ಅರಿಶಿನ ಹಾಲು: ಇದು ಬರೋಬ್ಬರಿ ಎಂಟು ಕಾಯಿಲೆಗಳಿಗೆ ರಾಮಬಾಣ

1.ಪ್ರತಿರೋಧಕ ಶಕ್ತಿ ಹೆಚ್ಚಳ

ಅರಿಶಿನದಲ್ಲಿ ಇರುವಂತಹ ಲಿಪೋಪೊಲಿಸ್ಯಾಕರೈಡ್ ಎನ್ನುವ ಅಂಶವು ಪ್ರತಿರೋಧಕ ವ್ಯವಸ್ಥೆಯ ಕಾರ್ಯವನ್ನು ಬಲಪಡಿಸಿ ಸೋಂಕಿನ ವಿರುದ್ಧ ಉತ್ತಮ ರೀತಿಯಲ್ಲಿ ಹೋರಾಡಲು ನೆರವಾಗುವುದು. ಹಾಲಿನೊಂದಿಗೆ ಇದನ್ನು ಸೇವಿಸಿದಾಗ ಇದು ವೈರಲ್ ವಿರೋಧಿ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ಹೊಂದಿರುವುದು. ಇದು ಸೋಂಕನ್ನು ನಿವಾರಿಸಲು ನೆರವಾಗುವುದು. ಅರಶಿನದಲ್ಲಿರುವ ಕುರ್ಕ್ಯೂಮಿನ್ ಉರಿಯೂತ ಶಮನಕಾರಿ ಗುಣ ಹೊಂದಿದೆ. ಇದು ಸೂಕ್ಷ್ಮಾಣು ಜೀವಿಗಳು ಉಂಟುಮಾಡುವ ಕಾಯಿಲೆಗಳನ್ನು ತಡೆಯುವುದು.

2.ಶೀತ ಮತ್ತು ಕೆಮ್ಮಿಗೆ

ಅರಿಶಿನ ಹಾಲು ನಂಜುನಿರೋಧಕ ಮತ್ತು ಸಂಕೋಚನ ಅಂಶವನ್ನು ಹೊಂದಿದೆ. ಇದರಿಂದ ಶೀತ ಮತ್ತು ಕೆಮ್ಮನ್ನು ಬುಡದಿಂದಲೇ ಕಿತ್ತು ಹಾಕುವುದು. ಇದು ಸೋಂಕು ಬರದಂತೆ ತಡೆಯುವುದು. ಶಾಸ್ವನಾಳದಲ್ಲಿ ಕಫ ಶೇಖರಣೆಯಾಗುವುದನ್ನು ತಡೆಯುವ ಈ ಪಾನೀಯವು ಕಿರಿಕಿರಿ ಉಂಟುಮಾಡುವ ಗಂಟಲಿಗೆ ಶಮನ ನೀಡುವುದು. ಇದರಿಂದ ಕಫ ಕಡಿಮೆಯಾಗಿ ಕಟ್ಟಿದ ಮೂಗು ತೆರೆಯುವುದು.

3.ಯಕೃತ್ ಗೆ ಒಳ್ಳೆಯದು

ದೇಹದಲ್ಲಿ ವಿಷವನ್ನು ಹೊರಹಾಕುವಲ್ಲಿ ಯಕೃತ್ ಪ್ರಮುಖ ಪಾತ್ರ ನಿರ್ವಹಿಸುವುದು. ಇದು ದೇಹದಲ್ಲಿರುವ ವಿಷ ಹೊರಹಾಕಲು ಹಗಲುರಾತ್ರಿ ಕೆಲಸ ಮಾಡುವುದು. ಈ ಕಾರ್ಯಕ್ಕೆ ಅರಶಿನವು ನೆರವಾಗುವುದು. ಇದು ಯಕೃತ್ ನ ಕೋಶಗಳನ್ನು ಸರಿಪಡಿಸುವುದು. ಕರ್ಕ್ಯುಮಿನ್ ನಮ್ಮ ದೇಹದಲ್ಲಿರುವ ಕಾರ್ಸಿನೋಜೆನ್ಗಳನ್ನು ತೆಗೆದುಹಾಕುವ ಕಿಣ್ವಗಳ ಸ್ರವಿಸುವಿಕೆಗೆ ನೆರವಾಗುವುದು. ಇದು ಮಧುಮೇಹಿಗಳಿಗೆ ಒಳ್ಳೆಯದು. ಯಾಕೆಂದರೆ ಅವರ ಯಕೃತ್ ಯಾವಾಗಲೂ ಹಾನಿಯಾಗಿರುವುದು.

