ನೆನಪಿಡಿ... ಅತಿಯಾದ ಜೇನುತುಪ್ಪದ ಸೇವನೆ ಆರೋಗ್ಯಕ್ಕೆ ಹಾನಿಕರ

ಮಧುಮೇಹಿಗಳು ಜೇನು ತುಪ್ಪವನ್ನು ಸೇವಿಸಬಾರದು...

ಜೇನು ತುಪ್ಪವು ಹೆಚ್ಚಿನ ಪ್ರಮಾಣದಲ್ಲಿ ಕಾರ್ಬೋಹೈಡ್ರೇಟ್ ಹೊಂದಿರುತ್ತದೆ. ಅತಿಯಾಗಿ ಸೇವಿಸುವುದರಿಂದ ರಕ್ತದಲ್ಲಿ ಸಕ್ಕರೆಯ ಮಟ್ಟವನ್ನು ಹೆಚ್ಚಿಸುತ್ತದೆ. ಒಬ್ಬ ಆರೋಗ್ಯವಂತ ವ್ಯಕ್ತಿಯಲ್ಲಿ ಇನ್ಸುಲಿನ್ ಉತ್ಪಾದನೆಯು ಸಕ್ಕರೆ ಮಟ್ಟದಲ್ಲಿ ಹೆಚ್ಚಳವನ್ನು ಪ್ರತಿರೋಧಿಸುತ್ತದೆ. ಹಾಗಾಗಿ ಮಧುಮೇಹಿಗಳು ಜೇನು ತುಪ್ಪವನ್ನು ಸೇವಿಸಬಾರದು.

ದಂತ ಸಮಸ್ಯೆ

ಯುಎಸ್‍ಡಿಎ ನ್ಯಾಷನಲ್ ನ್ಯೂಟ್ರಿಯೆಂಟ್ ಡಾಟಾಬೇಸ್‍ನ ಪ್ರಕಾರ ಸುಮಾರು 82 ಪ್ರತಿಶತದಷ್ಟು ಜೇನುತುಪ್ಪವನ್ನು ಸಕ್ಕರೆ ಒಳಗೊಂಡಿರುತ್ತದೆ. ಇದು ಸುಲಭವಾಗಿ ದಂತಕ್ಷಯವನ್ನು ಉತ್ತೇಜಿಸುತ್ತದೆ. ಬಾಯಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಬ್ಯಾಕ್ಟೀರಿಯ ಹುಟ್ಟುವಂತೆ ಮಾಡುತ್ತದೆ. ಜೊತೆಗೆ ದಂತ ಕವಚದ ಸವೆತ ಉಂಟಾಗುವುದು. ಹಲ್ಲಿನಲ್ಲೂ ಸಹ ಕೊಳೆತ ಉಂಟಾಗುವುದು.

ತೂಕ ಹೆಚ್ಚಿಸುವುದು

ಅತಿಯಾದ ಜೇನು ತುಪ್ಪದ ಸೇವನೆಯಿಂದ ತೂಕದಲ್ಲೂ ಹೆಚ್ಚಳ ಉಂಟಾಗುವುದು. ಅತಿಯಾದ ಸಕ್ಕರೆ ಪ್ರಮಾಣದಿಂದ ಬೊಜ್ಜು ಹೆಚ್ಚುವುದಲ್ಲದೆ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುವುದು.

ಜೀರ್ಣಾಂಗ ವ್ಯವಸ್ಥೆಯಲ್ಲಿ ವ್ಯತ್ಯಾಸ

ಜೇನು ತುಪ್ಪವನ್ನು ದೀರ್ಘಕಾಲದವರೆಗೆ ಸೇವಿಸುವುದರಿಂದ ಜೀರ್ಣಾಂಗ ವ್ಯವಸ್ಥೆಯಲ್ಲಿ ಅಸಮರ್ಪಕ ಕಾರ್ಯಕ್ಕೆ ಕಾರಣವಾಗುವುದು. ಆಸಿಡ್ ರಿಫ್ಲಕ್ಸ್ ಎಂಬ ರೋಗದ ಉದಯವಾಗುವುದು.

