದುಕೊಳ್ಳುತ್ತೀರಿ, ಎಷ್ಟು ಹೊತ್ತು ಮಾತನಾಡುತ್ತೀರಿ ಮೊದಲಾದ ಅಂಶಗಳನ್ನೂ ಆಧರಿಸಿದೆ.

ಹೆಡ್ ಫೋನ್‌‌ಗಳನ್ನೇ ಬಳಸಿ

ತಜ್ಞರ ಪ್ರಕಾರ ಮೊಬೈಲು ಫೋನುಗಳನ್ನು ದೇಹಕ್ಕೆ ಅಂಟಿಸಿಕೊಂಡೇ ಇರುವ ಬದಲು ಕೊಂಚ ದೂರ ಇರಿಸುವುದು, ಹಾಗೂ ಜೇಬಿನಲ್ಲಿರಿಸುವ ಬದಲು ಕೈಯಲ್ಲಿ ಹಿಡಿದುಕೊಳ್ಳುವುದು, ಕರೆಗಳನ್ನು ಸ್ವೀಕರಿಸಲು ಹಾಗೂ ಕರೆ ಮಾಡಲು ಹೆಡ್ ಫೋನ್‌ಗಳನ್ನೇ ಉಪಯೋಗಿಸುವುದು ಇತ್ಯಾದಿಗಳು ಸೂಕ್ತ ಕ್ರಮಗಳಾಗಿವೆ.