ದಿನಕ್ಕೊಂದು ಗ್ಲಾಸ್ ಮಸಾಲಾ ಹಾಲು ಕುಡಿದರೆ, ಆರೋಗ್ಯವಾಗಿರುವಿರಿ

By: manu
Subscribe to Boldsky

ನಾವು ಭಾರತೀಯರು, ಅಪ್ಪಟ ಮಸಾಲೆ ಪ್ರಿಯರು. ನಮ್ಮ ಅಡುಗೆಗಳಲ್ಲಿ ಮಸಾಲೆ ಇಲ್ಲದ ಖಾದ್ಯಗಳು ಅತಿ ಕಡಿಮೆ. ಸಿಹಿಯಾದ ಹಾಲಿನಲ್ಲಿಯೂ ನಾವು ಕೆಲವು ಮಸಾಲೆಗಳನ್ನು ಕುಟ್ಟಿ ಪುಡಿ ಮಾಡಿ ಬೆರೆಸಿ ಕುಡಿಯುತ್ತೇವೆ. ನಾವು ಇದರಿಂದ ಹೆಚ್ಚುವ ರುಚಿಯನ್ನು ಮೆಚ್ಚಿ ಕುಡಿಯುತ್ತೇವೆಯೇ ವಿನಃ ಇದರ ಪ್ರಯೋಜನಗಳ ಬಗ್ಗೆ ಹೆಚ್ಚು ಅರಿತಿಲ್ಲ. ಈ ಮಸಾಲೆ ಹಾಲು ಸಹಾ ಆರೋಗ್ಯಕರವಗಿದ್ದು ನಮ್ಮ ಹಿರಿಯರು ಆರೋಗ್ಯಕ್ಕಾಗಿ ಮಸಾಲೆ ಹಾಲನ್ನು ಕುಡಿಯಲು ಸಾಧ್ಯವಾಗುವಂತೆ ಹಬ್ಬ ಮತ್ತು ವಿಶೇಷ ಸಂದರ್ಭಗಳಲ್ಲಿ ಕುಡಿಯುವಂತೆ ಒಂದು ಪದ್ಧತಿಯನ್ನಾಗಿಸಿದರು. 

ಹಾಲು v/s ಬಾದಾಮಿ ಹಾಲು ಇವೆರಡರಲ್ಲಿ ಯಾರು ಹಿತವರು?

ಪ್ರತಿ ದಿನ ಹಾಲು ಕುಡಿಯಲು ಸಾಧ್ಯವಿಲ್ಲದ ಮನೆಗಳಲ್ಲಿ ವಿಶೇಷ ಸಂದರ್ಭದಲ್ಲಿ ತಯಾರಿಸಲ್ಪಟ್ಟರೆ ಕೆಲವು ಮನೆಗಳಲ್ಲಿ ಪ್ರತಿದಿನವೂ ಮಸಾಲೆ ಹಾಲು ತಯಾರಾಗುತ್ತದೆ. ಮಸಾಲೆ ಹಾಲಿನಲ್ಲಿ ಏನೇನು ಮಸಾಲೆ ಸೇರಿಸಲಾಗುತ್ತದೆ? ಸಾಮಾನ್ಯವಾಗಿ ಹುಡಿ ಮಾಡಿದ ಗೋಡಂಬಿ, ಚಿಕ್ಕದಾಗಿ ತುರಿದ ಬಾದಾಮಿ, ಏಲಕ್ಕಿ ಪುಡಿ, ಶುಂಠಿ ಪುಡಿ, ಹಳದಿ ಪುಡಿ, ಕೇಸರಿ, ಪುಡಿಮಾಡಿದ ಲವಂಗ, ಹಾಗೂ ಕೊಂಚ ಕಾಳುಮೆಣಸಿನ ಪುಡಿ ಇಷ್ಟನ್ನೂ ಕುದಿಯುತ್ತಿರುವ ಹಾಲಿಗೆ ಹಾಕಿ ಚಿಕ್ಕ ಉರಿಯಲ್ಲಿ ಇನ್ನೂ ಕೊಂಚ ಹೊತ್ತು ಕುದಿಸಿ ತಣಿಸಲಾಗುತ್ತದೆ. ಬನ್ನಿ, ಈ ಮಸಾಲೆ ಹಾಲು ಏಕೆ ಆರೋಗ್ಯಕರವಾಗಿದೆ ಎಂಬುದನ್ನು ನೋಡೋಣ..... 