4.ಜೀರ್ಣಕ್ರಿಯೆಗೆ ಒಳ್ಳೆಯದು

ಅರಿಶಿನ ಹಾಲು ಪಿತ್ತರಸ ಉತ್ಪತ್ತಿಯನ್ನು ಹೆಚ್ಚು ಮಾಡುವುದು. ಇದರಿಂದ ಆಹಾರವು ಸರಿಯಾಗಿ ಜೀರ್ಣವಾಗುವುದು. ಆಮ್ಲದ ಹಿಮ್ಮುಖ ಹರಿವು ಮತ್ತು ಹೊಟ್ಟೆಯುಬ್ಬರ ತಡೆಯುವುದು. ಇದು ಕರುಳಿನ ಕ್ರಿಯೆಯನ್ನು ಸರಾಗವಾಗಿಸಿ ಮಲಬದ್ಧತೆ ನಿವಾರಿಸುವುದು.

5.ರಕ್ತ ಶುದ್ಧೀಕರಿಸುವುದು

ದುಗ್ಧರಸ ವ್ಯವಸ್ಥೆಯ ಕ್ರಿಯೆಯನ್ನು ಹೆಚ್ಚು ಮಾಡುವ ಅರಶಿನ ಹಾಲು ರಕ್ತವು ಸರಿಯಾಗಿ ಸಂಚಾರವಾಗಲು ನೆರವಾಗುವುದು. ರಕ್ತದಲ್ಲಿರುವ ಎಲ್ಲಾ ರೀತಿಯ ಕಲ್ಮಷ ಹೊರಹಾಕಿ ರಕ್ತವು ಸರಿಯಾಗಿ ಆಮ್ಲಜನಕ ಹೀರಿಕೊಳ್ಳುವಂತೆ ಮಾಡುವುದು.

6.ಸಂಧಿವಾತ ನೋವು ನಿವಾರಣೆ

ಅರಿಶಿನ ಹಾಲಿನಲ್ಲಿ ಇರುವಂತಹ ಅತ್ಯುತ್ತಮವಾದ ಉರಿಯೂತ ಶಮನಕಾರಿ ಗುಣವು ಸಂಧಿವಾತದ ನೋವು ಕಡಿಮೆ ಮಾಡುವುದು. ಮೂಳೆ ಮತ್ತು ಗಂಟುಗಳನ್ನು ಬಲಪಡಿಸಿ ನೋವು ನಿವಾರಿಸುವುದು. ದ್ರವವನ್ನು ಕಾಪಾಡಿಕೊಳ್ಳುವ ಕಾರಣ ಗಂಟುಗಳಲ್ಲಿ ಸ್ಥಿತಿಸ್ಥಾಪಕತ್ವ ಉಳಿದುಕೊಳ್ಳುವುದು.

7.ನಿದ್ರಾಹೀನತೆಗೆ

ಒಂದು ಲೋಟ ಬಿಸಿ ಹಾಲು ಸೇವಿಸಿದರೆ ಅದರಿಂದ ಒಳ್ಳೆಯ ನಿದ್ರೆ ಬರುವುದು ಎನ್ನಲಾಗಿದೆ. ಅರಶಿನ ಹಾಕಿಕೊಂಡು ಹಾಲು ಸೇವಿಸಿದಾಗ ಮೆದುಳು ಆರಾಮ ಮಾಡಲು ಮತ್ತು ನಿದ್ರೆಗೆ ನೆರವಾಗುವುದು.

8. ಋತುಚಕ್ರದ ನೋವು ನಿವಾರಣೆ

ತಿಂಗಳಿನ ಮುಟ್ಟಿನ ವೇಳೆ ನೋವು ಕಾಣಿಸಿಕೊಳ್ಳುವುದು ಮಹಿಳೆಯರಿಗೆ ಸಾಮಾನ್ಯ. ನೋವು ನಿವಾರಕ ಔಷಧಿ ತೆಗೆದುಕೊಳ್ಳುವ ಬದಲು ಅರಶಿನ ಹಾಲು ಸೇವಿಸಿದರೆ ಒಳ್ಳೆಯದು. ಇದರಲ್ಲಿನ ಆಂಟಿಸ್ಪಾಸ್ಮೊಡಿಕ್ ಸೆಳೆತ ಕಡಿಮೆ ಮಾಡಿ ಅದು ಬರದಂತೆ ತಡೆಯುವುದು. ಮಹಿಳೆಯರ ಸಂತಾನೋತ್ಪತ್ತಿ ವ್ಯವಸ್ಥೆಯನ್ನು ಇದು ಆರೋಗ್ಯವಾಗಿಡುವುದು.