ಮಲಬದ್ಧತೆ ಮತ್ತು ಹೊಟ್ಟೆ ತೊಂದರೆ

ಜೇನುತುಪ್ಪದ ಅತಿಯಾದ ಸೇವನೆಯಿಂದ ಮಲಬದ್ಧತೆ ಉಂಟಾಗುವುದು. ಇದರಲ್ಲಿ ಫ್ರಕ್ಟೋಸ್ ಪ್ರಮಾಣ ಹೆಚ್ಚಿರುವುದರಿಂದ ಹೊಟ್ಟೆ ಉಬ್ಬುವುದು ಮತ್ತು ಅತಿಸಾರ ಉಂಟಾಗುವುದು. ಅಸಮರ್ಪಕ ಜೀರ್ಣಕ್ರಿಯೆಯಿಂದ ಅನೇಕ ತೊಂದರೆ ಉಂಟಾಗುವುದು.

ಕಡಿಮೆ ರಕ್ತದೊತ್ತಡ

ಕಡಿಮೆ ರಕ್ತದೊತ್ತಡ ಇರುವ ವ್ಯಕ್ತಿಗಳು ಜೇನುತುಪ್ಪವನ್ನು ಸೂಕ್ತ ರೀತಿಯಲ್ಲಿ ಸೇವಿಸಬೇಕು. ಇಲ್ಲವಾದರೆ ಆರೋಗ್ಯದಲ್ಲಿ ಅನೇಕ ತೊಂದರೆಗಳುಂಟಾಗಬಹುದು. ಅತಿಯಾದ ಸೇವನೆಯಿಂದ ಹೃದಯದ ಗಂಭೀರ ಸಮಸ್ಯೆಗೆ ಕಾರಣವಾಗುವುದು.

ಜೇನು ತುಪ್ಪದ ಸೇವನೆಯ ಪ್ರಮಾಣ

ಜೇನು ತುಪ್ಪದ ಸೇವನೆ ಮಾಡುವಾಗ ಸೂಕ್ತ ಪ್ರಮಾಣದ ಅಳತೆ ಹೊಂದಿರಬೇಕು. ದಿನ ನಿತ್ಯ ಸರಿಸುಮಾರು 10 ಟೀಚಮಚ, ಅಂದರೆ 50 ಮಿ.ಲೀ. ಜೇನುತುಪ್ಪವನ್ನು ಸೇವಿಸಬಹುದು.

ಸಲಹೆ

ಒಂದು ದಿನಕ್ಕೆ ಎಷ್ಟು ಜೇನು ತುಪ್ಪವನ್ನು ಸೇವಿಸಬಹುದು ಎಂಬ ಕುರಿತು ಯಾವುದೇ ಮಿತಿಗಳು ಇಲ್ಲ. ಆದರೆ ಇದನ್ನು ಪ್ರತಿನಿತ್ಯ ಹೆಚ್ಚಾಗಿ ಸೇವಿಸಬೇಡಿ ಎಂದು ಹೇಳಲಾಗುತ್ತದೆ. ಒಂದು ವೇಳೆ ನೀವು ಅಧಿಕ ಪ್ರಮಾಣದ ಸಿಹಿ ತಿನಿಸುಗಳನ್ನು ಸೇವಿಸಿದ ದಿನ ಜೇನು ತುಪ್ಪವನ್ನು ಸೇವಿಸಲು ಹೋಗಬೇಡಿ. ಸೇವಿಸಲೇ ಬೇಕಾದಲ್ಲಿ ಸ್ವಲ್ಪ ಮಾತ್ರ ಸೇವಿಸಿ. ನಿಮ್ಮ ಸಕ್ಕರೆಯ ಸೇವನೆಯ ಪ್ರಮಾಣವನ್ನು ಯಾವುದೇ ಕಾರಣಕ್ಕು 100 ಕ್ಯಾಲೋರಿಗಳಿಗಿಂತ ಹೆಚ್ಚಿಗೆ ಮಾಡಿಕೊಳ್ಳಬೇಡಿ. ಅಂದರೆ ಪ್ರತಿ ದಿನ 6 ಟೀ ಚಮಚ ಪ್ರಮಾಣದ ಒಳಗೆ ನಿಮ್ಮ ಸಕ್ಕರೆಯ ಸೇವನೆ ಮಿತಿಯಿರಲಿ.