ಬಾದಾಮಿ

ಬಾದಾಮಿ

ಇದರಲ್ಲಿ ವಿಟಮಿನ್ ಇ ಅತಿ ಹೆಚ್ಚಿನ ಪ್ರಮಾಣದಲ್ಲಿದ್ದು ಚರ್ಮ ಮತ್ತು ಕೂದಲ ಆರೋಗ್ಯವನ್ನು ವೃದ್ದಿಸುತ್ತದೆ. ಇದರೊಂದಿಗೆ ಮೆಗ್ನೇಶಿಯಂ, ಪ್ರೋಟೀನುಗಳು, ಕರಗುವ ನಾರು ಮತ್ತು ಆರೋಗ್ಯಕರ ಕೊಬ್ಬುಗಳಿವೆ. ಇವು ದೇಹದಿಂದ ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಲು, ಅಧಿಕ ರಕ್ತದೊತ್ತಡವನ್ನು ಕಡಿಮೆ ಮಾಡಲು ಹಾಗೂ ರಕ್ತದಲ್ಲಿ ಸಕ್ಕರೆಯ ಪ್ರಮಾಣವನ್ನು ಸಂತುಲಿತ ಮಟ್ಟದಲ್ಲಿರಿಸಲು ನೆರವಾಗುತ್ತವೆ.

ಬಾದಾಮಿ ಹಾಲು+ ಜೇನುತುಪ್ಪದ ಜೋಡಿಗೆ ನಮ್ಮದೊಂದು ಸಲಾಂ!

ಗೋಡಂಬಿ

ಗೋಡಂಬಿ

ಮಸಾಲೆ ಹಾಲು ಕುಡಿದ ಬಳಿಕ ಗೋಡಂಬಿಯ ಚಿಕ್ಕ ಚಿಕ್ಕ ತುಂಡುಗಳನ್ನು ಜಗಿಯುವುದು ಎಲ್ಲರಿಗೂ ಇಷ್ಟ. ಇದರಲ್ಲಿ ಸೆಲೆನಿಯಂ, ಕಬ್ಬಿಣ, ಮೆಗ್ನೇಶಿಯಂ, ಸತು, ಗಂಧಕ, ತಾಮ್ರ, ವಿಟಮಿನ್ ಬಿ೬, ವಿಟಮಿನ್ ಕೆ ಮತ್ತು ಇ ಇವೆ. ಅಲ್ಲದೇ ಗೋಡಂಬಿಯಲ್ಲಿರುವ ಆಂಟಿ ಆಕ್ಸಿಡೆಂಟುಗಳು ಆರೋಗ್ಯವನ್ನು ಕಾಪಾಡುತ್ತವೆ.

ಆಯುರ್ವೇದ ಟಿಪ್ಸ್: ಬೆಳ್ಳುಳ್ಳಿ ಹಾಕಿದ ಹಾಲು-ಅಮೃತಕ್ಕೆ ಸಮ

ಏಲಕ್ಕಿ

ಏಲಕ್ಕಿ

ಇದು ಸುಗಂಧಿತ ಮಸಾಲೆಯಾದರೂ ಪ್ರಮುಖವಾಗಿ ಔಷಧೀಯ ಗುಣಗಳನ್ನೇ ಹೊಂದಿದೆ. ಇದರ ಸೇವನೆಯಿಂದ ಮಲಬದ್ದತೆ, ಹಸಿವಿಲ್ಲದಿರುವುದು, ಎದೆಯುರಿ, ಹೊಟ್ಟೆಯುಬ್ಬರಿಕೆ, ಆಮ್ಲೀಯತೆ, ವಾಕರಿಕೆ ಮೊದಲಾದವು ಇಲ್ಲವಾಗುತ್ತವೆ.

ಕೇಸರಿ

ಕೇಸರಿ

ಅತ್ಯಂತ ದುಬಾರಿಯಾಗಿರುವ ಈ ಮಸಾಲೆ ಅತ್ಯಂತ ಆರೋಗ್ಯಕರವಾಗಿದೆ. ಇದರಲ್ಲಿ ಮೆಗ್ನೀಶಿಯಂ, ಸತು, ಸೆಲೆನಿಯಂ, ಕಬ್ಬಿಣ, ಮ್ಯಾಂಗನೀಸ್, ಕ್ಯಾಲ್ಸಿಯಂ, ಪೊಟ್ಯಾಶಿಯಂ ಹಾಗೂ ತಾಮ್ರ ಉತ್ತಮ ಪ್ರಮಾಣದಲ್ಲಿವೆ. ಅಲ್ಲದೇ ಇದರ ಪ್ರತಿಜೀವಕ, ಆಂಟಿ ಆಕ್ಸಿಡೆಂಟು ಹಾಗೂ ವಿಶೇಷವಾಗಿ ಸ್ನಾಯುಸೆಡೆತವನ್ನು ತಡೆಯುವ ಶಕ್ತಿಯನ್ನು ಹೊಂದಿದೆ. ಅಲ್ಲದೇ ಇದು ಅತ್ಯುತ್ತಮ ಖಿನ್ನತೆ-ಶಮನಕಾರಿಯೂ ಆಗಿದೆ.

ಶುಂಠಿ

ಶುಂಠಿ

ನಾವೆಲ್ಲಾ ತಿಳಿದಿರುವಂತೆ ಶುಂಠಿಯಲ್ಲಿ ಹಲವಾರು ಔಷಧೀಯ ಗುಣವಿದೆ. ಪ್ರಮುಖವಾಗಿ ಇದರಲ್ಲಿರುವ ಜಿಂಜೆರಾಲ್ ಎಂಬ ಪೋಷಕಾಂಶ ಉತ್ತಮ ಉರಿಯೂತ ನಿವಾರಕ ಗುಣ ಹೊಂದಿದೆ. ಶುಂಠಿಯ ಸೇವನೆಯಿಂದ ವಾಕರಿಕೆ, ಗಂಟಲ ಬೇನೆ, ಸ್ನಾಯುಗಳ ನೋವು, ಶೀತ ಮೊದಲಾದ ತೊಂದರೆಗಳು ಇಲ್ಲವಾಗುತ್ತವೆ. ಈ ಎಲ್ಲಾ ಗುಣಗಳು ಒಂದೆಡೆ ಮೇಳೈಸಿದ ಪರಿಣಾಮವಾಗಿಯೇ ಮಸಾಲೆ ಹಾಲು ಅತ್ಯಂತ ಆರೋಗ್ಯಕರ ಪೇಯವಾಗಿದೆ.

ಅರಿಶಿನದ ಹಾಲು

ಅರಿಶಿನದ ಹಾಲು

ಶೀತ, ನೆಗಡಿ, ಜ್ವರ, ಹೊಟ್ಟೆನೋವು, ಮಹಿಳೆಯರಿಗೆ ಮಾಸಿಕ ದಿನಗಳಲ್ಲಿ ಕಾಡುವ ಕೆಳಹೊಟ್ಟೆನೋವು ಮೊದಲಾದ ಎಲ್ಲಾ ಸಾಮಾನ್ಯ ತೊಂದರೆಗಳಿಗೆ ಅಜ್ಜಿ ನೀಡುವ ಔಷಧಿ ಒಂದೇ-ಅದೇ ಅರಿಶಿನ ಸೇರಿಸಿದ ಬಿಸಿ ಹಾಲು. ಹಾಲು ಮತ್ತು ಅರಿಸಿನ ಎರಡೂ ಉತ್ತಮವಾದ ಪ್ರತಿಜೀವಕ (antibiotic) ಗಳಾಗಿವೆ. ಇವೆರಡ ಜೋಡಿ ವಿವಿಧ ತೊಂದರೆಗಳನ್ನು ಯಶಸ್ವಿಯಾಗಿ ನಿವಾರಿಸುವುದು ಮಾತ್ರವಲ್ಲ ದೇಹದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲೂ ನೆರವಾಗುತ್ತವೆ. ಹಸಿಯಾಗಿರುವ ಅರಿಶಿನದ ಕೊಂಬಿನ ಸುಮಾರು ಒಂದು ಇಂಚಿನಷ್ಟು ತುಂಡನ್ನು ಜಜ್ಜಿ ಕುದಿಯುತ್ತಿರುವ ಹಾಲಿನಲ್ಲಿ ಸೇರಿಸಿ. ಈಗ ಉರಿಯನ್ನು ಅತಿಚಿಕ್ಕದಾಗಿ ಮಾಡಿ ಮುಚ್ಚಳ ಮುಚ್ಚದೇ ಸುಮಾರು ಹದಿನೈದು ನಿಮಿಷ ಕುದಿಸಿ. ಬಳಿಕ ಅರಿಶಿನದ ತುಂಡನ್ನು ಸೋಸಿ ತೆಗೆಯಿರಿ. ಈ ಹಾಲನ್ನು ತಣಿದ ಬಳಿಕವೇ ಕುಡಿಯಿರಿ. ಈ ಹಾಲನ್ನು ಮತ್ತೆ ಬಿಸಿ ಮಾಡಬಾರದು.

English summary

Why Masala Doodh Is The Best Energy Drink

Masala milk is consumed almost on every festival in many parts of India. In fact, some drink it on a daily basis as it is very healthy. What are the actual ingredients of masala doodh? Well, crushed cashew nuts, crushed almonds, powdered cardamom, ginger powder, turmeric powder, saffron, crushed cloves and even pepper powder are mixed to boiling milk. Now, here is why it is healthy to drink masala doodh.
Story first published: Monday, July 31, 2017, 11:35 [IST]
Please Wait while comments are loading...
Subscribe Newsletter